News
Լրահոս
News
Հինգշաբթի
Հունիս 20
Տեսնել լրահոսը

Միջազգային քրեական դատարանի (ՄՔԴ) դատախազը պահանջել է ձերբակալման օրդերներ տալ Իսրայելի վարչապետ Բենիամին Նեթանյահուին, պաշտպանության նախարար Յոավ Գալանտին եւ ՀԱՄԱՍ շարժման երեք առաջնորդներին՝ Յահյա Սինվարին, Մուհամադ Դեյֆին եւ Իսմայիլ Հանիային։

Դատախազի հայտարարությունում ասված է, որ Նեթանյահուն եւ Գալանտը քրեական պատասխանատվություն են կրում ռազմական հանցագործությունների եւ մարդկության դեմ հանցագործությունների համար, որոնք կատարվել են Գազայի հատվածում առնվազն 2023թ. հոկտեմբերի 8-ից ի վեր։

Դատախազի խոսքով՝ Իսրայելի ղեկավարները պատասխանատու են սովի, տառապանքներ պատճառելու, սպանությունների, խաղաղ բնակչության դեմ գրոհների, ոչնչացման, հետապնդումների եւ «անմարդկային այլ գործողությունների» համար։

Իր հերթին, ասված է ՄՔԴ դատախազի հայտարարությունում, քննությունը հիմքեր ունի ենթադրելու, որ ՀԱՄԱՍ-ի երեք առաջնորդները քրեական պատասխանատվություն են կրում ռազմական հանցագործությունների եւ մարդկության դեմ հանցագործությունների համար, որոնք կատարվել են Իսրայելի տարածքում եւ Գազայի հատվածում 2023թ. հոկտեմբերի 7-ից։

ՀԱՄԱՍ-ի առաջնորդներին ներկայացվող մեղադրանքներից են սպանությունները, պատանդառությունը, սեռական բռնությունը, կտտանքները, գերիների հետ դաժան վերաբերմունքը։ ՀԱՄԱՍ-ի բոլոր երեք առաջնորդները, հայտնել է դատախազը, պատասխանատվություն են կրում հարյուրավոր իսրայելցիների սպանության համար 2023թ. հոկտեմբերի 7-ին խմբավորման ահաբեկիչների կատարած հարձակումների հետեւանքով։

Դատախազի հարցապնդումը պետք է դիտարկեն ՄՔԴ դատավորները։

Իսրայելը չի ճանաչում Միջազգային քրեական դատարանի իրավազորությունը։ Այն դեպքում, երբ Պաղեստինը մտնում է ՄՔԴ մասնակիցների կազմի մեջ (124 երկիր, որոնք ստորագրել են Հռոմի ստատուտը)։

ՀԱՄԱՍ-ի ահաբեկիչները Իսրայելի վրա հարձակվել են 2023թ. հոկտեմբերի 7-ին՝ սպանելով 1 200 մարդ եւ պատանդ վերցնելով մոտ 250 մարդու։ Հարձակումից հետո ՑԱԽԱԼ-ի ուժերը ռազմական գործողություն են սկսել Գազայի հատվածում։ Մայիսի սկզբին Իսրայելը գործողություն է սկսել Ռաֆահում՝ Գազայի հատվածի հարավում։ Դա վերջին քաղաքն է, որը չեն զբաղեցրել իսրայելցի զինվորականները գործողության ընթացքում։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Հըզբոլլահ»-ը հայտարարել է իսրայելական հարվածի հետևանքով իր հրամանատարներից մեկի մահվան մասին
«Հըզբոլլահ»-ի նշված անդամը ղեկավարել է խմբավորման ցամաքային զորքերը Ջուայա շրջանում...
Իսրայելը եւ ՀԱՄԱՍ-ը հազիվ թե մինչեւ տարեվերջ կարգավորեն հակամարտությունը. Politico
Բայդենի վարչակազմը կասկածում է, որ Իսրայելը եւ ՀԱՄԱՍ-ը կկարգավորեն հակամարտությունը մինչեւ տարեվերջ...
Իսրայելական բանակը ոչնչացրել է Ռաֆահի ենթակառուցվածքի ավելի քան 70%-ը. Լրատվամիջոց
Քաղաքապետը նաև ընդգծել է, որ Ռաֆահ քաղաքի ավելի քան 70%-ը և նրա ենթակառուցվածքները ավերվել են ուժեղ...
Իսրայելը կարող է «Հեզբոլլահ»-ի հետ լայնածավալ պատերազմի մեջ ներքաշվել. NYT
Իսրայելը լիբանանյան կուսակցության հետ «ռիսկային խաղ է խաղում»...
Բայդենի վարչակազմը հիասթափված է Գազայում լողացող նավամատույցի նախագծից. NYT
Նավամատույցի շահագործման նույնիսկ համեստ նպատակները, հավանաբար, չեն իրականացվի...
Իրանի արտգործնախարարի ԺՊ-ն ադրբեջանցի գործընկերոջն ասել է Գազայում պատերազմի դադարեցման անհրաժեշտության մասին
Իր ուղերձում Բաղերին հույս է հայտնել, որ իսլամական ումման ականատես կլինի Գազայի հատվածում ռազմական հանցագործությունների և ցեղասպանության ավարտին...
Ամենաշատ
Ֆոտոռեպորտաժներ