News
Լրահոս
News
Ուրբաթ
Հունիս 21
Տեսնել լրահոսը

Մայիսի 21-ին ՀՀ ներքին գործերի նախարար Վահե Ղազարյանն ընդունել է ԱՄՆ պետքարտուղարի փոխտեղակալ Բրենդոն Յոդերի գլխավորած պատվիրակությանը։

Ողջունելով հյուրերին՝ նախարարը բարձր է գնահատել ձևավորված երկկողմ սերտ համագործակցությունը և շնորհակալություն հայտնել ԱՄՆ դեսպանատանը՝ ՆԳ նախարարությունում ընթացող բարեփոխումների մեկնարկից ի վեր մշտական աջակցություն ցուցաբերելու համար։

ՆԳՆ-ից NEWS.am-ին հայտնում են, որ Վահե Ղազարյանը կարևոր նախաձեռնություններից առանձնացրել է Հայաստանի միանալը Սինթետիկ թմրամիջոցների սպառնալիքներին ուղղված համաշխարհային կոալիցիային և հույս հայտնել, որ դա կխթանի թմրամիջոցների անօրինական շրջանառության դեմ պայքարում արդյունավետ համագործակցության շարունակականությանն ու ընդլայնմանը։

Համագործակցության օրակարգի ուղղություններից նախարարը կարևորել է նաև Պարեկային և Ջրային պարեկային ծառայությունների ստեղծումը, հանցավորության դեմ պայքարը, այդ թվում՝ թմրամիջոցների ապօրինի շրջանառության և կիբերհանցավորության դեմ պայքարը։

ՆԳ նախարարը հատուկ շնորհակալություն է հայտնել ԱՄՆ պաշտպանության դեպարտամենտի վտանգների նվազեցման գործակալության կողմից իրականացվող ծրագրի շրջանակներում՝ Փրկարար ծառայությանը ցուցաբերված նյութատեխնիկական աջակցության, ինչպես նաև աշխատակիցների վերապատրաստման դասընթացների համար։

Շնորհակալություն հայտնելով ջերմ ընդունելության համար՝ Բրենդոն Յոդերը կարևորել է արդյունավետ փոխգործակցությունը, նշել, որ ոլորտային բարեփոխումների շրջանակում ձեռքբերումները բացառիկ են։ ԱՄՆ կառավարության անունից նա պատրաստակամություն է հայտնել շարունակելու ակտիվ համագործակցությունն ու ընդլայնել օրակարգը։

Հանդիպմանը ՆԳ նախարարի տեղակալ Արփինե Սարգսյանը ներկայացրել է նախարարության բարեփոխումներն ու կատարված աշխատանքը, նշել նախատեսվող աշխատանքների մասին, որոնք ներառում են ինչպես ոստիկանական, այնպես էլ փրկարարական ոլորտը։

Հանդիպմանը կողմերը քննարկել են փոխադարձ հետաքրքրություն ներկայացնող հարցեր և նախանշել հետագա անելիքները։ Մասնավորապես, առաջիկայում ԱՄՆ-ի հետ կմեկնարկի նոր ծրագիր, որը միտված է մարդկային ռեսուրսների արդյունավետ կառավարմանը, դիտարկվում է նաև կրթության ոլորտում առանձին ծրագրի հնարավորությունը։

ՆԳ նախարար Վահե Ղազարյանն առանձնահատուկ շնորհակալություն է հայտնել ՀՀ-ում ԱՄՆ դեսպանության թմրամիջոցների դեմ պայքարի և իրավապահ համագործակցության ծրագրի ղեկավար Ալեքսիս Հավթվանիին, որն ավարտում է իր առաքելությունը Հայաստանում։

Պարեկային ծառայության ներդրմանը ցուցաբերած աջակցության, ինչպես նաև ՆԳ նախարարության հետ սերտ համագործակցության համար Ալեքսիս Հավթվանին պարգևատրվել է «Համագործակցության համար» մեդալով։

Տպել
Կարդացեք նաև
Ամբողջը
Միասին մենք ձգտում ենք նպաստել տարածաշրջանային կայունությանն ու անվտանգությանը. Վերմա
Ջերմ և արդյունավետ հանդիպում ունեցա համախոհ գործընկեր դիվանագետների…
ԱՄՆ կոնգրեսականներն առաջարկել են 100,000,000 դոլարով ավելացնել Հայաստանի ֆինանսավորումը
ԱՄՆ Կոնգրեսի Հայկական հարցերով հանձնախմբի համանախագահ, կոնգրեսական Ֆրենկ Փալոնը (դեմոկրատ) և Ներկայացուցիչների պալատի անդամ Նիքոլ…  
ԱՄՆ պատրաստակամ է ամրապնդելու համագործակցությունը ՀՀ հետ. ԱՄՆ պետքարտուղարի տեղակալը՝ Փաշինյանին
Վարչապետ Փաշինյանն ընդունել է ԱՄՆ Պետքարտուղարի տեղակալ Ռիչարդ Վերմային....
Վահագն Խաչատուրյանը հանդիպել է ԱՄՆ Պետքարտուղարի տեղակալ Ռիչարդ Վերմայի հետ
Հանդիպման ընթացքում քննարկվել են Հայաստանի և Միացյալ Նահանգների միջև բազմաշերտ համագործակցության խթանման վերաբերյալ հարցեր...
Արարատ Միրզոյանը հանդիպել է ԱՄՆ պետքարտուղարի՝ կառավարման և ռեսուրսների հարցերով տեղակալ Ռիչարդ Վերմային
Զրուցակիցները քննարկել են ՀՀ-ԱՄՆ երկկողմ գործընկերության օրակարգի ընդլայնման հարցեր, ինչպես նաև...
Մենք ցանկանում ենք ամրապնդել տնտեսական կապերը ՀՀ հետ առևտրի ու ներդրումների միջոցով․ Սառա Մորգենթաու
Հայաստանի հետ հարաբերություններում մենք ձգտում ենք նոր տնտեսական…
Ամենաշատ
Ֆոտոռեպորտաժներ