News
Լրահոս
News
Ուրբաթ
Հունիս 21
Տեսնել լրահոսը


Մենք 2023 թվականի ընթացքում ունենք խոշտանգումների 5 ավարտված վարույթ, այդ թվում Էրեբունու բաժնում տեղի ունեցած դեպքը՝ անչափահաս մեղադրյալի եւ նրա փաստաբանների նկատմամբ խոշտանգումների եւ անմարդկային վերաբերմունքի դեպքը. Այդ գործը եւս ուղարկված է դատարան: Այս մասին այսօր՝ մայիսի 3-ին, ԱԺ-ում լրագրողների հետ զրույցում նշեց ՀՀ գլխավոր դատախազ Աննա Վարդապետյանը:

«Բոլոր խոշտանգումների վերաբերյալ հայտարարություններով կան նախաձեռնված վարույթներ»,-ասաց նա:

Դիտարկմանը, որ երբ որեւէ իրավախախտում է լինում ընդդիմադիր գործչի կամ ակտիվիստի կողմից, շատ արագ ընթացք է տրվում, անձը ձերբակալվում ու կալանավորվում է, իսկ երբ իշխանության ներկայացուցիչների կողմից կամ ընդդիմադիր հայացքներ ունեցողների նկատմամբ է դա լինում, գործը ձգձգվում է, Աննա Վարդապետյանն ասաց. «Այդ գնահատականները, որ հնչում են քաղաքական ամբիոններից, ենթադրում եմ, որ դրանք հիման վրա եք այդ եզրահանգումները կատարում, բայց բոլոր դեպքերով վարույթներով անմիջապես կալանավորումներ չունենք: Ենթադրում եմ, որ դուք ատելության խոսքի վերաբերյալ վարույթների հետ եք համադրում:

Լրագրողների հետ կապված մենք ունենք վարույթներ, որոնք հարուցվել են հենց դատախազության ուսումնասիրությունների հիման վրա: Մենք պարբերաբար մոնիտորինգ նք իրականացնում: Երկու դեպքեր, որ վերջերս են տեղի ունեցել Տավուշի մարզում՝ օպերատորի եւ լրագրողի նկատմամբ, ուղարկվել է Տավուշի մարզային վարչություն՝  վարույթ նախաձեռնելու հարցը քննարկելու նպատակով: Նաեւ ունենք երկու վարույթ 2023-ից»:

Հարցին, թե արդյոք կա՞ն այդ գործերով մեղադրյալներ եւ ինչպես եղավ, որ Լեւոն Քոչարյանի օգնականի դեպքում անմիջապես նա կալանավորվեց, Աննա Վարդապետյանն ասաց. «Մեղադրյալներ լինելն ինքնանպատակ չէ: Ձեր նշած իրավիճակում մենք ունենք տեսագրություն, որտեղ հարվածում է եւ այն անմիջապես տարածվեց: Խնդիրը վերաբերում է ապացուցողական բազային: Երբ անձը ուղիղ հեռարձակման ժամանակ թիրախավորում է մեկ այլ անձի եւ կատարում է ատելության խոսքին բնորոշ հատկանիշներ, այդ ամենը ինքը ձայնագրում է, լայվով տարածում է եւ մեզ մնում է ընդամենը ձայնագրությունը զննել եւ ավարտել վարույթը: Բոլոր այն վարույթները, որոնք ունեն էլեկտրոնային ապացույցներ, շատ արագ ուղարկվում են դատարան: Այս դեպքում անձը ասում է՝ Սրբազանի մասին բան չասես եւ պիտակավորում է»:

Դիտարկմանը, որ Տավուշում Armday-ի օպերատորի նկտմամբ ոստիկանների կողմից բռնության վերաբերյալ տեսանյութերը կան, սակայն դեռ չկա հարուցված վարույթ, ինչու է դա դանդաղում, գլխավոր դատախազն ասաց. «Ձեր հարցին պատասխանելու համար պետք է հստակ պտկերցում ձեւավորենք, թե որ մարմինն ինչ է անում: Մենք հսկողություն ենք իրականացնում եւ հետեւողական ենք լինելու, որ բոլոր մեր կողմից ուղարկված հաղորդումները պատշաճ քննություն ստանան: Թե ինչու դեռ չկա վարույթ նախաձեռնված, ես չեմ կարող պատասխանել ամենամեծ ցանկության դեպքում անգամ, որովհետեւ ամեն մարմին կիր լիազորությունների շրջանակում է գործում: Դատախազությունը վարույթ չի նախաձեռնում»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Մարդիկ կորցնում են հետաքրքրությունը լուրերի նկատմամբ. հետազոտություն
47 երկրներում հունվար-փետրվարին անցկացված հարցման արդյունքներով՝ տասը հարցվածներից չորսը (39%) միտումնավոր խուսափում են լուրեր դիտելուց...
Լրագրողների նկատմամբ ուժի կիրառումն անընդունելի է. անաչառ հետաքննել հունիսի 12-ի դեպքերը. Մամուլի միջազգային ինստիտուտ
Աղբյուրը հիշեցնում է, որ Հայաստանում գործող մամուլի ազատության ինը կազմակերպություն, այդ թվում՝ Երևանի մամուլի ակումբը և Խոսքի ազատության…
ՄԻԵԴ-ը Ադրբեջանում մի շարք ԶԼՄ-ների արգելափակումը Մարդու իրավունքների պաշտպանության կոնվենցիայի խախտում է ճանաչել
ՄԻԵԴ-ը պարտավորեցրել է Ադրբեջանի կառավարությանը յուրաքանչյուր դիմողի 6000 եվրո փոխհատուցում վճարել։
Բողոքի ակցիաների ժամանակ տեղի են ունեցել լրագրողների նկատմամբ 10 բռնությունների և 5 ճնշումների դեպքեր. հայտարարություն
Նախորդ շաբաթվա ընթացքում արձանագրվել են երկրում տեղի ունեցող բողոքի ակցիաները լուսաբանող լրագրողների ու օպերատորների իրավունքների...
Դատապարտում ենք ոստիկանների կողմից լրագրողների և օպերատորների դեմ ոչնչով չարդարացված ուժի կիրառումը. հայտարարություն
Լրագրողական մեկ տասնյակ ՀԿ-ներ հանդես են եկել հայտարարությամբ, որտեղ...
Վե՛րջ տվեք երկակի ստանդարտների պրակտիկային. Հայաստանի ժուռնալիստների միությունը կոչով դիմում ՆԳՆ-ին եւ ՔԿ-ին
Այսօր «Տավուշը հանուն հայրենիքի» համաժողովրդական շարժման առաջնորդ, Տավուշի թեմի առաջնորդ Բագրատ արքեպիսկոպոս Գալստանյանի կոչով խաղաղ...
Ամենաշատ
Ֆոտոռեպորտաժներ