News
Լրահոս
News
Երկուշաբթի
Հուլիս 22
Տեսնել լրահոսը


Կան օբյեկտիվ տվյալներ, որոնց վրա պետք է հիմնվել ջրհեղեղից տուժածներին աջակցելու համար: Այս մասին, այսօր՝ հունիսի 14-ին, կառավարության նիստում նշեց ՀՀ վարչապետ Նիկոլ Փաշինյանը՝ անդրադարձավ Լոռու և Տավուշի մարզերում աղետից տուժածներին փոխհատուցում տրամադրելու հարցին:

Ըստ նրա՝ պետք է մշակել սկզբունք, վերհանել օբյեկտիվ տվյալներ, ասենք՝ ըստ հեղեղի ուժգնության գոտիների՝ 1 քառակուսի մետրի համար ստանդարտ բանաձև, և դրա հիման վրա փոխհատուցում տրամադրել:

«Չգնալ ամեն տուն, նայել, թե ջուրը 60 սմ է բարձրացել, թե՞ 70 սմ: Այսինքն պետռք է արագ գոտիավորել ըստ թաղամասերի: Ուղերձը տալ մարդկանց, ասել՝ ձեզ այս կարգով ենք  օգնելու, որ մարդիկ հանգիստ թողեն՝ այդ խոնավությունը չորանա, որ մարդիկ նաեւ հորիզոնը տեսնեն, թե կառավարությունն ինչ աջակցություն է տալու:

Մենք չենք կարող գնալ, ասել՝ բնակարանում քանի աթոռ է եղել, քանի սեղան է եղել, կամ հեռուստացույցը Panasonic է եղել, թե՞ Toshiba: Մենք բանաձեւ պետք է դնենք՝ հիմք ընդունելով քառակուսի մետրը, որը անփոփոխ է:

Պետք չէ տարածք բացել, որպեսզի պարզվի հեռուստացույցը, որը վնասվել է, ոչ թե 200 հազար դրամ արժեր, այլ 3 մլն դրամ: Մեզ չի հետաքրքրելու դա: Մենք չպիտի մտնենք նման բաների մեջ: Բնակարանը տուժել է, մենք գործակիցը տալիս ենք, որովհետև մեկի աթոռը կարող է կաղնու փայտից է, մյուսի աթոռը կարող է ավելի թանկ է կամ ավելի էժան փայտից է: Մեկի աթոռը կարող է 50 տարվա արտադրության է, մյուսինը՝ 3: Բնական աղետ է, մենք պիտի քառակուսի մետրով ասենք, որ մենք 1 քառակուսի մետրի համար փոխհատուցում ենք այսքան, որի մեջ մտնում է ամեն ինչ»,- ասաց Փաշինյանը:

Համաձայն վարչապետի հանձնարարության՝ Քաղաքաշինության կոմիտեն արդեն իսկ բանաձևը մշակել է, հանձնաժողովում կքննարկվի, և առաջիկայում կներկայացվի վերջնական տարբերակը:

Փաշինյանը շարունակեց. «Մենք այդտեղ խնդիր ունենք նաեւ ընտանի կենդանիների գլխաքանակի հետ կապված: Մենք այստեղ էլ օբյեկտիվ տվյալներ ունենք, այդ կենդանիները պատվաստում ստացել են, թե չեն ստացել: Մենք չպետք է հնարավորություն ստեղծենք, որ նոր տվյալներ ձեւավորվեն: Մենք պետք է հենվենք այն տվյալների վրա, որոնք նախկինում գոյություն են ունեցել:

Կեսկատակ ասում են՝ ինչ-որ մի տեղից 10 կգ ոսկին ջուրը քշել, տարել է: Կներեք, եթե նույնիսկ այդպես է, մենք չենք կարող այդ հարցում օգտակար լինել, որովհետեւ նախ ոսկին պետք չէր գարաժում պահել, երկրորդն էլ՝ ոսկու ձեռքբերման հարկային հետագիծը երեւում է, թե չի երեւում»:

Տպել
Կարդացեք նաև
Ամբողջը
Լոռու մարզպետը աղետի գոտում իրականացվող աշխատանքները քննարկելու նպատակով  խորհրդակցություն է անցկացրել
Առաջիկայում լուծում կստանա նաև այդ խնդիրը, և հնարավոր կլինի վերականգնման աշխատանքներ իրականացնել նաև այդ հատվածում…
Կործանարար հեղեղումը, ինչպիսին եղավ Լոռիում եւ Տավուշում, պատահում է 300 տարին մեկ. ՀԿԵՈւ գլխավոր տնօրեն
Նման կործանարար հեղեղում պատահում է 300 տարին մեկ...
Հայաստանում աղետի գոտում հաշվվել է 269 վնասված բնակարան և անհատական ​​բնակելի շենք
Փոխնախարարը պարզաբանեց, որ դիմումը բավարարվում կամ մերժվում է ներկայացման օրվանից...
Հայաստանում 1քմ-ի համար կհատկացվի 40-ից 60 հազար դրամ՝ հեղեղումների գոտում բնակարանների վերանորոգման համար
Այն դեպքերում, երբ ներգրավված են վերանորոգման աշխատանքներ, տարածքների գոտիավորումն ուժի մեջ է...
Ինչպե՞ս ստանալ փոխհատուցում․ Լոռու և Տավուշի մարզերում աղետից տուժած անձանց փոխհատուցում տրամադրելու մանրամասները
Ո՞վ կարող է ստանալ փոխհատուցում․․․
Ամբողջությամբ կփոխհատուցվի ջրհեղեղից փլուզված 16 բնակարանի և 2 բնակելի տան գնման և 263 տան վերանորոգման ծախսերը
Աջակցություն ստանալու համար դիմումներն ընդունվում են հուլիսի 15-ից մինչև սեպտեմբերի 30-ը՝ համայնքապետարանների միջոցով…
Ամենաշատ