News
Լրահոս
News
Շաբաթ
Հունիս 15
Տեսնել լրահոսը

Հայաստանի Հանրապետության նախագահ Վահագն Խաչատուրյանն ընդունել է Հայաստանում ԱՄՆ արտակարգ և լիազոր դեսպան Քրիստինա Քվինին և ԱՄՆ Խաղաղության կորպուսի Վաշինգտոնյան գրասենյակի ղեկավար Կարոլ Սպանին:

Ողջունելով հյուրերին Հանրապետության նախագահը բարձր է գնահատել շուրջ երեք տասնամյակ ԱՄՆ Խաղաղության կորպուսի գործունեությունը Հայաստանում:

«Վստահ եմ, որ այս այցելությունը նույնպես իր դրական արդյունքները կունենա և կնպաստի Խաղաղության կորպուսի նախաձեռնությունների և ծրագրերի ընդլայնմանը տարբեր բնագավառներում: Իհարկե, գնահատելի է նաև Կորպուսի իրականացրած գործունեությունը Հայաստանի տարբեր մարզերում և մասնավորապես կրթության բնագավառում, որը Հայաստանի կառավարության համար առաջնահերթ ոլորտ է, կարծում եմ դուք լավատեղյակ եք այն խնդիրներին և մարտահրավերներին, որոնք մենք ունենք կրթության ասպարեզում և այս առումով էլ ձեր աջակցությունն ու համատեղ իրականացվող ծրագրերը շատ կարևոր են»,- նշել է նախագահը:

Շնորհակալություն հայտնելով ընդունելության համար, հյուրերը նշել են, որ ուրախ են Հայաստանում ներկայացված լինելու և երկրի զարգացմանն աջակցելու հնարավորության համար:

Հանդիպման ընթացքում քննարկվել են երիտասարդների կրթության, առաջնորդության դասընթացների, կամավորության և այլ ոլորտների վերաբերյալ հարցեր: Առանձնահատուկ կարևորվել են Կորպուսի կողմից իրականացվող ծրագրերը Հայաստանի տարբեր մարզերում և երիտասարդության շրջանում:

Անդրադարձ է կատարվել վերջին տարիներին Հայաստանում իրականացվող ժողովրդավարական բարեփոխումներին և այս համատեքստում նախագահ Վահագն Խաչատուրյանը կարևորել է նաև ԱՄՆ կառավարության և իշխանությունների աջակցությունը բարեփոխումների կյանքի կոչման գործընթացին:

Հանդիպման ավարտին Հանրապետության նախագահն իր պատրաստակամությունն է հայտնել հնարավորությունների սահմաններում օժանդակել Խաղաղության կորպուսի գործունեությանը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ֆրենկ Փալոնը ողջունել է Հայաստանի և Միացյալ Նահանգների միջև կնքված համաձայնագիրը
Անհամբեր սպասում եմ այս համաձայնագրի ավարտին, որը կխորացնի մեր համագործակցությունը...
Խաչատուրյանն ընդունել է ԱՄՆ քաղաքային և նահանգային դիվանագիտության հատուկ ներկայացուցիչ, դեսպան Նինա Հաչիգյանին
Վստահ եմ՝ ձեր այցելությունն իր նպաստը կբերի համայնքային մակարդակով…
Անահիտ Մանասյանն ընդունել է ԱՄՆ Պետդեպի ժողովրդավարության, մարդու իրավունքների և աշխատանքի բյուրոյի տնօրենին
Մարդու իրավունքների պաշտպան Անահիտ Մանասյանը հունիսի 12-ին ընդունել է ԱՄՆ Պետքարտուղարության ժողովրդավարության, մարդու իրավունքների...
Հայաստան-ԱՄՆ համագործակցությունը մի հարթանի չէ, չի կարելի շեշտը դնել մի ուղղության վրա. Փաշինյան
Դա արտահայտում է երկու կառավարությունների քաղաքական կամքը խորացնելու հարաբերությունները: Դա ամենակարեւորն է…
Նիկոլ Փաշինյանը և ԱՀՀ ղեկավարությունը քննարկել են ՀՀ-ի և Ադրբեջանի միջև խաղաղության գործընթացին վերաբերող հարցեր
Զրուցակիցները քննարկել են Հայաստան-ԱՄՆ համագործակցությանը, Հայաստան-Սփյուռք կապերին, ՀՀ կառավարության ծրագրերին, իրականացվող…
Ստորագրվել է «ՀՀ-ի եւ ԱՄՆ-ի կառավարությունների միջև մաքսային մարմինների փոխադարձ օգնության վերաբերյալ» համաձայնագիրը
ՊԵԿ տարածած հաղորդագրությունում նշված է, որ համաձայնագրի ստորագրման...
Ամենաշատ