News
Լրահոս
News
Ուրբաթ
Հուլիս 19
Տեսնել լրահոսը

Կառավարությունն իր այսօրվա՝ հունիսի 14-ի նիստում որոշեց «Մարտունու բժշկական կենտրոն» փակ բաժնետիրական ընկերության կանոնադրական կապիտալում գույք ներդնել և կանոնադրական կապիտալն ավելացնել:

Որոշման հիմնավորման մեջ նշվում է, որ վարկային համաձայնագրով իրականացվել են Գեղարքունիքի մարզի «Մարտունու բժշկական կենտրոն» ՓԲԸ-ի կառուցման շինարարական աշխատանքները։ Համաձայնագրով նախատեսված էր նաև Բժշկական կենտրոնը հագեցնել ժամանակակից չափանիշներին համապատասխան բժշկական կահույքով, սարքավորումներով և պարագաներով։

2023 թվականի վերջին Բժշկական կենտրոնի կառուցման շինարարական աշխատանքներն ավարտվել են (նոր մոդուլային շինություն՝ շուրջ 4800 քմ մակերես տարածքով և շուրջ 900 քմ նկուղային տարածքի կառուցապատմամբ)։

Համապատասխանաբար Բժշկական կենտրոնը հագեցված է նաև գործունեության համար անհրաժեշտ գույքով։

Բժշկական կենտրոնի կառուցման շինարարական աշխատանքների արժեքը կազմել է շուրջ 2,58 մլրդ դրամ, իսկ բժշկական սարքերով, կահույքով և պարագաներով հագեցման արժեքը կազմել է շուրջ 462,6 մլն դրամ։

Իրավական ակտի ընդունման անհրաժեշտությունը պայմանավորված է Բժշկական կենտրոնի համար ձեռքբերված գույքի նկատմամբ համապատասխան իրավունքի սահմանման, ինչպես նաև Բժշկական կենտրոնի նոր մասնաշենքի կառուցման համար ներդրված գումարների իրավական կարգավորման անհրաժեշտությամբ։               

Այս որոշմամբ նախատեսվում է վարկային համաձայնագրի շրջանակներում Բժշկական կենտրոնի համար ձեռքբերված գույքի, ինչպես նաև իրականացված շինարարական աշխատանքների արժեքի չափով ավելացնել Բժշկական կենտրոնի կանոնադրական կապիտալի չափը։

!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ