News
Լրահոս
News
Երկուշաբթի
Հունիս 17
Տեսնել լրահոսը

Կառավարության այսօրվա՝ մայիսի 30-ի նիստի սկզբում վարչապետ Նիկոլ Փաշինյանը իր ցավակցությունները հայտնեց Լոռու եւ Տավուշի մարզերում տեղի ունեցած ջրհեղեղի զոհերի հարազատներին,  ընտանիքի անդամներին:

Օրակարգի հաստատումից հետո ՏԿԵ նախարար Գնել Սանոսյանը ներկայացրեց այդ երկու մարզերում ստեղծված իրավիճակը. «Ջրհեղեղի օրը Դեբեդ գետում ջրի մակարդակը հասել է մինչեւ մյրկյանում 650 խմ, իսկ այսօր 102 է: Այսինքն 6 անգամից ավելի ջուր է եղել կամ 198 սմ բարձրացել է: Այսինքն շուրջ 2 մետր արդեն ջուրը նվազել է: Փրկարար ծառայությունը ներգրավել է 456 փրկարարների, որոնք տրհանել են 443 մարդու: Հիմա միայն Սանահին Կայարան թաղամասում է, որ ունենք 141 անձ, որոնք գետի այն ափին են, բայց փրկարար պարաններով  ամեն ինչ հասցնում ենք: Աղետի հետեւանքով ունենք 4 զոհ: Հայտարարվել է աղետի գոտի:

Ունենք հսկայական վնասված ենթակառուցվածքներ: Մոտ 2 կմ-ի է հասնում երկաթուղու տարբեր հատվածներում վնասվածքները: Դա հիմնականում Այրումից Սանահիտ հատվածն է: Բացի երկաթգծից  վնասված են շատ սյուներ, ենթակայաններ: Բավական երկար ժամանակ կլպահանջվի երկաթգի վերակառուցման համար: Ճանապարհների մասով հիմնական մեծ վնասները կրել են Մ4 եւ Մ6 ճանապարհները: Մ4-ը ունի 10 վնասված հատված, որոնցից 5-ը հատկապես  բավական խոշոր են, դա Դիլիջան-Իջեւան հատվածում է հիմնականում:

Մ6 ճանապարհը 46 հատվածում է վնասված, 5-ում ճանապարհից ոչինչ չկա, ամբողջ հատվածը վնասվել է: Այդ 5-ից 4-ը վրականգնել ենք, 56-րդի ուղղությամբ աշխատանքներ են տարվում:

Ճանապրհը ջրածածկ էր նաեւ Նոյեմբերյան-Բագրատաշեն հատվածում, ինչի հետեւանքով մաքսակետը մեկ օր չաշխատեց: Հիմա այդ հատվածը անցանելի է: Վանաձորից դեպի Ալավերդի եւ Այրում ճանապարհը երթեւեկության հմար փակ է»,-ասաց նա:

Սանոսյանը հավելեց, որ շուրջ 20 կամուրջ է վնասվել, այդ թվում հետիոտնային:  Խոշոր կամուրջներից են Ախթալայի կամուրջը, Սանահին թաղամասի կամուրջը, Այրումի, Քարկոպի, Խաշթառակի, Շնողի կամուրջները: 7 բնակավայր Ալավերդի քաղաքի հետ կապ չունի, այնտեղ մատակարարումներն իրականացվում են լեռնային անտառապատ ճանապարհով, որը բարեկարգում ենք ընթացքում:

Ջրագծերի վնասների հետեւանքով մի շարք բնակավայրեր զրկվել են ջրամատակարարումից: Դիլիջանում մասնակի է վերականգնվել ջրամատակարարումը: Ախթալա ջուրը ջրատարով ենք տեղափոխում:

Էրեգետիկ համակարգում շուրջ 17 հազար բաժանորդ հոսանքազրկվել է: Նրանցից դեռ 600-ն է, որ հոսանքազրկված են:

Գազի 19 հազար բաժանորդ զրկվել է գազամատակարարումից, նրանցից 18 600-ը վերականգնվել է:

Ալավերդու Սանահին Կայարան թաղամասում ունենք բազմաթիվ ջրածածկ տարածքներ, շենքեր, շինություններ: Քարկոպ գյուղն ամբողջովին ջրածածկ է, բոլոր մարդիկ տարհանվել են: Երեկ այնտեղ մոտ 30 փրկարար է աշխատել, այսօր 100 փրկարար կաշխատի: Գյուղը 1,5 մետր եւ ավելի ջրածածկ է»:

ՏԿԵ նախարարը տեղեկացրեց, որ տուժած բնակչությունն ամբողջությամբ ապահովված է սննդով եւ խմելու ջրով. «Տարհանված 443 բնակիչներից միայն 44-ն է հյուրանոցներում, մյուսները նախընտրել են ծանոթների, հարազատների մոտ գտնվել: Բոլորի հետ կապ կա, մատակարարումներ տեղի են ունենում»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Քարկոփ բնակավայր տանող հետիոտնային ճոճվող կամուրջը շահագործվել է երեկ երեկոյան
Նրանք զրուցել են աղետից տուժած բնակիչների հետ, տեղեկացրել բնակավայրերին…
Փրկարարները ավարտել են Քարկոփ գյուղը Մ-6 ավտոճանապարհին միացնող հետիոտնային կամրջի աշխատանքները
Այս մասին NEWS.am-ին տեղեկացնում են ՆԳՆ Փրկարար ծառայությունից…
ՆԳՆ հայտի հիման վրա ՄԱԿ-ի կողմից իրականացվել է Լոռիում և Տավուշում աղետի ազդեցության, մարդասիրական կարիքների գնահատում
Հունիսի 13-ին հաշվետվության հիմնական արդյունքներն ու առաջարկությունները ներկայացվել են ՀՀ Կառավարությանն ու միջազգային դոնոր համայնքին...
Ասում են՝ 10 կգ ոսկին ջուրը քշել, տարել է. չենք կարող այդ հարցում օգտակար լինել, ոսկին պետք չէր գարաժում պահել.Փաշինյան
Կան օբյեկտիվ տվյալներ, որոնց վրա պետք է հիմնվել ջրհեղեղից տուժածներին…
Օբյեկտիվ պատճառներով մարդիկ չեն վերադարձել իրենց բնակարաններ․ փոխվարչապետը՝ աղետի գոտում իրավիճակի մասին
Եկել ենք նախնական եզրակացության, որ մեր մոտեցումը պետք է լինի տարբերակված, մեր աջակցության հիմքում առաջին հերթին պետք է լինեն այն սուբյեկտները...
Լոռիում երկաթուղու հետ կապված աշխատանքները լավ տեմպով են առաջ գնում. հնարավոր է՝ ավելի շուտ շահագործվի. Սանոսյան
Հոբարձի կամրջի հետ կապված ժամանակավոր լուծում են գտել և հունիսի 15-ից աշխատանքներն այս ուղղությամբ կմեկնարկեն...
Ամենաշատ
Ֆոտոռեպորտաժներ