News
Լրահոս
News
Ուրբաթ
Մայիս 24
Տեսնել լրահոսը


Բարերար Ռուբեն Վարդանյանի (ԼՂՀ նախկին պետնախարար - խմբ.) ընտանիքը պահանջում է, որ Կարմիր Խաչը հնարավորություն ունենա այցելելու նրան և ստուգելու նրա առողջական վիճակը, այս պահանջին միանում ենք բոլորս՝ նրա ընկերներն ու գործընկերները։ Այս մասին ապրիլի 24-ին Ծիծեռնակաբերդի հուշահամալիրում լրագրողների հետ զրույցում ասել է «Մատենա» միջազգային կրթական կենտրոնի գործադիր տնօրեն Ռուբեն Հայրապետյանը։

Նա պարզաբանել է, որ Վարդանյանի ընտանիքը լրջորեն մտահոգված է նրա առողջությամբ։ Ըստ Հայրապետյանի, ամբողջ աշխարհը պետք է համախմբվի այս հարցի շուրջ, որպեսզի վերջ տրվի այս խայտառակությանը։

Նա հավելել է, որ ծանրագույն հանցագործություն է կատարվում, աշխարհը պետք է տեսնի ու հասկանա  սա։ «Հիշելով Հայոց ցեղասպանության զոհերին՝ մենք միևնույն ժամանակ ցանկանում ենք ողջ աշխարհին հայտարարել, որ այն շարունակվում է, այն չի ավարտվել։ Մեզանից յուրաքանչյուրի պարտքն է այս կարևոր ուղերձը հասցնել աշխարհին։ Բաքվում ապօրինի կերպով կալանավորված են մեր բազմաթիվ հայրենակիցներ։ Նրանց թվում է արդեն 20 օր հացադուլի մեջ գտնվող բարերար Ռուբեն Վարդանյանը։ Նրա առողջական վիճակի մասին էական տեղեկություններ չունենք»,- նշել է նա։

Հայրապետյանը հիշեցրել է, որ վերջին տեղեկությունն այն է եղել, որ Վարդանյանը ապրիլի 20-ին կարողացել է զանգահարել իր ընտանիքին և հայտնել, որ իր առողջական վիճակը ստուգելու համար որևէ քայլ չի ձեռնարկվում, միայն արյան ճնշումն են չափում։

Սա  նշանակում է, որ այնտեղ անմարդկային քայլեր են արվում, և աշխարհը պետք է սա իմանա և հասկանա, որ պետք է ոչ միայն հիշել ցեղասպանության մասին, այլև հասկանալ, որ ցեղասպանությունը շարունակվում է։

Նա չի բացառել, որ տեղի ունեցողը դարձավ Վարդանյանին Նոբելյան մրցանակի թեկնածու առաջադրելու հիմքերից մեկը։

Հայրապետյանն անհամաչափ է անվանել համաշխարհային հանրության արձագանքը համայն հայության նկատմամբ Ադրբեջանում իրականացվող հանցավոր քայլերի վերաբերյալ։ Նա նշել է, որ ամբողջ աշխարհը պետք է հասկանա, որ սա միայն Հայաստանի կամ կոնկրետ մարդկանց խնդիր չէ, այն, ինչ կատարվում է, խայտառակություն է քաղաքակիրթ աշխարհի համար։

Ռուբեն Հայրապետյանը վստահեցրել է, որ երթը Վարդանյանի ընկերների նախաձեռնությունն է, և այն որևէ առնչություն չունի պետական ​​մարմինների գործունեության հետ։

«Հայաստանում և ողջ աշխարհում բավարար ջանքեր չեն գործադրվում։ Այս գործընթացը կարևոր է, այն զսպող ազդեցություն է թողնում Ադրբեջանի իշխանությունների վրա, որոնք նահանջել կամ խուսափել են որևէ քայլից միայն միջազգային լայն հանրայնացման դեպքում: Ուստի, շատ կարևոր է լրատվամիջոցների դերը, որպեսզի համաշխարհային պատմության համար բացառիկ իրականությունը պատշաճ կերպով լուսաբանվի։ Այն, ինչ կատարվում է Բաքվում, եզակի խայտառակ երևույթ է։ Աշխարհը պետք է սա հասկանա»,- եզրափակել է նա։

Հիշեցնենք, որ ապրիլի 24-ին Ռուբեն Վարդանյանի ընկերներն ու գործընկերները երթ էին նախաձեռնել՝ ի պաշտպանություն հացադուլ հայտարարած Վարդանյանի և Բաքվի բանտում ապօրինի պահվող այլ հայ բանտարկյալների։ Ակցիայի մասնակիցները երթը սկսեցին Կիևյան կամրջից, որտեղից շարժվեցին դեպի Ծիծեռնակաբերդի հուշահամալիր։



!
Այս նյութը հասանելի է նաև   Русский
Տպել
Կարդացեք նաև
Ամբողջը
ԶՊՄԿ-ն 164 մլն դրամի աջակցություն է տրամադրել բռնի տեղահանված արցախցիներին
Ընկերությունը կենցաղային տեխնիկա եւ կահույք է տրամադրել Քաջարան խոշորացված համայնքի Գեղի, Բարիկավան, Նոր Աստղաբերդ, Քաջարանց, Լեռնաձոր գյուղական բնակավայրերում հաստատված արցախցիներին...
«Բադալյան եղբայրներ» ընկերությունների խմբի աջակցությամբ արցախցի Սարգսյանների ընտանիքը բնակարան է ձեռք բերել
Երեխաները կշարունակեն ապրել հայրենիքում, կրթություն ստանալ և ամուր լինել՝ անկախ վրա հասած մեծ ողբերգությանը...
Ատրճանակը ԼՂ ժողովրդի քունքին բռնած՝ պահանջում էին զոհաբերել վերջինը, որ մնացել էր ՀՀ ժողովրդին. Մարիա Կարապետյան
Եվ այդ ատրճանակը ժողովրդի քունքին բռնած՝ ՀՀ-ից պահանջում էին զոհաբերել...
Պետք է քաղաքական գործընթացներ նախաձեռնել, որոնք ուղղված կլինեն ԼՂ կարգավիճակի սահմանմանը. Վիզլերը՝ ՀՀ ԱԺ-ում
Մենք ցանկանում ենք շեշտել մեր անհողդողդ նվիրվածությունն Ալմա Աթայի՝ 1991 թվականի հռչակագրին, որով Հայստանը և Ադրբեջանը փոխադարձորեն կճանաչեն...
Ադրբեջանցներն ապամոնտաժում են Ստեփանակերտի բնակելի շենքերը (ֆոտո)
Ադրբեջանի վարչակազմը սկսել է Արցախի Հանրապետության մայրաքաղաք...
Փաշինյանն ասում է՝ Արցախը «պավադոկ» էր ՀՀ-ի վզին, փաստորեն, եթե թոկ էր, պետք էր կտրել. Արթուր Խաչատրյան
Դուք ասում եք՝ «կեղծիքը լեգիտիմություն է», «զիջումը՝ նվաճում», «կապիտուլյացիան՝ հաղթանակ»...
Ամենաշատ
Ֆոտոռեպորտաժներ