News
Լրահոս
News
Ուրբաթ
Հունիս 21
Տեսնել լրահոսը

Ինչպե՞ս կրթությունը դարձնել ավելի գրավիչ, բարձրացնել աշակերտների ներգրավվածությունը և նպաստել համայնքների զարգացմանը: Ստարտափի միջոցով այդ հարցերին լուծում գտնելու ձգտումը վանաձորցի Լարիսային հասցրել է Երևան: Նա դարձել է «Մեկնարկի՛ր» կրթական ծրագրի մասնակից, որն իրականացնում են «Հայկական օնլայն լրատվամիջոցների և լրագրողների ասոցիացիա» ՀԿ-ն և Մեդիամաքսը՝ Վիվա-ՄՏՍ-ի գլխավոր գործընկերությամբ: Լարիսան համոզված է, որ նոր միջավայրում ստացած հիմնարար գիտելիքներն ու հաջողված ստարտափ ընկերությունների փորձը կնպաստեն իր երազանքների իրականացմանը:

Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել, հետաքրքրաշարժ ու գրավիչ մեթոդներով ինտերակտիվ մթնոլորտ ապահովել և զարգացնել աշակերտների մտավոր ներուժը: Վստահ է, որ հետաքրքիր ժամանցով ու խաղերով զուգորդվող գործընթացն արդյունավետ կլինի, կնպաստի որոնողական համակարգերից ստացած ինֆորմացիայի մշակմանը, ինչպես նաև տրամաբանության, քննադատական մտածողության և թիմային աշխատանքի հմտությունների զարգացմանը:

«Պետության ամրության հիմքում կրթությունն է: Այդ պատճառով, հետագայում ինչ բիզնես կամ նորարարություն նախաձեռնեմ՝ սկսելու եմ կրթության ոլորտից։ Ինձ թվում է՝ դասավանդման մեթոդի խնդիր կա: Աշակերտներին դասապրոցեսում ավելի շատ ինտեգրելուն կնպաստեն նաև քվեսթ սենյակները: Դրա միջոցով ինֆորմացիա որոնելը, ստանալը և վերլուծելն ավելի հետաքրքիր ու մոտիվացնող է: Մենք ապրում ենք մի ժամանակահատվածում, երբ խոսվում է արհեստական բանականության դերի մասին: Պետք է այնպես անել, որ մարդու գործոնը չկորցնի իր նշանակությունը: Երբ ես հարցեր եմ ունենում, առաջինը դիմում եմ հայրիկիս: Որոնողական համակարգերից օգտվում եմ իր բացակայության դեպքում: Նույնիսկ այդ ժամանակ կարևոր է տիրապետել դրանք վերլուծելու հմտություններին: «Մեկնարկի՛ր» ծրագիրն ինձ կօգնի ստացած գիտելիքներս ճիշտ օգտագործելու, քվեսթ սենյակներ ստեղծելու և համայնքիս զարգացմանը նպաստելու գործում», - ասել է Լարիսա Հովհաննիսյանը:

Երկու փուլով իրականացվող «Մեկնարկի՛ր» ծրագիրը կարևոր հարթակ է ստարտափ ստեղծող երիտասարդների համար: Հաջողակ ընկերությունների փորձը և մենթորների հետ աշխատարաններին մասնակցությունը նրանց կօգնեն գնահատել ծրագիր սկսելու հավանականությունը: Կրթական ծրագրի շրջանակներում նախատեսված է նաև մրցույթ: Աշխատարաններում մշակված և մրցույթի արդյունքում լավագույնը ճանաչված ստարտափ նախագծերը կարժանանան խրախուսական դրամական պարգևների:

20240314_163736.jpg (52 KB)

Տպել
Կարդացեք նաև
Ամբողջը
«Մեծ երազիր՝ փոքրից սկսիր». արցախցի Աննան՝ «Մեկնարկի՛ր» ծրագրի մասնակից
Ծրագիրը հրաշալի հարթակ է երիտասարդների երևակայությունը, ստեղծագործելու ներուժն ու արդյունքի հասնելու ձգտումը զարգացնելու համար...
Վիվա-ՄՏՍ. ««Անհատական օգնական» ծրագրի շահառու է դարձել Արցախից տեղահանված չորս ընտանիք
Դավիթի վերականգնողական բուժման հարցը դարձել է առաջնային և տևական...
ԵՊՀ-ի և Ucom ընկերության միջև կնքվել է համագործակցության հուշագիր
Երկու կառույցները համատեղ կազմակերպելու և անցկացնելու են բաց դասեր, սեմինարներ ու քննարկումներ...
Ucom -ի աջակցությամբ ամփոփվեց «Արևորդի» 12-րդ միջազգային բնապահպանական փառատոնի արդյունքները
Արևորդի փառատոնը միշտ եղել է իմ սիրելի միջոցառումներից մեկը, իսկ այսօր ես ուրախ եմ տեսնել Ucom-ի աջակցությամբ Երիտասարդական անկյան ծնունդը...
«Էլեկտրական հովիվների» հերթական խմբաքանակը հասել է ֆերմերներին
Վայոց ձորի մարզում մարդ-վայրի բնություն անվնաս համակեցությունն ապահովելու համար «էլեկտրական հովիվների» հերթական խմբաքանակն է տրամադրվել համայնքներին...
Նոր տեխնոլոգիաները՝ վայրի բնության և ֆերմերային տնտեսությունների պահպանման երաշխիք (ֆոտո)
Կենդանու ամեն այցից հետո ֆերմերներն սկսում են հաշվել իրենց տնտեսությանը հասցված վնասի չափը...
Ամենաշատ