News
Լրահոս
News
Կիրակի
Մայիս 26
Տեսնել լրահոսը

ՆԱՏՕ-ի գլխավոր քարտուղար Յենս Ստոլտենբերգը երեքշաբթի Վարշավա կատարած այցի ժամանակ հայտարարել է, որ Հյուսիսատլանտյան դաշինքը մտադիր չէ ընդլայնել միջուկային զենքի տեղակայման գոտին:

«ՆԱՏՕ-ի որևէ երկրում ավելի շատ միջուկային զենք տեղակայելու ծրագիր չկա»,- ըստ «Ամերիկայի ձայնի»՝ ասել է Սթոլթենբերգը Մեծ Բրիտանիայի վարչապետ Ռիշի Սունակի հետ համատեղ մամուլի ասուլիսում։ Ստոլտենբերգն ու Սունակը Լեհաստանում բրիտանական զորքերի տեղակայման վայր են այցելել։

Բրիտանական կառավարության ղեկավարը նշել է, որ Լոնդոնը նախատեսում է պաշտպանական ծախսերը հասցնել ՀՆԱ-ի 2,5%-ի, ինչը գերազանցում է նույնիսկ արևմտյան ռազմական դաշինքի անդամ երկրների համար ՆԱՏՕ-ի ղեկավարության հայտարարած պաշտպանական ծախսերը։ Ռիշի Սունակի Լեհաստան կատարած այցից առաջ բրիտանական նախարարների կաբինետը հայտարարել էր Ուկրաինային մինչ օրս երկրի ամենամեծ օգնության՝ 500 միլիոն ֆունտ ստեռլինգի հասնող փաթեթի մասին:

Ուկրաինային սահմանակից Լեհաստանի նախագահ Անջեյ Դուդան ավելի վաղ հայտարարել է, որ Վարշավան բաց է ՆԱՏՕ-ի դաշնակիցների կողմից միջուկային զենքը Լեհաստանի տարածքում տեղակայելու համար: Ըստ Fakt-ի՝ Դուդան ասել է, որ եթե դաշնակիցները որոշեն նաև Լեհաստանի տարածքում միջուկային զենք տեղակայել որպես միջուկային փոխանակման մաս՝ ՆԱՏՕ-ի արևելյան թևի անվտանգությունն ամրապնդելու նպատակով, Վարշավան չի առարկի:

Ի պատասխան Դուդայի այս հայտարարության, Լեհաստանի վարչապետ Դոնալդ Տուսկը նշել է, որ դա բացարձակ մասշտաբային և բավական լուրջ գաղափար է, հավելելով, թե կուզենար իմանալ բոլոր այն մանրամասները, որոնք նախագահին դրդել են նման հայտարարություն անելու:

Կրեմլը, մեկնաբանելով Լեհաստանի նախագահի խոսքերը, հայտարարել է, որ Լեհաստանում ամերիկյան միջուկային զենքի տեղակայման դեպքում ՌԴ զինվորականներն անհրաժեշտ պատասխան միջոցներ կձեռնարկեն։ ՌԴ նախագահի խոսնակ Դմիտրի Պեսկովը շեշտել է, որ անհրաժեշտ ամեն ինչ կանեն Ռուսատանի անվտանգությունը երաշխավորելու համար:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Վազգեն Սարգսյանի անվան ռազմական ակադեմիայում ՆԱՏՕ-ի փորձագետներն անցկացրել են դասընթաց
Մայիսի 13-17-ը ՀՀ ՊՆ Վազգեն Սարգսյանի անվան ռազմական ակադեմիայում...
Հայաստանը մասնակցում է ՆԱՏՕ-ի Regex 2024 շտաբային վարժանքներին Մոլդովայում
Մոլդովայում սկսվել են ՆԱՏՕ-ի շտաբային վարժանքները...
ՆԱՏՕ-ում համարում են, որ Խարկովի տարածքում բեկում մտցնելու համար ՌԴ-ն բավականաչափ ուժեր չունի
Ռուսները ռազմավարական բեկում մտցնելու համար բավականաչափ ուժ չունեն...
ՆԱՏՕ-ի գլխավոր քարտուղարն արձագանքել է Սլովակիայի վարչապետի դեմ մահափորձին
Իմ մտքերը Ռոբերտ Ֆիցոյի, նրա ընտանիքի և Սլովակիայի ժողովրդի հետ են...
«Օտարերկրյա ազդեցության թափանցիկության մասին» օրենքի ընդունումը սխալ ուղղությամբ քայլ է. ՆԱՏՕ-ի ներկայացուցիչ
«Այսպես կոչված «օտարերկրյա գործակալների» մասին օրենքը ընդունելու Վրաստանի կառավարության որոշումը սխալ ուղղությամբ քայլ է և ավելի է հեռացնում…
Ուկրաինային ՆԱՏՕ-ին ինտեգրելու գործընթացում դաշինքը կմեծացնի իր դերը. Բլինքեն
Հուլիսին Վաշինգտոնի գագաթնաժողովին շոշափելի քայլեր կձեռնարկվեն ուղղված հաստատուն, մարտունակ ուկրաինական ուժեր կառուցելու գործում ՆԱՏՕ-ի դերը բարձրացնելուն՝ միաժամանակ զորավիգ լինելով Ուկրաինան դաշինքին ինտեգրող ընթացիկ բարեփոխումներին…
Ամենաշատ
Ֆոտոռեպորտաժներ