News
Լրահոս
News
Երեքշաբթի
Հունիս 18
Տեսնել լրահոսը

Հանդիպումը, նախևառաջ, ուներ էմոցիոնալ նշանակություն, որում խոսեցինք հայերի Լեռնային Ղարաբաղ վերադարձի մասին, այն մասին, թե դրան ինչով կարելի է հասնել, բայց մենք չունենք համապատասխան գործիքներ, ուստի խոսքը ցանկությունների և հնարավորությունների մասին է։ Այս մասին մայիսի 21-ին Լեռնային Ղարաբաղի քաղաքական և հասարակական շրջանակների հետ հանդիպումից հետո լրագրողների հետ զրույցում ասաց «Հանուն հայրենիքի» շարժման առաջնորդ, Հայ առաքելական եկեղեցու Տավուշի թեմի առաջնորդ Բագրատ արքեպիսկոպոս Գալստանյանը։ 

Միաժամանակ, նա բացատրեց, որ դա հնարավոր է միայն Հայաստանի իշխանությունների հրաժարականի դեպքում՝ վստահեցնելով, որ նման հեռանկար տեսնում է։ «Ուրիշ ի՞նչ անեմ (նկատի ունի ՀՀ վարչապետ Նիկոլ Փաշինյանին - խմբ.) հրաժարականից բացի։ Այլ տարբերակներ կա՞ն: Կարծում եմ՝ սա լավագույն տարբերակն է»,- նշել է Գալստանյանը։

Նրա խոսքով, հայերին Լեռնային Ղարաբաղ վերադարձնելու հարցի բոլոր գործիքները իշխանությունների ձեռքում են։ «Նրանք ծանոթ են և՛ միջազգային, և՛ ներքին իրավիճակին։ Մենք կարող ենք խոսել ամեն ինչի մասին, ցանկությունների մասին, բայց կարո՞ղ են դրանք իրականություն դառնալ վաղը»,- հարցրեց արքեպիսկոպոսը` նշելով, որ հանդիպմանը քննարկվել են նաև Լեռնային Ղարաբաղի հայության խնդիրները և դրանց լուծման ուղիները:

!
Այս նյութը հասանելի է նաև   Русский
Տպել
Ամենաշատ