News
Լրահոս
News
Երեքշաբթի
Մայիս 28
Տեսնել լրահոսը

ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնում քննվող քրեական վարույթի շրջանակներում իրականացված միջոցառումների արդյունքում հայտնաբերվել է Պռոշյան փողոցում ԱՄՆ քաղաքացու նկատմամբ օդաճնշիչ ատրճանակով ավազակային հարձակում կատարելու վերաբերյալ վարույթով հետախուզվող անձը։

ՔԿ-ից NEWS.am-ին հայտնում են, որ 2024 թվականի մարտի 21-ին ահազանգ էր ստացվել այն մասին, որ անհայտ անձը զենքի գործադրմամբ օտարերկրացի անցորդից հափշտակել է նրա պայուսակը։

Դեպքի առթիվ իրականացված նախաքննությամբ  դեպքի վայրից հայտնաբերվել և վերցվել էր «Stalker S17» տեսակի օդաճնշիչ ատրճանակ։

Քննչական գործողությունների արդյունքում պարզվել Էր, որ ԱՄՆ քաղաքացուց առերևույթ հափշտակությունը կատարել է 25-ամյա երիտասարդ։

Վերջինս, ըստ քննությամբ ձեռք բերված փաստական տվյալների, 2024թ․ մարտի 21-ին՝ ժամը 10։30-ի սահմաններում, Երևան քաղաքի «Սիրահարների այգում» ետևից մոտեցել է օտարերկրացուն, իր մոտ գտնվող օդաճնշիչ ատրճանակով թիկունքից հարվածել նրա գլխին, հափշտակել վերջինիս ձեռքի պայուսակն ու դիմել փախուստի։ Այդ ընթացքում պայուսակից հանել է ԱՄՆ քաղաքացու դրամապանակը, որում եղել է կանխիկ գումար և բանկային քարտ, հափշտակել դրանք, իսկ պայուսակը նետել մի կողմ։ Փախուստի ընթացքում նրա գոտկատեղին ամրացված ատրճանակն ընկել է գետնին:

Երիտասարդի նկատմամբ հարուցվել էր հանրային քրեական հետապնդում և հայտարարվել էր հետախուզում։

2024 թվականի ապրիլի 15-ին վերջինս հայտնաբերվել և ներկայացվել է վարույթն իրականացնող մարմնին։ Նրան ներկայացվել է մեղադրանք ՀՀ քրեական օրենսգրքի 252-րդ հոդվածի 2-րդ մասի 5-րդ կետով:

Երիտասարդի նկատմամբ որպես խափանման միջոց ընտրվել է կալանքը։

Բացի այդ, հիշյալ քրեական վարույթի շրջանակներում իրականացվող քննությամբ տվյալներ են ստացվել նույն երիտասարդի կողմից Երևանում գործող 2 տարբեր խանութ-սրահներից ալկոհոլային խմիչքներ գողանալու մասին։

Նշված դեպքերի առթիվ ՀՀ քրեական օրենսգրքի 253-րդ հոդվածի 1-ին մասով և 254-րդ հոդվածի 1-ին մասով նախաձեռնվել են քրեական վարույթներ, որոնք հետագայում միացվել են զենքի գործադրմամբ հափշտակություն կատարելու վերաբերյալ վարույթին, հանգամանքները պարզվում են։

Նախաքննությունը շարունակվում է: Իրականացվում են քննչական անհրաժեշտ գործողություններ նշված հանցավոր արարքների բոլոր հանգամանքները պարզելու նպատակով։

Տպել
Կարդացեք նաև
Ամբողջը
Մեղրի-Ծավ հատվածից քարերը հեռացվել են, երթևեկությունը երկկողմանի վերականգնվել է
Դեպքի վայր էր մեկնել ՆԳՆ ՓԾ մարզային փրկարարական վարչության հրշեջ...
Ոստիկանները հայտնաբերել են Օձունում 64-ամյա տղամարդուն հող փխրեցնելու բրիչով սպանած 27-ամյա կնոջը
Երեկ՝ մայիսի 27-ին, իրավապահները ժամերի ընթացքում բացահայտել են Օձուն...
Արմավիրի մարզում բախվել են 3 ավտոմեքենաներ. վարորդներից մեկը եղել է ոչ սթափ և զրկված է եղել վարելու իրավունքից
Այսօր՝ մայիսի 28-ին, խոշոր ավտովթար է տեղի ունեցել Արմավիրի մարզում։ Ժամը…
Ճապոնիայի հարավ-արեւմուտքում ավելի քան 13 հազար մարդ տարհանման ցուցում է ստացել հորդ անձրեւների պատճառով
Տարհանման ցուցում Ճապոնիայում...
1 զոհ, 4 վիրավոր․ Արմավիրում «Ford Fusion»-ը բախվել է հողաթմբին և, մոտ 100 մետր գլորվելով, գլխիվայր հայտնվել դաշտում
Այսօր՝ մայիսի 28-ին, խոշոր ու ողբերգական ավտովթար է տեղի ունեցել Արմավիրի...
Հրդեհ Փոքր Մանթաշ գյուղում
Մայիսի 27-ին` ժամը 22։46-ին, Շիրակի մարզային փրկարարական վարչության ճգնաժամային կառավարման կենտրոն...
Ամենաշատ
Ֆոտոռեպորտաժներ