News
Լրահոս
News
Երկուշաբթի
Հունիս 24
Տեսնել լրահոսը


ԱԺ նախագահ Ալեն Սիմոնյանը բացառեց, որ հնարավոր է Կիրանց գյուղի երկու տան հարցը լուծվի եւ դրանք մնան Հայաստանի վերահսկողության տակ:

«Դա իրավական առումով սխալ կլինի մեր կողմից, որովհետեւ ենթադրենք 25 տուն էլ էն կողմից մնալու է այստեղ: Դրա համար մենք հստակ գիծն ենք գծում, որ հետագայում խնդիրներ չլինեն: Չէ՞ որ մենք չենք պատրաստվում այդ կտորով սահմանափակվել: Մենք պետք է ամբողջ սահմանով անցնենք: ՀՀ տարածքից մենք չենք կարող զիջել, դրա համար չենք սպասում, որ իրենց կողմից էլ ինչ-որ բան վերցնել»,-ասաց նա:

Ալեն ՍԻմոնյանի խոսքով, Հայաստանի և Ադրբեջանի միջև Տավուշի մարզի և Ղազախի շրջանի հատվածում սահմանազատման գործընթացը, կարելի է ասել, ավարտին է հասցվել.  «Ամբողջ աշխարհը և տարբեր երկրներ ողջունել են այս գործընթացը։ Հայաստանի և Ադրբեջանի միջև այդ հատվածի սահմանազատման գործընթացն ավարտին ենք հասցրել, և մենք ստեղծել ենք հենման կետ, դրել ենք ինչ-որ սկզբունքներ, որոնք հետագայում օգտագործվելու են սահմանը վերարտադրելու համար»,-ասաց նա:

Վերջինս ընդգծեց՝ ՀՀ տարածքից չի զիջվել, չի զիջվում, չի զիջվելու, չի քննարկվել, չի քննարկվում, չի քննարկվելու, և դրա մասին նույնիսկ խոսակցություն տեղի չի ունեցել և չի կարող տեղի ունենալ:

Հարցին՝ այդ դեպքում կիրանցիներին ի՞նչ փոխհատուցումներ տալու մասին է խոսքը, եթե ՀՀ սուվերեն տարածքից 1 միլիմետր չի զիջվում, Սիմոնյանը պատասխանեց. «Փոխհատուցումները տրվում են այն բանի համար, որ այդ մարդկանց իրավիճակն այդ սահմանային փոփոխության հետևանքով ինչ-որ ձևով փոխհատուցվի: Բայց դա չի նշանակում, որ մենք տալիս ենք այն, ինչ պատկանում է ՀՀ-ին, և չի նշանակում, որ նույն կիրանցիները, օրինակ, երբ ավելանում է մի քանի հեկտարով, իրենք վերցնում են Ադրբեջանից»:

Նրա խոսքով՝ Հայաստանը և Ադրբեջանը ընտրել են հստակ քարտեզ, որի տակ կա իրավական հիմք՝ հաստատված և՛ Ադրբեջանի, և՛ Հայաստանի կողմից․ «Հայաստանի Հանրապետության սահմանն այն սահմանն է, որով Հայաստանի Հանրապետությունն անկախացել է։ Այստեղ վերադառնում ենք Ալմա-Աթայի հռչակագրին, որտեղ նշված է, որ Հայաստանի Հանրապետությունը և մնացած հանրապետությունները, որոնք ստորագրել են այդ փաստաթուղթը, այդ թվում՝ Ադրբեջանը, իրենց վարչական շրջաններով դառնում են անկախ։ Այդ կտորով հիմքեր դրեցինք և սկզբունքներ ձեռք բերեցինք, որոնք երկկողմանի ընդունելի են, և այդ սկզբունքների հիման վրա մենք արեցինք սահմանազատում, որը լավ օրինակ է, և աշխարհի բոլոր երկրների կողմից ընդունվեց»։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ցանկապատ չկա, գոյություն չունի, խաբել են ձեզ. Ոսկեպարցին՝ Փաշինյանի ցույց տված փշալարերի մասին
Սահմանապահներն էլ չգիտեն Փաշինյանի` Ներքին Հանդում հեռախոսով ցույց տված ցանկապատի տեղը…
Մենք ձգտում ենք խաղաղության, բայց պատերազմից չենք վախենում. կառավարող կուսակցության պատգամավոր
Մենք պատերազմից չենք վախենում...
Կիրանցն ընկնում է փակուղու մեջ, բոլոր կոմունիկացիաները թշնամու վերահսկողության տակ են. բնակիչ
Կիրանցիցիները տեխնիկայով քանդում են իրենց տները, չեն թողնում թշնամուն...
Բացի փոխհատուցման մասին թղթից, այլ թուղթ էլ են տալիս, որ մարդիկ ստորագրեն, բովանդակությունը «մութ» է. Գառնիկ Դանիելյան
Փաստաթղթի մեջ հստակ երևում է՝ հրաժարվում ենք գույքային և այլ իրավունքից, բայց չի ասվում՝ որն է «այլ» իրավունքը: Կարծում ենք՝ դա անում են, որ հետագայում…
Տեսեք, ուր են հասել ադրբեջանցիները. այլընտրանքային ճանապարհը կառուցելուց հետո թշնամին ավելի առաջ կգա. Մախսուդյան
Հենց այն պահին, երբ նա զրույցում էր լրագրողների հետ, այլընտրանքային ճանապարհի կառուցման աշխատանքներ էին իրականացվում, նաև քանդվում էր...
Կիրանցում արդեն կան տներ, որ քանդել են. բռնություն չի եղել, փոխհատուցում են առաջարկել, իրենք էլ դուրս են եկել. բնակիչ
Երկրորդ շերտը այն է, որ մարդկանց մատնեն ճարահատության եւ ստիպված լինեն որոշումներ կայացնել...
Ամենաշատ