News
Լրահոս
News
Հինգշաբթի
Հունիս 20
Տեսնել լրահոսը

Տավուշում միաժամանակ երկու տագնապալի գործընթաց է ընթանում։ Նախ՝ տեղի է ունենում Հայաստանի տարածքային ամբողջականության կոպտագույն խախտում՝ երկրի Սահմանադրության կպիտ խախմամբ։ Երկրորդ, որը նույնքան անհանգստացնող է, տեղի է ունենում Հայաստանի առանց այն էլ փխրուն ժողովրդավարության լիակատար փլուզում։ Այս մասին ֆեյսբուքյան իր էջում գրել է ՀՀ նախկին արտգործնախարար Վարդան Օսկանյանը։

«Սա փոխադարձ համաձայնությամբ սահմանազատման գործընթաց չէ։ Պատերազմի և ներխուժման սպառնալիքի ներքո Հայաստանը պարզապես ենթարկվում է ադրբեջանական պահանջներին։ Ենթարկվելու գործընթացը դեռ նոր է սկսվում, և դրա ավարտին Հայաստանը կանգած կլինի զգալի տարածքներ, ռազմավարական դիրքեր և տրանսպորտային ուղիներ կորցնելու վտանգի առաջ։ Այս պայմաններում Ադրբեջանի հետ խաղաղության համաձայնագրի ստորագրումը կհանգեցնի նրան, որ Հայաստանը մշտապես կենթարկվի Ադրբեջանին, երկիրը կկորցնի իր ռազմավարական արժեքը և հավանաբար կվերածվի տոտալ ավտորիտար ոստիկանապետության:

Համակերպվելով այս պահանջներին՝ Հայաստանը ոչ թե իրական բանակցությունների մեջ է մտնում, այլ ավելի շուտ կապիտուլյացիայի ենթարկվում հարկադրանքի ներքո։ Սա վտանգավոր նախադեպ է ստեղծում, երբ հարկադրանքը և ռազմական սպառնալիքները թելադրում են պայմաններ՝ խարխլելով ինքնիշխանության և ինքնորոշման սկզբունքները: Կարևոր տարածքների հնարավոր կորուստը ոչ միայն թուլացնում է Հայաստանի պաշտպանական կարողությունները, այլև նրա տնտեսական և նյութատեխնիկական կայունությունը՝ ավելի վտանգելով ազգային անվտանգությունը»,-գրում է նա։

Վարդան Օսկանյանը նաև նշում է, որ բացի դրանից՝ նման համաձայնագրի ներքին հետևանքները սարսափելի կլինեն։ Նվազեցված ինքնիշխանության և ներքին աճող անհամաձայնության պայմաններում Հայաստանը բախվում է ավտորիտար կառավարման շարունակական աճին, քանի որ պետությունը ժողովրդավարական գործընթացների փոխարեն առաջնահերթություն է տալիս իշխանությունը պահելուն, որպեսզի վերահսկի ներքին այլախոհությունն ու անկայունությունը:

«Քառասունչորսօրյա պատերազմի ավարտից ի վեր դեպի ավտորիտար ոստիկանական պետություն այս սողացող տեղաշարժն արդեն խարխլել է  քաղաքացիական ազատությունները, խեղդել է քաղաքական ընդդիմությունը և իշխանությունը կենտրոնացրել մի քանիսի ձեռքում՝ երկիրը խոցելի դարձնելով հետագա շահագործման և արտաքին ազդեցության համար»,- գրել է Վարդան Օսկանյանը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Խանդանյանը Բրազիլիայի դեսպանին է ներկայացրել Հայաստանի և Ադրբեջանի հարաբերությունների կարգավորմանն ուղղված ՀՀ ջանքերը
Ազգային ժողովի արտաքին հարաբերությունների մշտական հանձնաժողովի...
Սպրդող «խաղաղության պայմանագիր»․ Հայաստանը «պատերազմի խաչմերուկում». Ձյունիկ Աղաջանյան
Ցանկացած ընթերցողի կթվա, թե այս բառերն ասվել են ՀՀ գործող իշխանությունների մասին, սակայն սա ամերիկյան գործող վարչակարգի…
Պատմական փաստերը կեղծելու Բաքվի մանիպուլյատիվ քաղաքականության հերթական դրսևորում. ԿԳՄՍՆ-ն հերքում է տարածված լուրերը
Հայաստանի Հանրապետության պատմամշակութային ժառանգության պահպանումը, վերականգնումն ու հանրահռչակումը Կրթության, գիտության, մշակույթի և սպորտի...
Այս պահի դրությամբ Ոսկեպարի ուղղությամբ այն ցանկապատը, փշալարերը, որի նկարները տարածվում են, չկան. Բագրատ Սրբազան
Ես խնդրել եմ երկրորդ անգամ ստուգել բոլոր հնարավոր ծայրերից: Ես ամսի 21-ին…
Հայաստանին մահաբեր զենքի մատակարարումները լուրջ մտահոգություն են առաջացնում. Հաջիև
Սա հարված է Ադրբեջանի և Հայաստանի միջև հարաբերությունների կարգավորման գործընթացին...
Կիրանցեցիները կորցրել են իրենց հողերը մշակելու հնարավորությունը. բնակիչ
Կիրանցի բնակիչները կորցրել են Բերքաբերի ջրամբարի ափին գտնվող գյուղատնտեսական նշանակության հողերը մշակելու հնարավորությունը. անհանգստացած են՝ ինչպե՞ս են հավաքելու այդտեղ ցանված ցորենը...
Ամենաշատ