News
Լրահոս
News
Հինգշաբթի
Հունիս 13
Տեսնել լրահոսը

Սպիտակ տունը հաստատել է, որ Միացյալ Նահանգները մասնակցելու է Շվեյցարիայում ծրագրված Խաղաղության գագաթնաժողովին, ինչպես նաև պատասխանել է նախագահ Ջո Բայդենի հնարավոր մասնակցության մասին հարցին։ Այս մասին ճեպազրույցի ժամանակ ասել է Սպիտակ տան մամուլի քարտուղար Կարին Ժան Պիերը, հաղորդում է «Ամերիկայի ձայնը»։

Նա հաստատել է, որ ԱՄՆ-ն մասնակցելու է միջոցառմանը, բայց միևնույն ժամանակ չի հայտնել, թե կոնկրետ ով է ներկայացնելու ամերիկյան կողմը։

«Ինչպես գիտեք, մենք ակտիվ մասնակցություն ենք ունեցել Ուկրաինայի խաղաղության նախորդ գագաթնաժողովներից յուրաքանչյուրին։ ԱՄՆ կառավարությունը ներգրավված է դրանում։ Եվ մենք ներկայացված կլինենք այս ապագա գագաթնաժողովում»,- նշել է Ժան-Պիերը։

Հարցին, թե արդյոք Բայդենը կմասնակցի գագաթնաժողովին, նա պատասխանել է, որ «ավելի կոնկրետ տեղեկատվություն չունի հայտնելու»:

Ժան Պիերի խոսքով, ինչպես և մինչ այս գագաթնաժողովը, Միացյալ Նահանգների առաջնահերթությունը Ուկրաինայի ջանքերին աջակցելն է։

«Մեզ համար կարևոր է շարունակել համոզվել, որ Ուկրաինան ունի իրեն անհրաժեշտ բոլոր հնարավորությունները պաշտպանելու և արդար և երկարատև խաղաղություն ապահովելու համար», - հավելել է նա։

!
Այս նյութը հասանելի է նաև   Русский
Տպել
Ամենաշատ