News
Լրահոս
News
Հինգշաբթի
Մայիս 30
Տեսնել լրահոսը

Իրանի Իսլամական հեղափոխական դատարանը մահապատժի է դատապարտել հայտնի 33-ամյա ռեփեր Թումաջ Սալեհիին, որն աջակցել է երկրում հակակառավարական ցույցերին, գրում է Reuters-ը։

Երաժիշտը ձերբակալվել է 2022 թվականի հոկտեմբերին, երբ հրապարակավ հանդես է եկել ցուցարարների աջակցությամբ՝ այդ թվում՝  երգեր է ձայնագրել այդ մասին։ Սալեհին մեղադրվում էր «Երկրի վրա կոռուպցիայի տարածման մեջ», որի համար նախատեսված է պատիժ՝ ընդհուպ մահապատիժ։

2023 թվականին ռեփերը դատապարտվել է վեց տարի 3 ամիս ազատազրկման։ Նա խուսափել է մահապատժից Իրանի Գերագույն դատարանի որոշմամբ։

2024 թվականի ապրիլի 24-ին ռեփերի փաստաբան Ամիր Ռաիսիանը իրանական Sharq թերթին ասել է, որ Սպահանի հեղափոխական դատարանի առաջին մասնաճյուղը, չնայած Գերագույն դատարանի որոշմանը, ռեփերին դատապարտել է մահապատժի։ Նա խոստացել է, որ անպայման բողոքարկելու է դատավճիռը, որը դեռ օրինական ուժի մեջ չի մտել։

Իրանում զանգվածային բողոքի ցույցերն ու անկարգությունները սկսվել էին 2022 թվականի սեպտեմբերին՝ 22-ամյա Մահսա Ամինիի մահից հետո, որը ձերբակալվել էր բարքերի ոստիկանության կողմից հիջաբը «ոչ պատշաճ» կրելու համար։ Ուսանուհին ձերբակալվելուց հետո շուտով մահացել է։ Ըստ իրավապաշտպանների, նա գլխի ծանր վնասվածք է ստացել ոստիկանական բաժանմունք տանելիս։ Իշխանությունները հայտնել են, որ մահվան պատճառը սրտի կաթվածն է եղել: Բողոքի ցույցերը շարունակվել են մի քանի ամիս, հարյուրավոր մարդիկ են զոհվել բախումների ժամանակ։ Բազմաթիվ ցուցարարներ ձերբակալվել և մահապատժի են ենթարկվել։



!
Այս նյութը հասանելի է նաև   Русский
Տպել
Կարդացեք նաև
Ամբողջը
Կինոռեժիսոր Մոհամմադ Ռասուլոֆը, 8 տարվա ազատազրկման դատապարտվելով, Իրանից փախել է Եվրոպա
Պետք է ընտրություն կատարեի բանտի և Իրանից հեռանալու միջև…
Իրանում կայացել է խորհրդարանական ընտրությունների երկրորդ փուլը
Ընտրությունների երկրորդ փուլն ընթանում է 15 ընտրատարածքներում, այդ թվում՝ Թեհրանում, որտեղ մրցում են 32 թեկնածուներ...
Իրանում խորհրդարանական ընտրություններ են
Իրանի Իսլամական Հանրապետության առաջնորդ Այաթոլլա Ալի Խամենեին իր համաքաղաքացիներին կոչ է արել քվեարկել՝ այս քվեարկությունը համարելով որոշիչ երկրի հետագա ճակատագրի համար...
Իրանը երկարացրել է Նոբելյան մրցանակակիր Նարգես Մոհամադիի բանտարկության ժամկետը. WP
Իրանը 15 ամսով երկարացրել է Մոհամադիի բանտարկությունը...
Իրանում բողոքները լուսաբանող լրագրող կանանց գրավի դիմաց ազատ են արձակել
Իրանում բանտից գրավի դիմաց ազատ ենմ արձակել լրագրողուհիներին...
Իրանը ՄԱԿ-ում Արեւմուտքին եւ Instagram-ին մեղադրել է 2022 թվականին երկրում անկարգություններ հրահրելու մեջ
Նա նաեւ քննադատել է Twitter-ին՝ նշելով, որ անկարգությունների առաջին ամսվա ընթացքում այդ հարթակում ստեղծվել է․․․
Ամենաշատ
Ֆոտոռեպորտաժներ