News
Լրահոս
News
Կիրակի
Հուլիս 21
Տեսնել լրահոսը

Շվեյցարական Ալպերում գտնվող Թեոդուլ սառցադաշտում հայտնաբերվել են հարուստ ճանապարհորդի 400-ամյա մնացորդներ։ Բարակ կաշվե կոշիկներով մարդը ճանապարհորդում էր բազմաթիվ մետաղադրամներով, զենքերով և, հնարավոր է, ջորիներով: Այս մասին գրում է Business Insider-ը։

Դեպքի վայրում հայտնաբերվել է շագանակագույն մազերով գանգ, ինչպես նաև տարածքով սփռված մետաքսե հագուստի կտորներ, ապակե կոճակներ, ածելի, մի քանի դանակ, գրեթե 200 մետաղադրամ, զարդեր, դաշույն, թուր և ատրճանակ, գրում է Focus-ը։ Այս բոլոր իրերը թվագրվում են մոտ 1600 թվականին: Բացի այդ, մոտակայքում եղել են երկու ջորիների մնացորդներ, թեև պարզ չէ, թե արդյոք դրանք պատկանում են հենց այս ճանապարհորդին։

«Սա ռազմական զենք չէ, այլ ծիսական սուսերամարտի գործիքներ, որպես կանոն, դրանք կրում էին մեծահարուստները։ Հասկանալի է նաև, որ հագուստը մարտիկի չի պատկանում», - ասում է Շվեյցարական Ալպերում գտնվող Վալեի պատմության թանգարանի համադրող Պիեռ-Իվ Նիկոդը:

Բացի այդ, ոսկորների վրա տրավմայի հետքեր չեն հայտնաբերվել, ուստի տղամարդն ակնհայտորեն չի թալանվել։ Հնագետները կարծում են, որ նա, ամենայն հավանականությամբ, վաճառական է եղել և մահացել է պատահաբար՝ գուցե ընկնելով սառցադաշտի ճեղքի մեջ կամ հանգամանքների անբարենպաստ համակցության պատճառով։

Ի դեպ, վերջերս Ալպերում նոր գիտական ​​ոլորտ է ծաղկում` սառցադաշտային հնագիտությունը։ Վերջին չորս տասնամյակների ընթացքում գիտնականներն ուսումնասիրել են Շվեյցարիայի և Իտալիայի դանդաղ հալվող սառցադաշտերը և որոնել արտեֆակտներ, որոնք նախկինում թաղված են եղել ձյան և սառույցի շերտերի տակ:

Թեոդուլի լեռնանցքը ժամանակին հայտնի երթուղի էր ժամանակակից Շվեյցարիայի Վալայի շրջանից դեպի Աոստա հովիտ (Իտալիա), ուստի այնտեղ կարելի է գտնել գիտականորեն արժեքավոր շատ իրեր:

!
Այս նյութը հասանելի է նաև   English and Русский
Տպել
Ամենաշատ