News
Լրահոս
News
Շաբաթ
Մայիս 18
Տեսնել լրահոսը


Արցախից ռուս խաղաղապահների դուրսբերման վերաբերյալ, բացի Պեսկովի կարճ հայտարարությունից, ՌԴ իշխանությունների կողմից այլ հայտարարություններ չեն հրապարակվել։ Ես կսպասեի պաշտոնական հայտարարության այն մասին, թե խաղաղապահները մեկնում են ամբողջ կազմով, թե ինչ-որ մաս մնում է։ Այս մասին ապրիլի 23-ին լրագրողների հետ զրույցում ասաց քաղաքական վերլուծաբան Արգիշտի Կիվիրյանը։

Նա հիշեցրեց, որ Արցախից հայերի հեռանալուց հետո Ռուսաստանը 6 ամիս սպասեց՝ հույս ունենալով, որ նրանց վերադարձի մեխանիզմներ կհայտնվեն և հայտարարություններ էր անում։

Կիվիրյանը հավելեց, որ Արցախի ղեկավարները հետաքրքրություն չեն ցուցաբերել՝ այս հարցով  Մոսկվայի հետ արդյունավետ կապեր հաստատելու։

«Միգուցե որոշ ուժեր իրենց արգելել են դա անել։ Ռուսաստանը նույնպես շահագրգռված չէր, որ 2023 թվականին բնակչությունը լքի Արցախը։ Դրան զուգահեռ Ռուսաստանի վրա ճնշումը մեծանում էր, թե ինչ նպատակով է նա խաղաղապահներ պահում Արցախում»,- պարզաբանեց վերլուծաբանը։

Նա նաև ուշադրություն հրավիրեց Մերձավոր Արևելքում իրավիճակի վատթարացման վրա Իրանի և Իսրայելի փոխադարձ հարձակումներից հետո։ Կիվիրյանը չբացառեց, որ Իրանի վրա արձակված անօդաչու սարքերը օդ են բարձրացել Ադրբեջանի տարածքից։

«Ադրբեջանը երկար ժամանակ պատրաստվել է որպես պլացդարմ՝ Իրանի դեմ հարվածելու համար, ինչի համար էլ Ադրբեջանը զինում են, որպեսզի օգտագործվի այդ նպատակների համար։

44-օրյա պատերազմից հետո Բաքուն օկուպացված Արցախում, որտեղ գործնականում բնակչություն չկա, կառուցեց երեք միջազգային օդանավակայաններ։ Ինչի՞ համար են դրանք կառուցվել։ Տեղեկություններ կան, որ դրանք կառուցվել են Իսրայելի կողմից շահագործման համար։ Իրանը կասկածներ ունի, որ այդ օդանավակայանները օգտագործվել են կամ օգտագործվելու են վերոնշյալ նպատակների համար։ Հետեւաբար, եթե իրավիճակը վատթարանա, նա կարող է հարվածել դրանց:

Այս իրավիճակում ռուս խաղաղապահները, կամա թե ակամա, կարող էին հայտնվել իրանական հրթիռների հարձակման տակ։

Ռուս խաղաղապահների հեռանալը կարող է պայմանավորված լինել վերը նշված բոլոր գործոններով։ Մնում է տեսնել՝ նրանք ամբողջ թափով հեռանո՞ւմ են, թե՞ ոչ, արդյո՞ք ընդմիշտ են հեռանում»,- եզրափակեց փորձագետը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հունգարիայի արտգործնախարարը խոստովանել է, որ Լեռնային Ղարաբաղի ընտանիքները ստիպված են եղել լքել իրենց տները
Ինչ վերաբերում է Լեռնային Ղարաբաղին, մենք աջակցում ենք այն ընտանիքներին…
ՀՀ կառավարության ռազմավարությունը արտագաղթը խթանելն ու Արցախի էջը մեկընդմիշտ փակելն է. Արտակ Բեգլարյան
Արցախի ժողովրդի վերաբերյալ որոշումները կայացնում է առանց ռազմավարության
Լուկաշենկոն իր «եղբայր» Ալիևի ուղեկցությամբ այցելել է Ադրբեջանի կողմից օկուպացված հայկական Շուշի քաղաք
Նշվում է միայն, որ Լուկաշենկոն և Ալիևն այցելել են նորկառույց շենք...
Ստեփանակերտում ադրբեջանական համալսարանի բացումը մաս է կազմում յուրացման զազրելի գործելակերպի. Համահայկական միություն
«Գարդման-Շիրվան-Նախիջևան» համահայկական միությունը խստորեն դատապարտում է Ադրբեջանի նման վարքագիծը։ Միակ իրավական քայլը, որ կարող…
Ռուբեն Վարդանյանի ընտանիքը կոչ է անում միջազգային հանրությանը՝ պահանջել բոլոր հայ բանտարկյալների ազատ արձակումը
Խափանման միջոց կալանքի բազմակի երկարաձգումները՝ առանց գրավի դիմաց ազատ արձակելու մերժումը հիմնավորելու անհատականացված ու կոնկրետ…
Աղավնոյի Սրբոց Նահատակաց եկեղեցին ոչնչացման վտանգի տակ է
Ադրբեջանական սոցիալական ցանցերի դիտարկումը ցույց է տալիս, որ եկեղեցին, ինչպես որ Բերձորի սուրբ...
Ամենաշատ