News
Լրահոս
News
Հինգշաբթի
Մայիս 30
Տեսնել լրահոսը


Երեւան–Թբիլիսի ճանապարհը քաղաքացիները փակել են Լոռու մարզի Վահագնաձոր գյուղում՝ ընդդեմ «հակաօրինական սահմանազատման» աշխատանքների։

Այստեղ է նաեւ «Հայաքվե» նախաձեռնության անդամ Մենուա Սողոմոնյանը, ով տեղից լայվ է մտել եւ նշել «Այստեղ են մի քանի տասնյակ մարդիկ, որոնք իրենց բողոքի ակցիան են իրականացնում։ Սա ցույց է տալիս, որ ՀՀ ցանկացած բնակավայրում կա այն գիտակցումը, որ խնդիրը միայն Տավուշին չի վերաբերում։ Ամբողջ հանրապետությանը, ամբողջ հայության է վերաբերում։ Այն գործընթացը, որ հիմա տեղի է ունենում, դրա արդյունքում Հայաստանը կորցնելու է իր ռազմավարական խորությունը, Լոռու մարզը դառնալու է սահմանամերձ։ Այդ պրոցեսը տեղի է ունենում հակասահմանադրական եղանակով»։

Ակցիայի մասնակիցներից մեկն էլ նշեց. «Էսպես ուղիղ գծով մի քանի կիլոմետրի վրա թուրքն է կանգնելու։ Արդեն մեր տանը քնելուց ունենք անվտանգության խնդիր։ Վաղը երաշխիք չենք ունենալու, որ մեր երեխան տնից դուրս եկավ, հետ կգա տուն»։

Ոստիկանները բարձրախոսով կոչ են անում բացել ճանապարհը։ Ակցիայի մասնակիցները նշեցին, որ իրենց ակցիան կավարտեն ու կբացեն ճանապարհը։

Նշենք, որ ոստիկանության տվյալներով, այսօր ոստիկանության տարբեր բաժիններ բերման է ենթարկվել 29 քաղաքացի, որից 17–ը՝ Երևանում։

Հիշեցնենք, որ այսօր փակվել է Երևան-Մեղրի միջպետական ճանապարհի Տիգրանաշենի հատվածը, Երևան-Գյումրի մայրուղին՝ Ալագյազի հատվածում, Երևան-Վարդենիս ճանապարհը՝ Մարտունու  հատվածում:

Փողոցներ են փակվել նաեւ Երեւանում. մասնավորապես, այս պահի դրությամբ փակված է Խորենացի-Զաքյան խաչմերուկը, Չարենցի փողոցը՝ Ներքին գործերի նախարարության դիմաց:

Հիշեցնենք, որ Հայաստան-Վրաստան միջպետական ճանապարհի Կիրանցի հատվածը փակ է արդեն մի քանի օր:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Փաշինյանին չեմ լսել. ԱԱԾ տնօրենի տեղակալը` ՀԱՊԿ 2 պետության ՀՀ-ի դեմ պատերազմ նախապատրաստելու մասին
Սահմանապահ զորքերը տեղակայման փուլում են, դուք տեսնում եք...
Դուք անձամբ զենք վերցրեք, եկեք իմ կողքը կանգնեք եւ միասին կգնանք. ԳՇ պետը՝ Ջերմուկից Ադրբեջանի ԶՈՒ հետքաշման մասին
Լսիր՝ քեզ ինչ եմ ասում, ինձ մի պարտադրիր, թե ես ինչ պատասխան պետք է տամ: Ինձ մի հրահրեք...
Այո՛, վստահ եմ, որ տրված տարածքները ՀՀ-ի տարածքներ չեն. ՀՀ ԳՇ պետը խնդրեց «հող հանձնելու» մասին հարցադրում չանել
Կիրանցի հատվածում ծառայությունը իրականացնում են սահմանապահ զորքերը...
Երկու տարի ա, էս դպրոցը սարքում են, եթե էդ տեմպով են սարքելու, նոր դպրոցը ե՞րբ պատրաստ կլինի. Կիրանցի բնակիչ
Մեզ էլ են առաջարկել՝ գյուղի այլ հատվածում դպրոց կառուցել, գոնե էդպես անեն, որ կարողանանք երեխեքին դպրոց տանել: Ուղղակի երկու տարի ա, էս դպրոցը սարքում են, եթե էդ տեմպով են սարքելու, նոր դպրոցը ե՞րբ պատրաստ կլինի...
Լիտվան պատրաստ է իր ավանդը ներդնել Հարավային Կովկասում վստահության ստեղծման գործում. Նաուսեդա
Լիտվան աջակցում է խաղաղության հասնելու Ադրբեջանի ջանքերին...
Եթե ծնողներին չբավարարի մեր որոշումը, Կիրանցում նոր դպրոց կկառուցենք․ Նիկոլ Փաշինյան
Ժամանակակից աշխարհում չկա անվտանգության ավելի գործուն երաշխիք, քան...
Ամենաշատ