News
Լրահոս
News
Շաբաթ
Հունիս 22
Տեսնել լրահոսը

Մայիսի 17-ի առավոտյան հատուկ կառուցված ծովային նավամատույցով Գազայի հատված են ժամանել պաղեստինցիների համար մարդասիրական օգնություն ունեցող առաջին բեռնատարները, հայտնում է Associated Press-ը՝ վկայակոչելով ամերիկյան ռազմական հրամանատարությանը։

Սպասվում է, որ ժամանակավոր լողացող նավամատույցը կկարողանա տեղավորել մինչև 150 բեռնատար սնունդ, որոնք մատակարարվում են Միջերկրական ծովում նավերով ամեն օր։ Սակայն, Միացյալ Նահանգները և ՄԱԿ-ը ավելի վաղ զգուշացրել էին, որ ծովային միջանցքը չի կարող լիարժեք փոխարինել Գազայի հատված ջրի, սննդի և վառելիքի ցամաքային առաքմանը, որը դադարեցվել էր պաղեստինա-իսրայելական նոր պատերազմի սկսվելուց հետո: Նրանից առաջ մարդասիրական օգնություն տեղափոխող ավելի քան 500 բեռնատարներ ամեն օր մտնում էին անկլավ, որտեղ ապրում են մոտ երկու միլիոն պաղեստինցիներ:

Գազայի հատվածի ափերի մոտ ժամանակավոր ծովային նավամատույց է կանգնեցվել ամերիկացի զինվորականների կողմից երկու ամսում` Ջո Բայդենի հանձնարարականով։ Դրա կառուցումն արժեցել է 320 մլն դոլար։ Սպասվում է, որ բեռը կհասցվի Կիպրոսի Լառնակա նավահանգստից, որտեղ այն Իսրայելի նախնական զննում կանցնի։

Մերձավոր Արևելքում նոր սրացում սկսվեց այն բանից հետո, երբ պաղեստինյան ահաբեկչական ՀԱՄԱՍ շարժման զինյալները հարձակվեցին Իսրայելի վրա 2023 թվականի հոկտեմբերի 7-ին։ Նրանք սպանել են ավելի քան 1200 իսրայելցիների և ավելի քան 200 պատանդ վերցրել։ Ի պատասխան՝ Իսրայելի պաշտպանության ուժերը սկսեցին զանգվածային ռմբակոծել Գազայի հատվածը, այնուհետև սկսեցին ցամաքային գործողություն։ Դրա ընթացքում Իսրայելի պաշտպանության բանակը վերահսկողության տակ է վերցրել Եգիպտոսի հետ սահմանին գտնվող Ռաֆահ անցակետը, որը Գազայի հատված մարդասիրական օգնության առաքման առանցքային ցամաքային ճանապարհն է։ Գազայի առողջապահության նախարարության տվյալներով, որը ենթակա է ՀԱՄԱՍ-ին, պատերազմի զոհերի ընդհանուր թիվը գոտու բնակչության շրջանում գերազանցել է 35 հազարը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ցանկացած իսլամական երկիր Բաքվին աջակցելիս պետք է նկատի ունենա, որ օժանդակում է Գազայի կոտորածին. Իրանագետ
Սա է այն ճշմարտությունը, որը պետք է իմանա իսլամական և արաբական աշխարհը պարբերաբար իսլամի և իսլամական...
«Հըզբոլլահ»-ը հայտարարել է իսրայելական հարվածի հետևանքով իր հրամանատարներից մեկի մահվան մասին
«Հըզբոլլահ»-ի նշված անդամը ղեկավարել է խմբավորման ցամաքային զորքերը Ջուայա շրջանում...
Իսրայելը եւ ՀԱՄԱՍ-ը հազիվ թե մինչեւ տարեվերջ կարգավորեն հակամարտությունը. Politico
Բայդենի վարչակազմը կասկածում է, որ Իսրայելը եւ ՀԱՄԱՍ-ը կկարգավորեն հակամարտությունը մինչեւ տարեվերջ...
Իսրայելական բանակը ոչնչացրել է Ռաֆահի ենթակառուցվածքի ավելի քան 70%-ը. Լրատվամիջոց
Քաղաքապետը նաև ընդգծել է, որ Ռաֆահ քաղաքի ավելի քան 70%-ը և նրա ենթակառուցվածքները ավերվել են ուժեղ...
Իսրայելը կարող է «Հեզբոլլահ»-ի հետ լայնածավալ պատերազմի մեջ ներքաշվել. NYT
Իսրայելը լիբանանյան կուսակցության հետ «ռիսկային խաղ է խաղում»...
Բայդենի վարչակազմը հիասթափված է Գազայում լողացող նավամատույցի նախագծից. NYT
Նավամատույցի շահագործման նույնիսկ համեստ նպատակները, հավանաբար, չեն իրականացվի...
Ամենաշատ