News
Լրահոս
News
Երեքշաբթի
Մայիս 21
Տեսնել լրահոսը


Առավոտից քաղաքացիները փակել էին հանրապետության ու մայրաքաղաքի մի շարք ճանապարհներ և փողոցներ: Ոստիկանական ուժերն արագ արձագանքում էին անհնազանդության ակցիաներին, բիրտ ուժ կիրառելով քաղաքացիների նկատմամբ` նրանց հեռացնում էին ճանապարհից և բերման ենթարկում, իսկ մեքենանները հեռացնում էին գրկելով կամ քարշակներով:

Ոստիկանության պաշտոնական տվյալով` 14:00-ի դրությամբ բերման է ենթարկվել 29 անձ, որոնցից 17-ը` մայրաքաղաքում: 

Չնայած ոստիկանության կողմից կիրառվող ուժին` անհնազանդության ակցիաները չեն դադարում: Պարբերաբար տեղեկություններ են ստացվում փակվող նոր ճանապարհների մասին:

Որոշ հատվածներում քաղաքացիների հետ ակցիաներին մասնակցում են նաև ընդդիմադիր քաղաքական գործիչներ` այդ թվում ԱԺ պատգամավորներ: «Հայաստան» խմբակցության պատգամավորներ Գառնիկ Դանիելյանը, Գեղամ Մանուկյանն ու Ասպրամ Կրպեյանը Տավուշի մարզում են, որտեղ այս պահին փակ են Հայաստան-Վրաստան միջպետական ճանապարհի երեք` Բագրատաշենի, Կիրանցի և Ալավերդու հատվածները:

Դեպի Բագրատաշեն անցակետ ճանապարհին ոստիկանները քաշքաշել են քաղաքացիներին, ինչի հետևանքով ուշաթափվել է պատգամավոր Գառնիկ Դանիելյանը: Նա տեղափոխվել է Նոյեմբերյանի հիվանդանոց: Եվս մեկ քաղաքացու ինքնազգացողություն կտրուկ վատացել է:

ՀՅԴ անդամները փորձել են փակել Երևան-Մեղրի մայրուղին` Տիգրանաշենի հատվածում: Ոստիկանները թույլ չեն տվել և, բիրտ ուժ կիրառելով, բերման են ենթարկել մի քանի քաղաքացու, այդ թվում` ՀՅԴ անդամ Գերասիմ Վարդանյանին:

Քաղաքացիները, ի աջակցություն տավուշցիների, այսօր փակել են նաև Երևան-Վարդենիս ճանապարհի Մարտունու, Երևան-Բավրա ճանապարհի` Գյումրու, Հայաստան-Իրան մայրուղու ` Արարատի կամրջի հատվածները:

Այդ ընթացքում քաղաքացիները սկսել են փողոցներ փակել և անհնազանդության ակցիաներ իրականացնել նաև մայրաքաղաքում: Չարենցի փողոցում ոստիկանները նրանց թույլ չեն տվել փակել փողոցն ու, բռնի ուժ կիրառելով, հեռացրել են: Բերման են ենթարկվել քաղաքացիներ, այդ թվում, հասարակական գործիք էդգար Ղազարյանը: «Ազգային ճակատ» տելեգրամյան ալիքը հայտնում է, որ բերման ենթարկվածների թվում կան նաև ակցիային միացած ԵՊՀ դասախոսներ:

Երկար ժամանակ փակ է պահվել նաև Խորենացի-Զաքյան խաչմերուկը, որտեղ նույնպես ոստիկանները փողոցը բացել են ուժով: Մի խումբ քաղաքացիներ էլ աղբարկղերով փակել են Երևանի Արամ Խաչատրյան փողոցը:

Փողոց են դուրս բերվել մեծաթիվ ոստիկաններ` այդ թվում, բարձրաստիճան, նաև սև և կարմիր բերետավորներ: Նրանք ուժ գործադրելով պարբերաբար բացում են ճանապարհներն ու փողոցները, սակայն քաղաքացիները կարճ ժամանակ անց փակում են նույն կամ այլ փողոցներ:

LURER.01_39_23_00.Still1230.jpg (103 KB)

LURER.02_38_27_16.Still1238.jpg (108 KB)

LURER.02_26_29_09.Still1236.jpg (105 KB)

LURER.02_41_45_00.Still1240.jpg (114 KB)

LURER.02_51_45_07.Still1241.jpg (113 KB)

LURER.02_53_28_08.Still1245.jpg (55 KB)

LURER.02_53_53_01.Still1243.jpg (56 KB)

LURER.02_53_57_23.Still1244.jpg (58 KB)

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Առանց մեռել, սգի մեջ ենք»․ Կիրանցի բնակիչը՝ Բագրատ Սրբազանին
Ես էլի եմ ասել, նորից ասում եմ՝ այս տառապանքը․․․
Հայաստանի հետ պայմանավորվածություններ են ձեռք բերվել և՛ սահմանազատման, և՛ սահմանագծման վերաբերյալ. Ալիև
Հայաստանի և Ադրբեջանի միջև արդեն իսկ ձեռք են բերվել դրական պայմանավորվածություններ...
Ձեզ ո՞վ է իրավունք վերապահել առանց իրավական հիմքերի Կիրանցում իրականացնել գաղտնի «սահմանազատում». Թաթոյան
Պետական սահմանին և սահմանային անվտանգության հարցերը վերաբերում են մեզանից յուրաքանչյուրին և առաջնահերթ՝ սահմանային բնակիչներին, նրանց...
Կիրանցում մեկ սյուն դրել են դպրոցի մոտ, մեկը վագոն–տնակի, այսպիսով գյուղը կիսելով 2 մասի. Գառնիկ Դանիելյան
Երեկ ամբողջ օրը պատգամավորներին հետապնդել են՝ դաշտերով, ձորերով հասել ենք կիրանցի մատույցները․․․
Կիրանցում այլընտրանքային ճանապարհի կառուցման աշխատանքները մեկնարկել են. բնակիչ
Գյուղացիները շատ լարված են, հատկապես առավոտյան տեղադրված սյուները տեսնելուց հետո․․․
Սահմանազատման գործընթացի վերաբերյալ սահմանադրագետի պնդումները մոլորեցնող են. արդարադատության նախարարություն
Սահմանազատման գործընթացի շրջանակում առաջիկայում Հայաստանի ու...
Ամենաշատ
Ֆոտոռեպորտաժներ