News
Լրահոս
News
Կիրակի
Հուլիս 21
Տեսնել լրահոսը


Ես եւ իմ գործընկեր պատգամավորները կենդանի պատ էինք կազմել. Աննան էր Մկրտչյան, Տիգրանը Աբրահամյանը. Մենք ուզում էինք անցնել ներս, որ հասկանանք՝ ներսում ինչ է կատարվում, որովհետեւ լուրեր էինք ստանում, որ ներսում լարված է: Այս մասին այսօր՝ հունիսի 12-ին, լրագրողների հետ զրույցում նշեց ԱԺ «Հայաստան» խմբակցության պատգամավոր Ասպրամ Կրպեյանը:

«Ոստիկաններն սկսեցին վահաններով եւ սաղավարտներով զինված հրել, մենք հայտնվեցինք այդ արանքում: Լավ ենք բոլորս, հիմա այստեղ եմ արդեն լուսաձայնային նռնակներից եւ այլ զինատեսակներից վիրավորումներ ստացածներին տեսակցելու: Մենք առաջին հիվանդանոցում ենք, թվով շատ են, սպասում եմ գլխավոր բժշկին, որ մոտենա եւ համապարփակ տեղեկատվություն տրամադրի:

Շատ տարբեր վնասվածքներ են ստացել մարդիկ, նաեւ լսողական խնդիրներ են ստացել, որովհետեւ առանց նախազգուշացման են հատուկ միջոցները կիրառվել: Ոչ մի օրինական հրաման չի հնչել: Ոստիկաններն այնտեղ առանց ոստիկանական համազգեստի են եղել»,-ասաց նա:

Ավելի վաղ NEWS.am-ը հայտնել էր, որ Բաղրամյան պողոտայում հավաքի ժամանակ իրավիճակը լարվել է, բախումներ են սկսվել ցուցարարների եւ ոստիկանների միջեւ: Ոստիկանությունը լուսաձայնային նռնակներ է կիրառել, որի հետեւանքով բազմաթիվ մարդիկ վնասվածքներ են ստացել, մի քաղաքացու ձեռքն է կտրվել: Տուժել են նաեւ լրագրողներ, ոստիկաններ:

Առողջապահության նախարարության տվյալներով, Բաղրամյան պողոտայում տեղի ունեցած իրադարձությունների հետևանքով բուժօգնության է դիմել 79 քաղաքացիական անձ և ոստիկան։ Նրանք ստանում են անհրաժեշտ բուժօգնություն։

Ձեռքի դաստակի վնասվածքով պացիենտը վիրահատվում է։ Այլ ծանր վնասվածքով դիմած անձ չունեն։ Մանրամասները՝ տեսանյութում:

!
Այս նյութը հասանելի է նաև   English and Русский
Տպել
Ամենաշատ