News
Լրահոս
News
Հինգշաբթի
Հուլիս 25
Տեսնել լրահոսը

Ուկրաինայում Ռուսաստանի պատերազմը 24 ամսվա ընթացքում հանգեցրել է մոտ 175 միլիոն տոննա ածխաթթու գազի արտանետման, ըստ առ այսօր կատարված առավել լիարժեք ուսումնասիրության տվյալների՝ հայտնել է Euronews-ը։

Սա համարժեք է մեկ տարվա ընթացքում 90 միլիոն ավտոմեքենաների արտանետվածքին և Ռուսաստանից հավանաբար գրեթե 30 միլիարդ եվրոյի կլիմայական վնասի փոխհատուցում կպահանջվի:

Զեկույցը պատրաստել է Պատերազմի ժամանակ ջերմոցային գազերի հաշվառման նախաձեռնությունը (IGGAW), որը «հակամարտության ածխածնի» չափման նոր եղանակներ է մշակում։ Փաստաթուղթն առաջինն է, որը նման լայնածավալ մասշտաբով արտացոլում է պատերազմի արդյունքում ի հայտ եկած արտանետումները։

Արտանետումների մեկ երրորդը բաժին է ընկնում ռազմական գործողություններին, մասնավորապես ռուսական ռազմական մեքենաների օգտագործած միլիարդավոր լիտր վառելիքից: Դա արտանետումների ամենախոշոր աղբյուրն է, որը համարժեք է մոտ 35 միլիոն տոննա ածխածնի երկօքսիդի:

Եվս մեկ երրորդը բաժին է ընկնում պողպատի և երկաթբետոնի հսկայական ծավալներին, որոնք անհրաժեշտ են եղել և կլինեն վերակառուցման համար:

Վերջին երրորդը բաժին է ընկնում տարբեր աղբյուրներին: Ռուսական ներխուժումից հետո առաջնագծի երկու կողմերում պարբերաբար բարձր ինտենսիվության հրդեհներ են բռնկվում։ Արբանյակային պատկերները ցույց են տվել, որ մոտ 27 հազար հրդեհները մոտ մեկ միլիոն հեկտար հողատարածք են հրկիզել:

Ռուսաստանի և Ուկրաինայի օդային տարածքում սահմանափակումների և անվտանգության նկատառումներով առևտրային ինքնաթիռները փոխել են ուղերթը՝ մաքրելով 18 միլիոն քառակուսի կիլոմետր օդային տարածք: Սակայն Եվրոպայի և Ասիայի միջև թռիչքները հանգեցրել են վառելիքի հավելյալ սպառմանը, ինչի արդյունքում զուտ արտանետումները կազմել են ավելի քան 24 միլիոն տոննա:

Մթնոլորտ արտանետումների մյուս աղբյուրը Ուկրաինայի էներգետիկ ենթակառուցվածքի վրա հարձակումներն են։ Պատերազմի առաջին շաբաթներին Ռուսաստանը ուկրաինական հանածո վառելիքի պահեստավորման օբյեկտների վրա խոշոր հարձակումներ է ձեռնարկել։

Սակայն արտանետումները ավելի քիչ էին, քան «Հյուսիսային հոսքի» խողովակաշարերի ոչնչացումը, որը հանգեցրել է մեթանի մեկշաբաթյա ստորջրյա ժայթքման, կլիմայի վրա դրա ազդեցությունը համարժեք է 14 միլիոն տոննա ածխածնի երկօքսիդի:

Արտանետումների ամենաանսովոր աղբյուրներից մեկը էլեկտրական անջատիչների մեկուսացման համար օգտագործվող ծծմբի հեքսաֆտորիդն է կամ SF6-ը:

Դա ամենահզոր ջերմոցային գազն է, որն ջերմարար ունակությամբ 23 հազար  անգամ գերազանցում է ածխաթթու գազին։ Ռուսական հարվածների պատճառով SF6-ը գոլորշիացել է առանձնապես մեծ քանակությամբ՝ մոտ 40 տոննա, որը համարժեք է մոտ մեկ միլիոն տոննա ածխաթթվական գազին՝ CO2-ին։

Դրան ամենաքիչը նպաստել է մոտ 7 միլիոն ռուսաստանցի՝ համոզմունքների համար զինծառայությունից հրաժարվողների և ուկրաինացի փախստականների տեղահանումը:

IGGAW-ի գնահատականներով՝ պատերազմի առաջին 24 ամիսներին կլիմայական վնասների համար Ռուսաստանը պետք է 32 միլիարդ դոլար (29,5 միլիարդ եվրո) վճարի։

Ուկրաինայի կառավարությունը ողջունել է զեկույցը՝ նշելով, որ այն կնպաստի Ռուսաստանի դեմ Կիևի հարուցած փոխհատուցման գործին:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԵՄ-ն որոշել է անորոշ ժամանակով երկարաձգել ռուսական ակտիվների սառեցումը
Մասնավորապես, Վաշինգտոնը մտավախություն ունի, որ ԵՄ-ն այլևս չի երկարաձգի պատժամիջոցների ռեժիմը, ինչը կվտանգի իր պարտավորությունները...
ԵՄ դեսպանները համաձայնության են եկել Կիևին 4,2 միլիարդ եվրո բյուջետային օգնություն տրամադրելու շուրջ
Հաջորդ քայլը կլինի այս որոշման հաստատումը ԵՄ խորհրդի կողմից գրավոր ընթացակարգով...
Զելենսկին հայտարարել է, որ Ուկրաինան Ռուսաստանի վրա հարձակման համար սեփական հրթիռներ է մշակում
Զելենսկին միաժամանակ բացառել է, որ նման գործողությունները կհանգեցնեն ռազմական հակամարտության սրացման...
Պեկին մեկնած Ուկրաինայի ԱԳՆ ղեկավարն առաջին  անգամ հայտարարել է ՌԴ-ի հետ բանակցելու պատրաստակամության մասին
Կուլեբան շեշտել է, որ իր այցի հիմնական նպատակը ռազմական հակամարտության խաղաղ կարգավորման ուղիների քննարկումն է...
Լատվիան Ուկրաինային բժշկական օգնության նոր խմբաքանակ կփոխանցի
Ըստ նախարարության՝ սա վերջին շաբաթների ընթացքում բժշկական օգնության երկրորդ առաքումն է...
Ուկրաինացիների 32%-ը պատրաստ է տարածքային զիջումների հանուն խաղաղության, 55%-ը դեմ է. հարցում
Այդ թիվը զգալիորեն աճել է 2023 թվականի մայիսից ի վեր...
Ամենաշատ