News
Լրահոս
News
Ուրբաթ
Հունիս 14
Տեսնել լրահոսը

Դեբեդի վարարելը նկատել ենք ժամը 23։30-ին, երբ գնում էինք գազալցակայան, կես ժամ անց վերադառնալիս ջուրն արդեն ավտոճանապարհին էր, մինչև փրկարարները հասան արդեն երկկողմանի փակվեց ճանապարհը։ Այս մասին NEWS.am-ին պատմեց Թումանյան համայնքի բնակիչ Ռոման Թորոսյանը, որը ականատես է եղել Դեբեդի վարարմանը։

«Թումանյանից է սկիզբ առել։ Սկսվել է ճանապարհամերձ հատվածից։ Երեկ՝ 23։30-իի սահմաններում ուզում էինք գնալ գազալցակայան, նկատեցինք, որ գետի հունը բարձրացել է, վերադառնալիս տեսանք, որ ջուրը հասել է ճանապարհին, զանգահարեցինք Փրկարար ծառայությանը, արագ արձագանքեցին ու եկան, բայց ավտոճանապարհն արդեն երկկողմանի փակվել էր։ Տեղ–տեղ փլուզումներ սկսեցին կեսգիշերին, Թումանյանի գազալցակայանի մոտ մեծ փլուզումներ եղան։ Դեբետի՝ կատաղի լինելը նորություն չէր, բայց այս մասշտաբների հունից դուրս գալն անսպասելի էր բոլորիս համար։ Թումանյան համայնքի դիրքը բարձրադիր է, մեզ մոտ վնասներ չի հասցրել, սակայն Ալավերդու հսկայական մասը ջրի տակ անցավ։ Մարդիկ անտրամադիր են, նայում են ավերածություններին, անհույս ու տխուր են»,- պատմեց Ռոման Թորոսյանը։

Ալավերդու բնակիչ Նոնա Խաչատրյանը պատմեց, իրենց թաղամաս տանող ճանապարհը ջրի տակ է. «Բոլորը հուսալքված ու տխուր են։ Շատերը անհանգստանում են, որ կապի չեն կարողանում դուրս գալ հարազատների հետ։ Ունենք թաղամաս՝ Սանահին կայարան թաղամաս, որտեղ վիճակն ավելի վատ է, մոտ 200 բնակչություն ունեցող թաղամաս է։ Մի պահ ենք դուրս եկել տնից։ Կապ չկար, ինտերնետ չկար, գազ, ջուր, լույս չկար։ Ժամը 8։30 դուրս եկանք ու տեսանք, որ քաղաքի ներքևի հատվածն արդեն ջրի տակ էր»։

Ավելի վաղ հայտնել էինք, որ այս գիշեր տեղացած հորդառատ անձրևների հետևանքով ՀՀ Լոռու եւ Տավուշի մարզերում փակվել են ճանապարհներ, տներն ու ավտոմեքենաները հայտնվել են հեղեղի տակ, արգելափակվել են մարդիկ, փլուզվել են կամուրջներ։

Մայիսի 26–ի գիշերը Դեբեդ գետի վարարման հետևանքով Մ-6 միջպետական ճանապարհը երկկողմանի փակ է երթևեկության համար։  Դեբեդի հունը 6 մետրով բարձրացել է, «Ալավերդի-Արճիս-Նոյեմբերյան» 530մմ-ոց ջրատարը հայտնվել է ջրի տակ, ինչի հետեւանքով դադարեցվել է 16 համայնքների ջրամատակակարումը: Հեղեղի հետևանքով կա 3 զոհ։

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՆԳՆ հայտի հիման վրա ՄԱԿ-ի կողմից իրականացվել է Լոռիում և Տավուշում աղետի ազդեցության, մարդասիրական կարիքների գնահատում
Հունիսի 13-ին հաշվետվության հիմնական արդյունքներն ու առաջարկությունները ներկայացվել են ՀՀ Կառավարությանն ու միջազգային դոնոր համայնքին...
Ասում են՝ 10 կգ ոսկին ջուրը քշել, տարել է. չենք կարող այդ հարցում օգտակար լինել, ոսկին պետք չէր գարաժում պահել.Փաշինյան
Կան օբյեկտիվ տվյալներ, որոնց վրա պետք է հիմնվել ջրհեղեղից տուժածներին…
Օբյեկտիվ պատճառներով մարդիկ չեն վերադարձել իրենց բնակարաններ․ փոխվարչապետը՝ աղետի գոտում իրավիճակի մասին
Եկել ենք նախնական եզրակացության, որ մեր մոտեցումը պետք է լինի տարբերակված, մեր աջակցության հիմքում առաջին հերթին պետք է լինեն այն սուբյեկտները...
Լոռիում երկաթուղու հետ կապված աշխատանքները լավ տեմպով են առաջ գնում. հնարավոր է՝ ավելի շուտ շահագործվի. Սանոսյան
Հոբարձի կամրջի հետ կապված ժամանակավոր լուծում են գտել և հունիսի 15-ից աշխատանքներն այս ուղղությամբ կմեկնարկեն...
Նախ պետք է աջակցենք ջրհեղեղից տուժածների բնակարանների նորոգման եւ նվազագույն կահավորման հարցում. Փաշինյան
Փաշինյանը նկատեց, որ ինչքան նոր է կամուրջը, այնքան գեղագիտական տեսքից զուրկ է...
Լոռու մարզի մի շարք տարածքներում ճանապարհի մակերեսը պետք է բարձրացվի. Սանոսյան
Կառավարության ներկայացուցիչը հայտնել է նաև, որ որոշ կամուրջներ, ամենայն հավանականությամբ, կտեղափոխվեն և կկառուցվեն այլ վայրերում...
Ամենաշատ