News
Լրահոս
News
Ուրբաթ
Հունիս 21
Տեսնել լրահոսը

Եվրամիության առաքելությունը ավելի շատ բան է անում Հայաստանի հարեւանների՝ ՌԴ-ի, Ադրբեջանի եւ Իրանի դեմ, վարում է բացահայտ սադրիչ գործունեություն։ Այս մասին հայտնել է ՌԴ փոխարտգործնախարար Միխայիլ Գալուզինը News.ru պորտալի հարցազրույցում։

«Այն, որ առաքելությունը ԵՄ հիբրիդային պատերազմի գործիք է, հաստատում են դրա գաղտնիությունը, անհաշվետվողականությունը եւ ոչ Հայաստանի, ոչ Ադրբեջանի, ոչ որեւէ այլ շահագրգիռ երկրի ու կառույցի կողմից չվերահսկվելը,- նշել է փոխարտգործնախարարը։- Առաքելությունը վարում է բացահայտ սադրիչ գործունեություն, զբաղվում հակառուսական քարոզչությամբ, Եվրամիության՝ որպես «Հայաստանի անվտանգության եւ բարգավաճման աղբյուրի» մասին հայ հասարակությունում կեղծ պատկերացումների սերմանմամբ»։ «Ավելին, նրանց գործունեությունը ձեռք է բերում էլ ավելի շատ հակաադրբեջանական եւ հակաիրանական բնույթ»,- ասել է նա։

Գալուզինի խոսքով, եթե խոսելու լինենք երկարատեւ տարածաշրջանային անվտանգության, կայունության եւ սոցիալ-տնտեսական զարգացման մասին», ապա դրանց բոլորովին չեն համապատասխանում արեւմտյան ուժերի պլանները տարածաշրջանի ռազմականացման եւ այնտեղ ԵՄ-ի եւ ՆԱՏՕ-ի ռազմաքաղաքական ազդեցության ընդլայնման ուղղությամբ»։

Բարձրաստիճան դիվանագետը նշել է, որ Ռուսաստանը կողմ է Հարավային Կովկասում տնտեսական եւ տրանսպորտային հաղորդակցությունների լիակատար ապաշրջափակմանը։ «Հենց դրանով է զբաղվում Ռուսաստանի, Ադրբեջանի եւ Հայաստանի ղեկավարների որոշմամբ 2021թ. ստեղծված եռակողմ աշխատանքային խումբը՝ երեք երկրների փոխվարչապետերի համատեղ նախագահությամբ»,- ասել է նա։ Գալուզինը ուշադրություն է դարձրել այն բանին, որ Արեւմուտքի ճնշման տակ Երեւանում որոշում են կայացրել սառեցնել եռակողմ փոխգործակցությունը նաեւ այս ճանապարհին։

Մոսկվայում անհրաժեշտ են համարում «խմբի լիարժեք աշխատանքի շուտափույթ վերականգնումը ոչ միայն Հարավային Կովկասում տրանսպորտային-հաղորդակցային համակարգի ապաշրջափակման, այլեւ կայուն խաղաղության եւ բարգավաճման հաստատման համար»։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԵՄ-ն Վրաստանի դեմ հնարավոր պատժամիջոցներ սահմանելու հարցը կքննարկի հունիսի 24-ին
ԵՄ-ն կհրաժարվի նման սահմանափակումներից, երբ օտարերկրյա գործակալների մասին օրենքը չեղյալ հայտարարվի...
ԵՄ-ն հաստատել է Ուկրաինայի և Մոլդովայի հետ անդամակցության բանակցությունների մեկնարկի ամսաթիվը
Բանակցությունների մեկնարկի ամսաթիվը համաձայնեցվել է ԵՄ ֆինանսների նախարարների...
Մոլդովայում որոշել են ԵՄ-ին անդամակցության գլխավոր բանակցողին
Սանդուն ստորագրել է հրամանագիր բանակցություններն սկսելու մասին...
ԵՄ-ին ՀՀ-ի անդամակացության գաղափարը ավելի մեծ տարածում է ստանում երկրի քաղաքացիների շրջանում. ՀԿ ղեկավար
ԵՄ-ին անդամակցության գաղափարը տարածում է ստանում քաղաքացիների շրջանում...
ՀՀ-ն դե ֆակտո ժողովրդավարական երկիր չէ, ժողովրդավարությունը թերի չի լինում. Հովհաննես Ազոյան
Ժողովրդավարությունն ինձ համար իրավունքն է, պարտավորությունն է և ապահովությունը։ Ահա այս երեք նախապայմանն է ինձ համար, որ կստեղծի…
4 քաղաքական կուսակցություն առաջարկել է եռամսյա ժամկետում կազմակերպել ԵՄ-ին ՀՀ անդամության հանրաքվե. քաղաքական գործիչ
Հանրաքվեի կազմակերպման առաջարկ...
Ամենաշատ
Ֆոտոռեպորտաժներ