News
Լրահոս
News
Կիրակի
Հունիս 16
Տեսնել լրահոսը

Վրաստանի խորհրդարանական ընդդիմությունն օտարերկրյա գործակալների մասին օրենքի ընդունման պատճառով բոյկոտ է հայտարարել, հայտնում է Վրաստանի Առաջին ալիքը։

Մասնավորապես, բոյկոտ են հայտարարել «Լելո» եւ «Ազգային շարժում» խմբակցությունները։

«Այսօր, երբ հատվել են բոլոր կարմիր գծերը, օրենսդիր մարմնում բացահայտ խախտվել է երկրի Սահմանադրությունը, Լելոն որոշել է բոյկոտ հայտարարել և այլևս չմասնակցել խորհրդարանի աշխատանքներին»,- ասված է «Լելո» կուսակցության տարածած հայտարարության մեջ։

Լելոն պնդում է, որ «Վրացական երազանքը» դուրս է եկել քաղաքական գործընթացներից, և բոյկոտը ռեժիմին դիմակայելու միակ օրինական միջոցն է։

«Վրացական երազանքը» պարտություն կրեց խորհրդարանում, դուրս եկավ քաղաքական գործընթացներից, խախտում է սահմանադրությունը և ներկայացնում է ուզուրպատոր Իվանիշվիլիին և Պուտինին։ Դրա միակ գործիքը բռնությունն է։ Լելոն անցնում է բոյկոտի ռեժիմի։ Մեր ճանապարհը եղել և մնում է վրաց ժողովրդին աջակցելը։ Մենք այս միասնության մի մասն ենք։ Մենք խորհրդարանում պաշտպանեցինք այս միասնության շահերը, քանի դեռ դա հնարավոր էր և տեղավորվում էր տրամաբանական շրջանակներում։ Այսօրվա բռնության ու դավաճանության ակտից հետո՝ ռուսական օրենքի ընդունումից, մենք կարծում ենք, որ խորհրդարանում աշխատելու ռեսուրսներ չկան, և բոյկոտը ռեժիմին դիմակայելու միակ օրինական միջոցն է։ Մեր պայքարը միանշանակ ավարտվելու է հաղթանակով, քանի որ անցյալը երբեք չի հաղթել ապագային։ Վրաստանի ապագան ՆԱՏՕ-ում է և Եվրամիությունում»,- ասված է կուսակցության հայտարարության մեջ։

«Ազգային շարժում» խմբակցությունն, իր հերթին, հայտարարել է, որ երկրում լեգիտիմ իշխանություն չի մնացել։

«Այսօր Վրաստանի մայրաքաղաքում մարդիկ բողոքում են ռուսական օրենքի ընդունման դեմ։ Այս ռեժիմի պայմաններում, երբ երկրում հաստատվել է ռուսական ռեժիմ, նորմալ խորհրդարանական աշխատանքն անհնար է պատկերացնել։ Այսօր մենք տեսանք, որ խորհրդարանի հարթակում խորհրդարանական մեծամասնությունը ոստիկանության ընդլայնումն էր։ Այս ռեժիմում մենք՝ «Ազգային շարժում» խմբակցությունը և ընդդիմության մեծամասնությունը, չենք պատրաստվում շարունակել մեր բնականոն գործունեությունը և անցնում ենք բոյկոտի ռեժիմի։ Առաջիկայում խորհրդարանական և արտախորհրդարանական ընդդիմության ներկայացուցիչների հետ հանրությանը կներկայացնենք վերջնական ծրագիրը»,- ասաց խմբակցության պատգամավոր Լևան Բեժաշվիլին։

Վրաստանի խորհրդարանը երրորդ և վերջին ընթերցմամբ ընդունել է «Օտարերկրյա ազդեցության թափանցիկության մասին» օրինագիծը, որը հայտնի է նաև որպես «ռուսական» օրենք օտարերկրյա գործակալների մասին։ Կողմ է քվեարկել 84 պատգամավոր՝ իշխող «Վրացական երազանք» կուսակցության և դրա արբանյակների անդամները։ Օրենքին դեմ են արտահայտվել 30 պատգամավորներ, հաղորդում է SOVA-ն։

Քվեարկությունից հետո օրինագիծը կներկայացվի նախագահի ստորագրմանը։ Պետության ղեկավար Սալոմե Զուրաբիշվիլին արդեն հայտարարել է, որ վետո է դնելու փաստաթղթի վրա։ Այնուամենայնիվ, իշխող կուսակցությունը մտադիր է վերացնել վետոն. այն  բավականաչափ պատգամավորական մանդատներ ունի դա անելու համար:

Խորհրդարանում քվեարկությունը տեղի է ունեցել բողոքի ցույցի ֆոնին, որի մասնակիցները վանկարկում էին՝ «Ո՛չ ռուսական օրենքին», «Ստրուկնե՛ր»։ Թբիլիսիում և Վրաստանի այլ քաղաքներում բողոքի ցույցերը շարունակվում են շուրջ մեկ ամիս։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Վիզային սահմանափակումների սահմանումը չի փոխում մեր վերաբերմունքը հայրենիքի նկատմամբ, չի փոխում մեր որոշումը. Կալաձե
Պատժամիջոցների մասին խոսելը ծիծաղելի է...
ԱՄՆ-ը կանգ չի առնի «Վրացական երազանքի» դեմ անհատական պատժամիջոցների հարցում. Միլլեր
ԱՄՆ-ը կշարունակի անհատական պատժամիջոցներ մտցնել...
Վրաստանի խորհրդարանի նախագահը ստորագրել է օտարերկրյա գործակալների մասին օրենքը
Պապուաշվիլին ստորագրել է օտարերկրյա գործակալների մասին օրենքը...
Վրաստանի ՀԿ-ները պատրաստում են հայց օտարերկրյա գործակալների մասին օրենքի վերաբերյալ՝ ՄԻԵԴ ուղարկելու համար
Վրաստանի հասարակական կազմակերպությունները պատրաստվում են դիմել ՄԻԵԴ...
Վրաստանի վարչապետ Կոբախիձե. Վրաստանում ոչ ոք «մայդանի» չի հասնի
Ինչ վերաբերում է Մայդանի և Վրաստանում տեղի ունեցող գործընթացների զուգահեռին, ես ուզում եմ բոլորին...
Օտար գործակալների մասին օրենքն ուղարկվել է նախագահի աշխատակազմ. խորհրդարանի նախագահն ինքը կարող է ստորագրել այն
Վրաստանում օտարերկրյա գործակալների մասին օրենքն ուղարկվել է նախագահի աշխատակազմ...
Ամենաշատ
Ֆոտոռեպորտաժներ