News
Լրահոս
News
Երկուշաբթի
Հունիս 24
Տեսնել լրահոսը

Բեռնափոխադրումներ իրականացնող տեղական կազմակերպություններն ու անհատ վարորդները դուրս են մղվում շուկայից: NEWS.am-ին ահազանգած հայ բեռնափոխադրողները հայտնում են, որ արտերկրի բեռնափոխադրողների հետ անհավասար մրցակցային պայմանների պատճառով իրենց ծառայություններն այլևս մրցունակ չեն և եթե ոլորտը չկարգավորվի, առաջիկայում ավելի քան 800 բեռնափոխադրողներ կմնան անգործ:

Բանն այն է, որ դեպի Ռուսաստան և Բելառուս վերաարտահանման գործոնով պայմանավորված արտերկրի բեռնափոխադրողները Հայաստան բեռ ներմուծելուց հետո, որպեսզի դատարկ չվերադառնան, այստեղից ապրանքներ են արտահանում անհամեմատ ցածր գին առաջարկելով միջնորդ կազմակերպություններին՝ այդպիսով շուկայից դուրս մղելով հայ բեռնափոխադրողներին: Արման Ենոքյանը, որն արդեն յոթ տարի է բեռնափոխադրումներ է իրականացնում հիմնականում դեպի Ռուսաստանի Դաշնություն, NEWS.am-ին հայտնեց, որ օտարերկրյա բեռնափոխադրողները գրեթե ինքնարժեքով են սկսել Հայաստանից բեռներ տեղափոխել, քանի որ Հայաստանում ունեն արտոնյալ պայմաններ: «Եթե նախկինում դեպի Մոսկվա բեռնափոխադրման համար լոգիստիկ կազմակերպութկունները մեզ վճարում էին 3000-3500 ԱՄՆ դոլար, ապա հիմա 1200 դոլարով էլ չեն համաձայնում, ասում են, եթե չեք ուզում՝ 1100 դոլարով վրացին, թուրքը, ուզբեկը կամ ղազախը կտանեն: Վառելիքը, տրանզիտը թանկացել է, պատշաճ հարկեր ենք վճարում՝ շրջանառության հարկ, դրոշմանշային վճար տալիս, կնիքի համար վճարում, ցանկացած փոխանցման համար 5- 20 տոկոս վճարում, ու բելառուսը գալիս է միայն բնապահպանական հարկ վճարելով մեր ապրանքն արտահանում է երկրից»,-նշեց մեր զրուցակիցը:

Արմանի խոսքով՝ հայ վարորդները նման արտոնություններ չունեն այլ տարանցիկ երկրում: Մասնավորապես երրորդ երկրից բեռնափոխադրման թույլտվության (Դազվոլ) տրամադրումը որոշ երկրների դեպքում սահմանափակված է, իսկ որոշների դեպքում՝ ընթացակարգը շատ բարդ է: «Օրինակ մենք չենք կարող նույն սկզբունքով Վրաստանից ապրանք վերցնել ու փոխադրել, քանի որ այնտեղ օտարերկրյա կազմակերպությունների համար սահմանափակումներ կան, իսկ օրինակ Բելառուսում այնքան բարդ է վարչարարությունը, որ հայ վարորդները խուսափում են այնտեղից բեռ բերել»,-ասաց նա: Վարորդի խոսքով՝ բեռնափոխադրման ոլորտում համապատասխան օրենսդրական կարգավորումների և վերահսկողության բացակայությունից օգտվում են նաև միջնորդ կազմակերպությունները, որոք չունեն համապատասխան լիցենզավորում և առաջնահերթություն են տալիս արտերկրի բեռնափոխադրող կազմակերպություններին` դրանով իսկ մեծ հարված հասցնելով հայաստանյան փոքր բիզնեսին: Բեռնափոխադրողները NEWS.am-ին հայտնեցին, որ առաջիկայում խոշոր բողոքի ակցիա են իրականացնելու՝ պահանջելով հարկային դաշտում հավասար պայմաններ ստեղծել, միջնորդ և արտահանող կազմակերպությունների համար լիցենզավորման կարգ սահմանել և ոլորտի համար էական նշանակություն ունեցող այլ հարցեր կարգավորել:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Դոլարի փոխարժեքը աճել է. եվրոն շարունակում է էժանանալ. Էժանացել է նաեւ ռուբլին
ԱՄՆ դոլարի փոխարժեքն այսօր՝ հունիսի 21-ին, կազմել է…
Մաշտոցի անվան համալսարանում կազմակերպվեց Աշխատանքի շուկա 2024-ը
Միջոցառումը հիանալի հնարավորություն է հավակնոտ ծրագրերի ներկայացմամբ մասնագիտական պրակտիկա կազմակերպելու համար...
ՊԵԿ-ը հունվար-ապրիլին բացահայտել է 65.7 մլրդ դրամի ստվերային շրջանառություն. բյուջե է վերականգնվել  մոտ 18.6 մլրդ դրամ
ՀՀ ՊԵԿ հետաքննության և օպերատիվ հետախուզության վարչությունը, վերլուծական գործիքների և կարողությունների շարունակական զարգացման արդյունքում...
Դոլարի եւ եվրոյի փոխարժեքները նվազել են. ռուբլին թանկացել է
ԱՄՆ դոլարի փոխարժեքն այսօր՝ հունիսի 20-ին, կազմել է...
ԱՍՀ նախարարությունը մանրամասներ է հայտնել երեխա ունեցող և հիփոթեքային վարկ ունեցող ընտանիքների աջակցության ծրագրի մասին
Երկրորդ բաղադրիչից օգտվելու համար անհրաժեշտ է դիմել վարկ տրամադրած բանկ կամ վարկային կազմակերպություն...
Հյուսիս-հարավ ավտոմայրուղի, Վեդու ջրամբար և այլ ծրագրեր. Տիգրան Խաչատրյանի գրասենյակի 2023-ի հաշվետվությունը
Վարչապետ Փաշինյանն ընդգծել է, որ սուբվենցիոն ծրագրերում պետք է ճշգրտել քաղաքական առաջնահերթությունները: Որպես օրինակ վարչապետն ընդգծել է...
Ամենաշատ