News
Լրահոս
News
Կիրակի
Հունիս 16
Տեսնել լրահոսը

ՀՀ կրթության, գիտության, մշակույթի և սպորտի նախարար Ժաննա Անդրեասյանն այսօր ընդունել է Իրանի Իսլամական Հանրապետության մշակույթի և իսլամական հաղորդակցության կազմակերպության նախագահ Մոհամմադ Մեհդի Իմանիփուրի գլխավորած պատվիրակությանը:

ԿԳՄՍՆ-ից NEW.am-ին տեղեկացնում են, որ հանդիպմանը ներկա են եղել նաև ԿԳՄՍ նախարարի տեղակալներ Արթուր Մարտիրոսյանը, Ալֆրեդ Քոչարյանը և Դանիել Դանիելյանը, ՀՀ-ում ԻԻՀ դեսպան Մեհդի Սոբհանին:

Այցի շրջանակում ստորագրվել է «Հայաստանի Հանրապետության և Իրանի Իսլամական Հանրապետության միջև 2024-2027 թթ. մշակութային համագործակցության մասին» ծրագիր՝ մշակույթի և ստեղծագործության ոլորտում փոխգործակցության խորացման նպատակով: Հայկական կողմից ծրագիրը ստորագրել է ԿԳՄՍ նախարարի տեղակալ Արթուր Մարտիրոսյանը:

Նախարար Ժաննա Անդրեասյանը, ողջունելով հյուրերին, կարևորել է տարբեր ուղղություններով Հայաստանի և Իրանի միջև առկա համագործակցությունը և այն խորացնելու պատրաստակամություն հայտնել: Շեշտելով «Հայաստանի Հանրապետության և Իրանի Իսլամական Հանրապետության միջև 2024-2027 թթ. մշակութային համագործակցության մասին» ծրագրի կարևորությունը՝ Ժաննա Անդրեասյանն ընդգծել է՝ մշակույթի ոլորտում համագործակցությունն առանձնահատուկ տեղ է զբաղեցնում Հայաստանի և Իրանի միջպետական հարաբերություններում։

«Համոզված եմ՝ այս ծրագրի ստորագրումն առաջիկա տարիներին հնարավորություն կտա առավել ընդլայնելու հարաբերություններն ու խթանելու տարբեր կառույցների, անհատ ստեղծագործողների և ստեղծագործական խմբերի միջև համագործակցությունը, երկու երկրներում անցկացվող միջազգային մշակութային միջոցառումներին մասնակցությունը, անմիջական կապերի հաստատումն ու փորձի փոխանակումը»,- ասել է Ժաննա Անդրեասյանը՝ հարաբերությունների զարգացման գործում կարևորելով նաև երկու երկրների դեսպանությունների դերակատարումը:

ԿԳՄՍ նախարարն անդրադարձել է հայկական «Ոսկե ծիրան» և իրանական «Ֆաջր» կինոփառատոների միջև արդյունավետ փոխհամագործակցությանը, որի շրջանակում ներկայացվում են հայկական և իրանական ֆիլմեր: Ժաննա Անդրեասյանը տեղեկացրել է՝ կինոոլորտում մի շարք օրենսդրական փոփոխություններ են կատարվել, մասնավորապես՝ համատեղ կինոարտադրության պարագայում ներդրումների մինչև 40%-ի չափով մասնակի վերադարձի հնարավորության է սահմանվել, որը այս ոլորտում ևս փոխհամագործակցության զարգացման հնարավորություն կարող է ապահովել:

Նախարարը կարևորել է նաև գրավոր ժառանգության ոլորտում առկա համագործակցությունը՝ անդրադառնալով, մասնավորապես, Մատենադարանի հետ հաջող գործակցությանը:

Իրանի Իսլամական Հանրապետության մշակույթի և իսլամական հաղորդակցության կազմակերպության նախագահ Մոհամմադ Մեհդի Իմանիփուրին շնորհակալություն է հայտնել ընդունելության համար և նշել՝ շատ տպավորված է Հայաստան կատարած առաջին այցով: Նա համոզմունք է հայտնել՝ տարբեր ուղղություններով երկկողմ համագործակցության շատ ավելի մեծ ներուժ է առկա: Մոհամմադ Մեհդի Իմանիփուրին առանձնահատուկ կարևորել է ՀՀ կառավարության՝ կրթության տարբեր մակարդակներում տարածաշրջանային լեզուների ուսուցում իրականացնելու ծրագիրը:

«Հանդիպելով պարսկերեն սովորող աշակերտների հետ՝ համոզվեցի, որ նրանք իրենց նպաստն են բերելու երկու երկրների միջև դարավոր բարեկամության շարունակականությանն ու հարաբերությունների զարգացմանը: Ակնհայտ է երկու բարեկամ ժողովուրդների դրական վերաբերմունքը միմյանց հանդեպ: Կարծում եմ՝ անելիքներ ունենք ճանաչելիության բարձրացման առումով»,- ասել է ԻԻՀ մշակույթի և իսլամական հաղորդակցության կազմակերպության նախագահը:

Հանդիպման ընթացքում քննարկվել են նաև Հայաստանի և Իրանի միջև կրթության ու գիտության ոլորտներում հարաբերությունների առավել ամրապնդմանը, տարբեր բնագավառներում համագործակցության օրակարգի ընդլայնմանն ու զարգացմանը վերաբերող մի շարք այլ հարցեր:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Իրանական մարդասիրական օգնությունը ճանապարհվեց Ալավերդի
Պատմությունն է վկայում, որ մենք՝ երկու երկրների ժողովուրդները, միշտ եղել ենք իրար կողքի՝ թե՛ լավ, թե՛ վատ օրերին, և այդպես էլ շարունակվելու է։ Հայաստանում...
Ակնհայտ է, թե որ պետությունները հանդես չեն եկել այնպիսի հայտարարություններով, ինչ Իրանը. ՀՀ ԱԳՆ. 24news
Իրանը պաշտպանում է Հայաստանի տարածքային ամբողջականությունը...
Հայաստանի իշխանությունների և Իրանի միջև խնդիրներ կան․ Սուրեն Պետրոսյան
Իշխանությունը սպասարկում է երրորդ երկրի շահեր, բայց ոչ երբեք ՀՀ շահը, դա անմիջականորեն արտահայտվում է Իրանի հետ հարաբերություններում...
Հայաստանը ջերմ վերաբերմունք ցուցաբերեց և զորակցություն հայտնեց մեզ. Իրանի փոխդեսպանը՝ Սրբազանին
Տավուշի թեմի առաջնորդ Բագրատ Սրբազանը Իրանի դեսպանատուն այցելելուց…
Մեր սրտերը, աղոթքները Իրանի ժողովրդի, նրա հոգևոր առաջնորդի հետ են. Բագրատ սրբազանն այցելել է Իրանի դեսպանատուն
Պետք խորացնել և զագացնել այդ հարաբերությունները...
Սուրեն Պապիկյանը ցավակցական գրառում է կատարել Իրանի դեսպանությունում բացված սգո մատյանում
Նախարարը ցավակցական գրառում է կատարել ԻԻՀ նախագահ Էբրահիմ Ռայիսիի...
Ամենաշատ