նախընտրելի դարձնել
Այսօր մեր արժանապատիվ քաղաքացիների շնորհիվ փակվել է 48 փողոց: Այս մասին այսօր՝ մայիսի 27-ին, Սուրբ Աննա եկեղեցու բակում հայտարարեց «Հայաստան» խմբակցության պատգամավոր Գառնիկ Դանիելյանը։
Նա նշեց, որ իրազեկման ակցիա է իրականացվել մետրոպոլիտենի տարբեր կայարաններում, Վայոց Ձորի մարզում։
«Մեր արժանապատիվ, հայրենատեր 300 քաղաքացու «բախտ է վիճակվել» բերման ենթարկվել: բոլորն ուրախ, անկաշկանդ, ուղնուծուծով հայրենիքին նվիրված մեր քույրերն ու եղբայրները առանց որեւէ վախի բերման են ենթարկվել»,-ասաց նա։
Դանիելյանը նշեց, որ Վայոց Ձորից ավտոերթով գալիս են, միանան շարժմանը։
Նշենք, որ Հայաստանում բողոքի ակցիաներ են սկսվել վաղ առավոտից։ Մասնավորապես, փակ են Երևան-Աշտարակ և Երևան-Արմավիր ավտոճանապարհները: Շարժման առաջնորդ Բագրատ արքեպիսկոպոս Գալստանյանը, ինչպես նախօրեին խոստացել էր, նույնպես ինքն է փակել ճանապարհը։ Նա սեւ ամենագնացով փակել է Աբովյան-Սայաթ-Նովա փողոցների խաչմերուկը. Մյուս ցուցարարները փակել են Ազատության, Մաշտոցի, Տիգրան Մեծի, Կորյունի, Մոսկովյան, Տերյան, Հին Երևանցի փողոցները։
Բերման ենթարկվածների թվում են ԱԺ պատգամավորներ Արթուր Սարգսյանը, Աշոտ Սիմոնյանը, նաեւ Իգոր Խաատուրովը, երգիչներ Արսեն Գրիգորյանը, Դավիթ Ամալյանը, բժիշկ Գեւորգ Թամամյանը: Այսպահին բերման ենթարկվածների թիվը 226 է:
