News
Լրահոս
News
Շաբաթ
Մայիս 18
Տեսնել լրահոսը

Մենք հիմա քննարկման փուլում ենք։ Նպատակն այն չէ, որ բոլոր գիտական ​​հաստատություններն ունենան նույն կարգավիճակը կամ ամբողջ գիտությունը կենտրոնացվի բուհերում։ Այս մասին NEWS.am -ի թղթակցի հետ զրույցում ասաց ՀՀ կրթության, գիտության, մշակույթի և սպորտի նախարար Ժաննա Անդրեասյանը։

Նա պարզաբանեց, որ նպատակը բարձրագույն կրթության և գիտահետազոտական ոլորտի ​​կապերի ամրապնդումն է:

Նախարարը հավելեց, որ այսօր գիտական ​​ոլորտում ֆինանսավորման զգալի մասն ուղղվում է բուհերին, որոշ բուհեր բավականին ակտիվ ծրագրեր են իրականացնում, և դրա համար բավականին լուրջ ֆինանսավորում են ստանում։ Օրինակ՝ 2024 թվականի բյուջեով ԵՊՀ-ին զգալի միջոցներ են հատկացրել սուպերհամակարգիչ ձեռք բերելու և արհեստական բանականության կենտրոն ստեղծելու համար։

«Նման համատեղ աշխատանքից կշահի թե՛ բարձրագույն կրթությունը՝ որակական առումով, թե՛ հետազոտական ​​ոլորտը։ Վերջին տարիներին երիտասարդ գիտնականների թիվն ավելանում է, և նրանք հիմնականում գալիս են բուհերից։ Բուհերում գիտահետազոտական ​​աշխատանքների զարգացումն էապես նպաստում է երիտասարդ գիտնականների թվի աճին»,- նշեց Անդրեասյանը։

Նրա խոսքով՝ կարելի է քննարկել մնացած բոլոր խնդիրները՝ ձևաչափը, կարգավիճակը, գիտական ​​ինստիտուտների ինքնավարության աստիճանը, բուհերի հետ աշխատանքի համադրությունը և այլն։

«Մենք շատ գոհ ենք, որ Ակադեմիան ակտիվ է և առաջարկներ է ձևակերպել։ Կարծում եմ՝ մենք բավական ժամանակ կունենանք մասնագիտական ​​քննարկման և լավագույն լուծումները գտնելու համար»,- ասաց նա։ Պատասխանելով հարցին, թե արդյոք Ակադեմիան գրավոր պատասխան կստանա՞ կառավարությանը գրավոր ներկայացրած առաջարկություններին, Ժաննա Անդրեասյանը նշեց, որ նախարարությունը «գրավոր առաջարկներին պատասխանում է սահմանված կարգով, բայց այդ գրագրությունից բացի անհրաժեշտ են մասնագիտական ​​լուրջ քննարկումներ»։

Նա հավելեց, որ ձևավորվել են աշխատանքային խմբեր, որոնցում ներգրավված են համապատասխան ոլորտների գիտահետազոտական ​​ինստիտուտների և բուհերի ներկայացուցիչներ։ Ինչ վերաբերում է նրան, որ այդ խմբերում չկան ՀՀ ԳԱԱ նախագահության ներկայացուցիչներ, նախարարը նշեց, որ. որ Գիտությունների ակադեմիայի նախագահությունը լիովին ներգրավված է եղել գործընթացում հենց սկզբից, երբ ստեղծվել է աշխատանքային խումբ՝ Ակադեմիական քաղաքի ռազմավարությունը մշակելու համար։ «Մենք նախատեսում ենք շարունակել սերտ համագործակցությունը Ակադեմիայի հետ»,- հավելեց նա:

Ինչ վերաբերում է այն հայտարարությանը, ըստ որի՝ 2027 թվականից չմիավորվող բուհերն ու ինստիտուտները պետական ​​ֆինանսավորում չեն ստանա, նա ընդգծեց. «Այս հարցերը պետք է քննարկվեն և հստակություն կմտցվի ժամկետների վերաբերյալ»:

Հիշեցնենք, որ ապրիլի 3-ին կայացած Հայաստանի ԳԱԱ–ն ընդլայնված ընդհանուր ժողովում որոշում է կայացվել, որում, մասնավորապես, ասվում է.

- տեղական և աշխարհաքաղաքական իրողությունների ներկա պայմաններում գիտության և բարձրագույն կրթության ավանդական մոդելի կտրուկ և արմատական ​​փոփոխությունն անշահավետ է երկու ոլորտների համար,

- անընդունելի է բոլոր բուհերի և գիտական ​​կազմակերպությունների կենտրոնացումը մեկ վայրում՝ ռազմավարական բնույթի և անվտանգության նկատառումներով,

- անհրաժեշտ է ապահովել գիտական ​​գործունեության կազմակերպման բազմազան ձևեր. բուհերը պետք է ունենան ժամանակակից գիտահետազոտական ​​միավորներ, բայց պետք է լինեն նաև անկախ, առանձին կազմակերպություններ, որոնք իրականացնում են հիմնականում գիտական ​​և գիտատեխնոլոգիական գործունեություն.

- Հայաստանի Հանրապետության պետական ​​բուհերի ընդլայնման և արդիականացման ընթացքում չպետք է խաթարվի գիտության կայուն զարգացումը և Հայաստանի գիտատեխնիկական առաջընթացը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Գիտնականները ներկայացրել են հաստոցների արտադրողականության բարձրացման նորարարական մոտեցում
Միչիգանի համալսարանի մեքենաշինության, ինտեգրացիոն համակարգերի և դիզայնի պրոֆեսոր Չինեդում...
ԱՄՆ ռազմաօդային ուժերը կստանան էլեկտրական «թռչող մեքենաներ»
Աշխատանքային խումբը կփնտրի ծրագրեր կամ այլ գործողություններ ԱՄՆ բանակի ներսում, որոնք կարող են...
Ամերիկյան ընկերությունը թռչող մոտոցիկլետը մարտական ​​դրոնի է վերածել
Razor-ը՝ մոդիֆիկացիայից կախված...
Fastex տեխնոլոգիական 8-րդ հանդիպման ընթացքում խոսել են կրիպտոփոխանակման հարթակներից (ֆոտո)
Fastex-ի առաջիկա հանդիպումների վերաբերյալ մասնրամասները բաց չթողնելու համար անհրաժեշտ է հետևել էկոհամակարգի սոցիալական կայքէջերին...
Տեխնոլոգիական ոլորտի զարգացումն անհնար է առանց հստակ պլանի. ԱԺ փոխնախագահ
Հայաստանը պետք է ավելի մեծ ուշադրություն հատկացնի արհեստական բանականության ոլորտին...
Ակադեմիական քաղաքը կհաշվարկվի 50 հազար մարդու համար. նախարար
Որոշ ուսանողներ եւ դասախոսներ կգան ու կգնան...
Ամենաշատ