News
Լրահոս
News
Շաբաթ
Հուլիս 13
Տեսնել լրահոսը

Իսրայելը երեքշաբթի հայտարարել է, որ Եգիպտոսը պետք է վերաբացի Ռաֆահի անցակետը և ընդայնի Գազայի հատված մտնող մարդասիրական օգնության մատակարարումը:

Կահիրեն իր հերթին օգնության մատակարարումների արգելափակման մեղքն իր վրա բարդելու փորձի համար դատապարտել է Թել Ավիվին, հայտնել է Reuters-ը։

«Գազայում հումանիտար ճգնաժամը կանխելու բանալին ներկայում մեր եգիպտացի բարեկամների ձեռքում է»,- լրագրողներին հայտնել է Իսրայելի արտգործնախարար Իսրայել Կացը:

Կացը նշել է, որ Ռաֆահի անցակետի վերաբացման՝ Եգիպտոսին համոզելու անհրաժեշտության մասին խոսել է իր բրիտանացի և գերմանացի գործընկերների հետ: Նա հավելել է, որ երեքշաբթի ավելի ուշ կխոսի նաև Իտալիայի արտգործնախարարի հետ:

«Պաղեստինյան ՀԱՄԱՍ խմբավորումը չի վերահսկի Ռաֆահի անցակետը»,- ասել է Կացը՝ շեշտելով, որ Իսրայելը զիջումների չի գնա անվտանգության նկատառումներով։

Ռաֆահի անցակետը Եգիպտոսի և Գազայի հատվածի հարավային սահմանին է և կենսականորեն անհրաժեշտ ուղի է ափամերձ տարածք օգնության առաքման համար:

!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ