News
Լրահոս
News
Երեքշաբթի
Հունիս 18
Տեսնել լրահոսը

Մեկ տարվա ընթացքում երկրորդ անգամն է, որ մեր խորհրդարանական պատվիրակությունը եկել է Երևան՝ ցույց տալով մեր հարաբերությունների ուժն ու ամրությունը: Այդ մասին այսօր՝ մայիսի 22-ին, ՀՀ Ազգային ժողովում խորհրդարանի խոսնակ Ալեն Սիմոնյանի հետ համատեղ ասուլիսից հետո ԱԺ ամբիոնից ունեցած իր ելույթում հայտարարեց Լյուքսեմբուրգի Մեծ Դքսության Պատգամավորների պալատի նախագահ Կլոդ Վիզլերը:

«Մեկ տարի առաջ այստեղ էի՝ որպես մեր պատվիրակության անդամ: Որպես Լյուքսեմբուրգի խորհրդարանի նոր նախագահ՝ ես պետք է վերադառնայի հատկապես այն ամենի պատճառով, ինչ տեղի ունեցավ դրանից հետո տարածաշրջանում:

Մեծ, ծանր սրտով եմ դիմում ձեզ՝ տեղյակ լինելով այն ողբերգական իրադարձություններից, որոնք ցնցեցին ԼՂ տարածաշրջանը: Ավելի քան 100 հազար հայ բռնի տեղահանվեց այն անհիմն ու անարդարացի ռազմական գործողությունների հետևանքով, որ 2023-ին սեպտեմբերի 19-ին Ադրբեջանն իրականացրեց:

Որպես մարդասիրական արժեքների և հիմնարար իրավունքների երաշխավորներ՝ մենք չենք կարող այս տառապանքին անտարբեր մնալ: Այս իրադարձությունը ոչ միայն մեծ տեղահանություն է առաջացրել, այլև սպառնում է Հայաստանի հին ու անտիկ մշակութային արժեքներին: Եկեղեցիները, անտիկ կոթողները, գերեզմանաքարերը վերացման ու քայքայման սպառնալիքի տակ են, և մենք չենք կարող անտարբեր մնալ Հայաստանի ինքնության և պատմության ջնջմանը:

Տիկնա՛յք և պարոնա՛յք, պատմական ճշմարտության հիշողությունը և ճանաչումը կարևորագույն գործոններ են ապագան կառուցելու համար:

2015 թվականին Հայոց ցեղասպանության հուշահամալիրում մեր Պատգամավորների պալատը պաշտոնապես ընդունել է այն վայրագությունները, որոնք արվել են Օսմանյան կայսրության կողմից: Այս ճանաչումը մեր աչքում կարևոր քայլ էր արդարության համար:

2020 թվականի հոկտեմբերին՝ ԼՂ-ի երկրորդ պատերազմի ժամանակ, Լյուքսեմբուրգի խորհրդարանն ընդունեց միջնորդություն, որը խստորեն դատապարտում էր 1994 թվականի զինադադարը խախտող ռազմական գործողությունները, և արտահայտեց մեծ մտահոգություն ռազմական գործողությունների վերասկսման համար: Խորհրդարանականները միաձայնորեն դատապարտեցին արտաքին միջամտությունը, հատկապես՝ Թուրքիայի ռազմական աջակցությունը Ադրբեջանին: Մեր այս կոշտ դիրքորոշումը ցույց է տալիս, որ մենք աջակցում ենք խաղաղությանը, կայունությանը բոլոր ազդակիր համայնքներում:

Նույն տարվա դեկտեմբերին Պատգամավորների պալատը վերահաստատեց իր դիրքորոշումը՝ շեշտելով, որ կրիտիկական կարևորություն ունի համափարփակ քաղաքական գործընթացներ նախաձեռնելը, որոնք ուղղված կլինեն ԼՂ կարգավիճակի սահմանմանը: Մենք հասկանում ենք անհրաժեշտությունը՝ ապահովելու շարունակական մատչելիություն մարդասիրական կազմակերպություններին, որպեսզի նրանք հասցնեն արագ և պատշաճ օգնություն ազդակիր բնակչությանը:

Թույլ տվեք հավաստիացնել, որ աջակցությունը հայաստանցիներին մնում է անհողդողդ և վճռական: Այս ոգով էր, որ անցյալ տարի Լյուքսեմբուրգի խորհրդարանը երրորդ միջնորդությունն ընդունեց Հայաստանի իրավիճակի հետ կապված: Մեր միաձայն որոշումը և քվեարկությունը վկայությունն էր այն մասին, որ մենք ունենք իրար հետ կիսվող արժեքներ և վճռականություն՝ կանգնելու ձեր կողքին խաղաղության հասնելու ճանապարհին:

Մենք ցանկանում ենք շեշտել մեր անհողդողդ նվիրվածությունն Ալմա Աթայի՝ 1991 թվականի հռչակագրին, որով Հայստանը և Ադրբեջանը փոխադարձորեն կճանաչեն մեկը մյուսի տարածքային ամբողջականությունն ու ինքնիշխանությունը, և սա կբերի խաղաղություն և կայունություն տարածաշրջանում»,- ասաց նա:

Վիզլերը նաև հայտարարեց, որ Լյուքսեմբուրգը և Հայաստանն ունեն ընդհանուր արժեքների, հիմնարար արժեքների և հետաքրքրությունների շրջանակ:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հարվածն Արցախի հայերին` հարված էր ողջ հայությանը.  «Մենք կանք»  նախաձեռնություն
 Հակառակ այն բանի, որ  Հայաստանի ժողովրդի մեծ մասը Հայրենիք կորցրած արցախցիների հետ կատարված...
Մեզ վրա ծախում են մի բան, որը վաղուց մերն էր. Փաշինյանն անգամ շնորհքով կապիտուլյացիա չի կարողանում ստորագրել. Զուրաբյան
Խոսքն այն մասին է, որ իբր թե այս 4 գյուղը վերադարձնելու արդյունքում Ադրբեջանը համաձայնել է, որ սահմանազատումը պետք է կատարվի 1991-ին գոյություն ունեցող...
Իրենք չար են ու նեռի ծնունդ, Արցախը հանձնեցին. զոհվածի մայր
Թող իր երեխաները հանուն ոչինչ գնան, ինքն էլ մեր նման հպարտ ման գա, ոնց մենք ենք հպարտ...
Ինչ պետք է անի արցախցի ընտանիքը, եթե որեւէ հիմքով բնակարանային աջակցության ծրագիրը մերժվել է. պարզաբանում է պաշտոնյան
Հունիսի 14-ին Կառավարության կողմից հասատվեց ԼՂ-ից բռնի տեղահանված ընտանիքների բնակարանային ապահովման պետական աջակցության ծրագրի...
Միջազգային ասպարեզում լսելի ձայնը նրան դարձրել են Բաքվի թիրախ.Միջազգային մամուլը Ռուբեն Վարդանյանի խոշտանգումների մասին
 Միջազգային մի շարք լրատվամիջոցներ անդրադարձել են Ադրբեջանում ապօրինի պահվող Ռուբեն Վարդանյանի միջազգային փաստաբանական թիմի կողմից ՄԱԿ-ի...
Մեկնարկել է ԼՂ-ից տեղահանվածների բնակարանային ապահովման առցանց դիմումների ընդունման գործընթացը
3 և ավելի անչափահաս երեխա ունեցող ընտանիքները…
Ամենաշատ
Ֆոտոռեպորտաժներ