Իսրայելի պաշտպանության բանակը հայտարարել է շաբաթ օրը Գազայի հատվածի հարավում տեղի ունեցած մարտերի ժամանակ երկու զինվորի զոհվելու մասին, հայտնում է Times of Israel-ը։

Հայտնի են զոհվածների անունները․ նրանք են 20-ամյա ավագ սերժանտներ Նախման Մեիր Խաիմ Վակնինը և Նոամ Բիթանը։

Հաղորդվում է, որ երկուսն էլ ծառայել են «Գիվատի» բրիգադի հետախուզական ստորաբաժանումում։

Զինվորները զոհվել են Ռաֆահի շրջանում։

Նրանց զոհվելու հետևանքով Գազայի հատվածում հակամարտության սրման սկզբից զոհած իսրայելցի զինվորականների թիվը հասել է 282-ի։