News
Լրահոս
News
Հինգշաբթի
Մայիս 23
Տեսնել լրահոսը

Կառավարությունն իր այսօրվա՝ ապրիլի 25–ի նիստում ընդունեց «Հայաստանի Հանրապետության 2024 թվականի պետական բյուջեի մասին» օրենքում վերաբաշխում, փոփոխություններ և լրացումներ, Հայաստանի Հանրապետության կառավարության 2023 թվականի դեկտեմբերի 28-ի N 2323-Ն որոշման մեջ փոփոխություններ և լրացումներ կատարելու և Հայաստանի Հանրապետության ներքին գործերի նախարարությանը գումար հատկացնելու մասին որոշումը։

«Նախագծի ընդունման անհրաժեշտությունը պայմանավորված է ՀՀ ՆԳՆ ջրային պարեկային ծառայության գործունեությունը պատշաճ իրականացնելու նպատակով անհրաժեշտ հանդերձանքի, այլ մեքենաների և սարքավորումների, շարժական տնակների ձեռքբերման, կապիտալ շինարարության համար նախագծանախահաշվային փաստաթղթերի մշակման, խորհրդատվական ծառայությունների ձեռքբերման, Սյունիքի մարզում Գորիսի ՈԲ շինության կապիտալ վերանորոգման, հեղինակային և տեխնիկական հսկողության ձեռքբերման հանգամանքով»,- ասվում է որոշման հիմնավորման մեջ։

Որոշմամբ ընդհանուր առմամբ ՆԳՆ-ին կհատկացվի 730 մլն դրամ։ Ուշագրավ է, որ որոշումն ունի նաև գաղտնի կետ։

!
Այս նյութը հասանելի է նաև   Русский
Տպել
Ամենաշատ