News
Լրահոս
News
Հինգշաբթի
Հունիս 20
Տեսնել լրահոսը


Պարոն Սուքիասյան, չափը որոշվում է օրենքով, ոչ թե օրենքը խախտելով: Այս մասին այսօր՝ մայիսի 22-ին, ԱԺ-ում ելույթ ունենալով՝ հայտարարեց «Հայաստան» խմբակցության պատգամավոր Արթուր Խաչատրյանը՝ անդրադառնալով ՔՊ-ական պատգամավոր Խաչատուր Սուքիասյանի ելույթին, ով ընդդիմությանը կոչ էր արել չափը ճանաչել, հակառակ դեպքում իրենց հանդեպ կկիրառվեն այն միջոցները, որոնք կիրառվում էին նախկին իշխանությունների տարիներին:

«Երեկ երեկոյանից ԱԺ-ի բակում փշալարով մեքենա է կնգնած, տե՞նց եք չափը գծում: Կամ Կիրանցում ոստիկանները փակել են, երբ հարցնում ենք՝ ինչի հիման վրա եք փակել, ասում են՝ հրաման ենք կատարում, տե՞նց եք չափը գծում: Պետությունը վոլյունտարիստական կազմակերպություն չի, պետությունն օրենքներով  է առաջնորդվում»,-ասաց նա:

Ապա Խաչատրյանը դիմեց իշխող ուժի ներկայացուցիչներին. «Պարոնայք և տիկնայք ՔՊ-ականնե՛ր, դուք սխալ եք հասկացել Ջորջ Օրուելի վեպը։ Նա այդ վեպը («Անասնֆերմա»-խմբ) գրել է, որպես նախպազգուշացում դիկտատուրայի, վոլյունտարիզմի տոտալիտարիզմի դեմ։ Ինքը դա չէր գրել որպես պետական կառավարման ուղեցույց... Դուք հվատարիմ Օրուելի հակացուցումներին, նմանատիպ պոստուլատներով եք փձորձում մարդկանց ուղեղը լվանալ: Ասում եք՝ «կեղծիքը լեգիտիմություն է», «զիջումը նվաճում է»  և շեդևր՝ «կապիտուլյացիան հաղթանակ  է»։ Ասում է՝ մենք ոչ թե 4 գյուղ հանձնել ենք, այլ 4 գյուղ գրավել ենք, Ադրբեջանից խլել ենք մեր դեմ կռիվ սկսելու լեգիտիմությունը: Ադրբեջանը ե՞րբ է լեգիտիմություն փնտրել պատերազմ սկսելու համար:

Ձեր միակ լեգիտիմությունը, որը փնտրում եք՝ Ադրբեջանի բարեհաճ վերաբերմուքն է։ Ադրբեջանին կարգել եք լեգիտիմության և անվտանգության երաշխավոր»,- հայտարարեց ընդդիմադիր գործիչը։

Հայտնելով, որ իր կերդոյին համապատասխան ՔՊ-ն կրկին բացի իրենից մեղավոր է տեսնում բոլորին, Արթուր Խաչատրյանն ասաց. «Ասում են կիրանցեցիներն են մեղավոր, այ եթե կիրանցեցիները չբողոքեին, չընդվզեին, որ իրենց երկիրը, հողը տալիս են թուրքին՝ քարտեզն ավելի լավը կլիներ։ Դրանով գիտե՞ք ինչ եք անում՝ ավանսով ինդուլգենցիա եք առնում, որովհետև հայտարարում եք, որ սահմանազատումը լինելու է նույն սկզբունքով, իսկ նույն սկզբունքը՝ կապիտուլյացիան է: Ժողովրդին վախեցնում եք, ասում եք՝ եթե ընդվզեք, ավելի վատ կլինի:

Ասում են՝ մեղավոր են ղարաբաղիցները, որ Ղարաբաղը տվեցին: 100 հազար ղարաբաղցիները պետք է կռվեին 10 մլն ադրբեջանցիների դեմ, այն պայմաններում, երբ Հայաստանը դավաճանեց իր հանձնառությանը որպես Արցախի անվտանգության երաշխավոր»,- ասաց Խաչատրյանը։

Նա հիշեցրեց, որ ՔՊ-ական պատգամավորները հայտարարում էին, որ Հայաստանը Արցախի պատանդը չէ, Հայաստանն Արցախին գրավ չենք դնի. «Փաշինյանը հայտարարում է՝ Արցախը «պավադոկ» էր, թոկ էր Հայաստանի վզին: Բնականաբար, եթե թոկ էր, պետք է այդ «պավադոկը» կտրել: Փաշինյանն ասում է՝ որոշ միջազգային կենտրոններ Արցախի հարցն օգտագործում էին որպես «պավադոկ», թոկ: Բնականար, պետք է կտրեիք այդ թոկը, ու կտրվեց էդ թոկը: Այստեղ տեղի ունեցած շահերի զուգամիտում: Պետք էր մեկին մեղավոր կարգել: Էստեղ Արայիկ Հարությունյանը հետ է քաշվում, ամբողջ քաղաքական էսթաբլիշմենթի կոնսենսուսով ընտրվում է նոր նախագահ եւ 10 օր հետո Ադրբեջանը հարձակվում է: Շահեց Ադրբեջանը, շահեց այսօրվա ՀՀ կառավարությունը: Սա ՔՊ-ի եւ «Յենի Ադրբեջանի» շահերի համադրման հրաշալի օրինակ է»,- ասաց Արթուր Խաչատրյանը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Եվս 500 արցախցիներ կարող են օգտվել կարճ ուսուցման դասընթացի կազմակերպման և աշխատանքային փորձ ձեռք բերելու ծրագրից
Կառավարությունն իր այսօրվա՝ հունիսի 20-ի նիստում որոշեց ԼՂ-ից բռնի...
Տեղահանված, իրենց բնակության վայրը կորցրած անձինք մշտապես պետք է լինեն պետության հոգածության ներքո. Վահե Ղազարյան
Ուշադրության կենտրոնում են նաև 1988-1992 թթ. Ադրբեջանից բռնի տեղահանված մեր հայրենակիցների խնդիրները. այժմ Միգրացիայի և քաղաքացիության…
ԵՄ-ն 15 մլն եվրո կհատկացնի Հայաստանին՝ փախստականների խնդիրները լուծելու համար
15 մլն եվրո ընդհանուր արժողությամբ ծրագիրը ֆինանսավորվում է ԵՄ բյուջեից՝ Հարևանության, զարգացման և միջազգային համագործակցության գործիքի շրջանակներում...
Բեմականացված ընտրություններն ու ահաբեկման ռեժիմը Ադրբեջանը վերածել են բռնատիրության. Գարդման-Շիրվան-Նախիջևան միություն
«Գարդման-Շիրվան-Նախիջևան» համահայկական միությունը ողջունում է Freedom House կազմակերպության անաչառ արձանագրումները, որոնք միջազգային...
Զախարովան Ռուբեն Վարդանյանի մասին հարցը վերաուղղել է Երևանին և Բաքվին. նա ՌԴ քաղաքացի չէ
Նա ընդգծեց, որ, ընդհանուր առմամբ, Ռուսաստանի Դաշնությունը միշտ աջակցել է եռակողմ համաձայնագրերի իրականացմանը, որոնց առանցքային տարրը բոլոր կալանավորված անձանց ազատ արձակումն է...
Հարվածն Արցախի հայերին` հարված էր ողջ հայությանը.  «Մենք կանք»  նախաձեռնություն
 Հակառակ այն բանի, որ  Հայաստանի ժողովրդի մեծ մասը Հայրենիք կորցրած արցախցիների հետ կատարված...
Ամենաշատ