News
Լրահոս
News
Երկուշաբթի
Հուլիս 15
Տեսնել լրահոսը

Ոստիկանության գործողություններն ակնհայտ վախի դրեւորում են, բայց բավական է, որ ասենք՝ դա վախի դրսեւորում է, ոստիկանության հետ կոնկրետ պետք է աշխատել, կոնկրետ կառույցներ պետք է աշխատեն, որովհետեւ ոստիկանը նույնպես ՀՀ քաղաքացի է եւ պետք է քաղաքացիական դիրքորոշում ունենա եւ կանգնի ժողովրդի ոկղքին: Այս մասին, այսօր՝ հունիսի 10-ին, Բաղրամյան պողոտայում լրագրողների հետ զրույցում նշեց ԱԺ նախկին պատգամավոր Մարգարիտ Եսայանը:

«Իրենց պուճուրիկ հրամանատարները, որոնք կատարում են Նիկոլի պուճուրիկ հրահանգները, պետք է ի վերջո, սթափվեն եւ հասկանան, որ այս երկրի քաղաքացին են իրենք:

Ժամն օրհասական է: Այն 96 ժամը, որոնց մասին Բագրատ Սրբազանը խոսեց, շատ կարեւոր է: Մենք հիմա կամ պետք է հեռացնենք սրանց, կամ իրենք թուրքերի ձեռամբ կոտորելու են ամբողջ Հայաստանն ու հայ ժողովրդին:

Երբ 96 ժամ հետո մենք կունենանք այդ հաղթանակը, ես կուզենամ, որ եւ ոստիկանները, եւ բոլորը, չամաչեն, որ իրենք ժողովրդի հետ չէին: Կամ հիմա, կամ այլեւս երբեք»,-ասաց նա:

Անդրադառնալով 2018-ի թավշյա հեղափոխությանը, Մարգարիտ Եսայանն ասաց. «Իրականում դա մահասփյուռ իրադարձություն էր, ինքը բոլոր սիմվոլիկաներով 2018-ից սկսած մահ էր բերում երկիր: Մենք դա այն ժամանակ չէինք հասկանում: Դա Արցախը կորցնելու, Հայաստանը կորցնելու հեղափոխություն էր»:

Ինչ վերաբերում է ՔՊ-ական պատգամավորների պնդումներին, որ ընդդիմությունը մաղձ է սփռում, որ գիշերը աղմուկ են անում եւ խանգարում հիվանդ բնակիչներին, Եսայանն ասաց. «Ինչ վերաբերում է այդ ՔՊ-իկներին, իրենց, այսպես կոչված, «պուպուշ» հայտարարություններին, թող գնան գլուխները պատին խփեն, թող հիշեն իրենց երեկվա օրը, հասկանան, որ խոսքերով չի: Որ այն ժամանակ, երբ իրենք գալիս էին իրենց ՀԿ-ներով, իրենց սորոսներով, դրսի հրահանգներով երկիրը քանդելու, բացարձակ ընդհանուր եզր չունի այսօրվա պայքարի հետ: Սա երկիրը հայրենիքը փրկելու պայքար է:

Իրենց ժամանակ ոչ միայն այդ աղմուկը կար, ոչ միայն դագաղներն ու ծաղկեպսակները կային, ոչ միայն ատելությունը կար, երբ լցվել էին ԱԺ, դա ատելության եւ երկիրը հանձնելու շարժում էր: Այստեղ սեր ու հանդուրժողականություն է տիրում, որեւէ չար բան չենք ասում, ընդամենը ասում ենք՝ խելոք փասափուսաներդ հավաքեք,  դավայ էս երկրից: Էն, ինչ այս 4 տարիներին լափել, թալանել եք, կերել եք, լողացել, մաքրվել եք, գնացեք ինչ-որ մի տեղ: Մենակ մի մարդ եւ իր մերձավորները պետք է այս ամենի համար պատասխան տան: Այդ մարդու անունը Փաշինյան Նիկոլ է: Պետք է իրենց փասափուսան հավաքեն ու գնան, ես վստահ եմ, որ 96 ժամ հետո մենք դա տեսնելու ենք»,-ասաց նա:

Մարգարիտ Եսայանն անդրադարձավ նաեւ պնդումներին, թե շարժումը մարում է. «Բա ինչի՞ եք տենց սարսափած: Մենք գիտենք, թե իրենք ոնց են ընկնավորած: Թող գնան Huggies փամփերսները հագնեն, վեր ընկնեն ու ձենները կտրեն»:

!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ