News
Լրահոս
News
Կիրակի
Հունիս 16
Տեսնել լրահոսը

ՆԳՆ և ԱՄՆ համագործակցության նոր օրակարգի ձևավորման շրջանակներում ՆԳ նախարարության հրավերով Հայաստան էր այցելել ԱՄՆ Անվտանգային կառավարման ինստիտուտի պատվիրակությունը, որին ընդունել էր փոխնախարար Արփինե Սարգսյանը։

ՆԳՆ-ից NEWS.am-ին հայտնում են, որ հանդիպմանը մասնակցում էր նաև Հայաստանում ԱՄՆ դեսպանության Պաշտպանական գրասենյակի ղեկավար Ջամալ Քանը:

Արփինե Սարգսյանը շնորհակալություն հայտնելով արդյունավետ համագործակցության համար՝ ներկայացրել է ՆԳ նախարարության ձևավորման գործընթացը։

Անդրադառնալով Կառավարության որոշմամբ հաստատված Աղետների ռիսկի կառավարման 2023-2030 թթ. ռազմավարությանը՝ փոխնախարարն ընդգծել է, որ աղետների ռիսկի նվազեցումից և արտակարգ իրավիճակներին արձագանքումից անցում է կատարվել աղետների ռիսկի կառավարմանը, ինչը ենթադրում է բազմաբնույթ աշխատանքի ապահովում թե՛ օրենսդրական, թե՛ գործառնական դաշտում։

Աղետների նկատմամբ դիմակայունության բարձրացման առումով նա կարևորել է պետական կառավարման համակարգի, տարածքային կառավարման և տեղական ինքնակառավարման մարմինների միջև գործառույթների հստակ բաշխումը և համագործակցության բարելավումը:

Արփինե Սարգսյանն անդրադարձել է աղետների ռիսկի կառավարման ոլորտում քարտեզագրման աշխատանքներին, սեյսմիկ ռիսկի ինդեքսավորման գործընթացի իրականացմանը, ինչը թույլ կտա իրականացնել բնակավայրերի սեյսմիկ ռիսկի մոդելավորում՝ հստակ ներկայացնելով երկրաշարժի դեպքում վատթարագույն սցենարները։

Հյուրերը շնորհակալություն հայտնելով ջերմ ընդունելության համար՝ անդրադարձել են Հայաստանի Հանրապետության աղետների պատրաստվածության կարողությունների գնահատման 2019 և 2022 թվականների շրջափուլերին, ներկայացրել արդյունքները։

Նրանք ընդգծել են հանդիպման կարևորությունը, ինչը լավ առիթ է համատեղ գնահատելու աղետներին դիմակայունության շրջանակում բազմակողմ ջանքերը։

Անդրադարձ է կատարվել աղետների ռիսկի կառավարման ոլորտում Հայաստանի Հանրապետության պատրաստվածության մակարդակի բարձրացմանը և կարողությունների զարգացման գործընթացում ԱՄՆ Անվտանգային կառավարման ինստիտուտի աջակցությանը և նախաձեռնություններին։

Հանդիպման ընթացքում քննարկվել են նաև Փրկարար ծառայության վերափոխման տեսլականի, փորձի փոխանակման և կարողությունների զարգացման վերաբերյալ մի շարք հարցեր։

Կողմերը վերահաստատել են իրենց պատրաստակամությունը՝ ամրապնդելու ձևավորված սերտ համագործակցությունը։

Տպել
Կարդացեք նաև
Ամբողջը
Ֆրենկ Փալոնը ողջունել է Հայաստանի և Միացյալ Նահանգների միջև կնքված համաձայնագիրը
Անհամբեր սպասում եմ այս համաձայնագրի ավարտին, որը կխորացնի մեր համագործակցությունը...
Խաչատուրյանն ընդունել է ԱՄՆ քաղաքային և նահանգային դիվանագիտության հատուկ ներկայացուցիչ, դեսպան Նինա Հաչիգյանին
Վստահ եմ՝ ձեր այցելությունն իր նպաստը կբերի համայնքային մակարդակով…
Անահիտ Մանասյանն ընդունել է ԱՄՆ Պետդեպի ժողովրդավարության, մարդու իրավունքների և աշխատանքի բյուրոյի տնօրենին
Մարդու իրավունքների պաշտպան Անահիտ Մանասյանը հունիսի 12-ին ընդունել է ԱՄՆ Պետքարտուղարության ժողովրդավարության, մարդու իրավունքների...
Հայաստան-ԱՄՆ համագործակցությունը մի հարթանի չէ, չի կարելի շեշտը դնել մի ուղղության վրա. Փաշինյան
Դա արտահայտում է երկու կառավարությունների քաղաքական կամքը խորացնելու հարաբերությունները: Դա ամենակարեւորն է…
Նիկոլ Փաշինյանը և ԱՀՀ ղեկավարությունը քննարկել են ՀՀ-ի և Ադրբեջանի միջև խաղաղության գործընթացին վերաբերող հարցեր
Զրուցակիցները քննարկել են Հայաստան-ԱՄՆ համագործակցությանը, Հայաստան-Սփյուռք կապերին, ՀՀ կառավարության ծրագրերին, իրականացվող…
Ստորագրվել է «ՀՀ-ի եւ ԱՄՆ-ի կառավարությունների միջև մաքսային մարմինների փոխադարձ օգնության վերաբերյալ» համաձայնագիրը
ՊԵԿ տարածած հաղորդագրությունում նշված է, որ համաձայնագրի ստորագրման...
Ամենաշատ