News
Լրահոս
News
Ուրբաթ
Հունիս 14
Տեսնել լրահոսը

ԱԺ նախկին պատգամավոր, «Լուսավոր Հայաստան» կուսակցության համահիմնադիր Անի Սամսոնյանն իր ֆեյսբուքյան էջում գրառում է արել, որը ներկայացնում ենք ստորև․

«Ինչու Բագրատ Սրբազանին հաջողվեց մի բան, որը չի հաջողվում քաղաքական գործիչներին:

Որովհետև.

1) Քաղաքական գործիչները կարծրացած են ու կաղապարված:

2) Քաղաքական գործիչները ամեն մեծ բանի տակ տեսնում են նախկինների ականջները (նրանք լինելու են ամեն ուր, որովհետև ունեն մեծ ռեսուրսներ, բայց դա չի նշանակում, որ եղած վիճակը պետք է արդարացվի), բայց այդպես էլ թափ ու կամք չեն հավաքում ընդդիմադիր դաշտը նախկիններից խլելու համար:

3) Քաղաքական գործիչները մեծամտացել են և իրենց համարում են քաղաքական մտքի գիգանտներ:

4) Քաղաքական գործիչները եսասեր են դարձել, որովհետև մտածում են` եթե ես չեմ հրապարակներում խոսողը, ուրեմն ոչ մի հրապարակ չի լինելու:

5) Քաղաքական գործիչները վախում են ճշմարտությունը ասել ժողովրդին` մտածելով միայն իրենց ռեյտինգի մասին:

6) Քաղաքական գործիչները վախենում են սխալվելուց, որովհետև ուզում են կարճաժամկետ օգուտներ բռնել և ոչ թե ստեղծել երկարաժամկետ արժեք:

7) Քաղաքական գործիչները մոռացել են մարդկանց միավորելու լեզուն, բայց վարպետացել են բաժանումներում:

8)Քաղաքական գործիչները չունեն ծրագիր, բայց առավոտից երեկո բանբասում են այլ ծրագիր չունեցողների կամ ունեցողների մասին:

9) Քաղաքական գործիչները Նիկոլ Փաշինյանի թամադայությամբ քաղաքականությունը պղտորել,մխտռել, փչացրել ու դատարկել են:

10)Այսպես քաղաքական գործիչները կորցրել են իրենվ ճիշտը, հեղինակությունը, հոգնել են ու մաշվել:

Մեկ հոգևորականը կարողացավ լճացած ու ծույլ քաղաքական դաշտը տատանել:

Այս շարժումը ինչ-որ ելք ունենալու է` անկախ դրա սպասելիքներից:

Բայց ես որպես երիտասարդ և քաղաքականության մեջ երկարաժամկետ նպատակներով քաղաքական գործիչ, շնորհակալ եմ Բագրատ Սրբազանին, որ նա ատելության կեղտից մաքրող քաղաքական խոսքով կարող է տալ նշանակալի արդյունք, որից կարող են օգտվել երիտասարդ քաղաքական գործիչները հանրության հետ աշխատելիս:

Այս շարժումը (իր բոլոր թերություններով հանդերձ) հրապարակային, գրասենյակներում, սրճարաններում, անձնական զրույցներում, անկողիններում, օնլայն զրուցարաններում (չատերում) ծաղրող քաղաքական դեմքերին (եթե, իհարկե, քաղաքական են) հարց ունեմ` դուք սրա կեսի կեսի կեսը կարո՞ղ էիք անել»:

Տպել
Կարդացեք նաև
Ամբողջը
Այսօր առավել քան երբևէ պետք է համախմբվել հոգևոր արժեքների շուրջ. Սամվել Կարապետյանը երկխոսության կոչ է անում
Հայ ժողովուրդը միշտ եղել է եկեղեցու կողքին, պետք է համախմբվենք հոգևոր արժեքների շուրջ…
Սա մի ռեժիմ է, որի օրոք նոր «Մարտի 1»-երը բացառված չեն․ Արծվիկ Մինասյան
Այս ամենը պատահական չի արվում, արվում է, որովհետև Նիկոլ Փաշինյանը շարունակում է իր հակապետական, հակասահմանադրական ընթացքը…
Գործ ունենք ոչ թե հոգևորականի, այլ ռեվանշիստ, բիզնեսմեն տերտերի հետ, թույլ չենք տա կղերապետություն․ Պապոյան
ՀՀ էկոնոմիկայի նախարար Գևորգ Պապոյանը «Ֆեյսբուք»-ի իր էջում գրառում է...
Երեկվա դեպքեր էական կարևորություն ունեն հետագա զարգացումների համար. ստեղծվել է նոր ընտրազանգված. Վահե Հովհաննիսյան
Մարդկանց չցրվելը և արագ շատանալը վկայում է, որ լուրջ տեղաշարժեր կան հանրային գիտակցության մեջ, ստեղծվել է նոր ընտրազանգված։ Երեկվա օրը ցույց...
Ծանոթ ձեռագիր է, որը կյանքի բոլոր փուլերում է ուղեկցել ու ուղեկցում է Փաշինյանին. Տիգրան Աբրահամյան
Բաղրամյան, Պռոշյան փողոցներում տեղի ունեցած ոստիկանության անհամաչափ...
Ոստիկանության փոխարեն Հայաստանում սկսել է գործել կազմակերպված հանցավոր խումբ. «Հայաքվե»
Տասնյակ տեսանյութերն ու հարյուրավոր լուսանկարները վկայում են, որ ոստիկանական բանդաներն առանձնակի դաժանությամբ են բերման ենթարկել, ծեծել…
Ամենաշատ
Ֆոտոռեպորտաժներ