News
Լրահոս
News
Երկուշաբթի
Հունիս 24
Տեսնել լրահոսը

Գազա մարդասիրական օգնության մատակարարումների դադարեցումը սպառնում է «ապոկալիպտիկ» ելքով, կիրակի օրը հայտարարել է ՄԱԿ-ի հումանիտար առաքելության ղեկավար Մարտին Գրիֆիթսը` նախազգուշացնելով պաշարված տարածքում սովի մասին:

«Եթե վառելիքը վերջանա, և օգնությունը չհասնի մարդկանց այնտեղ, որտեղ նրանք դրա կարիքն ունեն, ապա սովը, որի մասին մենք այսքան խոսում էինք, և որը մոտենում է, այլևս չի մոտենա: Այն ներկա կլինի»,- ասել է Գրիֆիթսը:

«Եվ ես կարծում եմ, որ մենք, որպես միջազգային հանրության քաղաքացիներ, անհանգստանում ենք, որ հետևանքները շատ, շատ ծանր են լինելու: Ծանր, ծանր և ապոկալիպտիկ»,- ասել է նա AFP-ին՝ Դոհայում Քաթարի պաշտոնյաների հետ հանդիպումների շրջանակում:

Գրիֆիթսը, որը ՄԱԿ-ի գլխավոր քարտուղարի հումանիտար հարցերով տեղակալն է և արտակարգ օգնության համակարգողը, ասել է, որ օրական մոտ 50 բեռնատար օգնություն կարող է հասնել Գազայից հյուսիս գտնվող առավել տուժած շրջաններ վերաբացված Էրեզի անցակետով:

Բայց Գազայի հարավում գտնվող Ռաֆահ և Քերեմ Շալոմ անցակետերի մոտ մարտերը հանգեցրել են նրան, որ կենսական ճանապարհները «արդյունավետորեն արգելափակված են», - պարզաբանել է նա:

«Այսպիսով, օգնությունը, որը ցամաքային ուղով մատակարարվում էր հարավ և Ռաֆահ, ինչպես նաև Ռաֆահը լքող մարդիկ, փաստացի զրոյի են հավասարվել», - ավելացրել է Գրիֆիթսը:



!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ