News
Լրահոս
News
Երկուշաբթի
Հուլիս 15
Տեսնել լրահոսը


Նկատվում է ամեն բան այնպես ներկայացնելու փորձ, որ հայկական 8 գյուղերի հանձնումից հետո լինելու է, ինչպես փորձում են ներկայացնել հանրությանը, իրական Հայաստան իրական սահմաններով։ Այս մասին «Արարատյան դաշինքի շուրջ» համաժողովի ժամանակ հունիսի 15-ին ասել է թուրքագետ Վարուժան Գեղամյանը։

«Ընդ որում, Ադրբեջանը սկզբնապես ցանկանում էր ստանալ բոլոր 8-ը միանգամից։ Բայց, տեսնելով դիմադրություն, որը կա Հայաստանում, նրանք համաձայնեցին «4+4» տարբերակին։

Մայիսին տեղի ունեցավ առաջին 4 գյուղերի հանձնումը, պայմանավորվածությունների տրամաբանությամբ՝ հաջորդ 4 գյուղերի հանձնումը պետք է կատարվի հուլիսի կեսին։ Կորոշվի այսպես կոչված անկլավների հարցը։ Բաքվի առաջնային նպատակը Տիգրանաշենն է, որով անցնում է մեկ այլ մայրուղի, որը Հայաստանը կապում է արտաքին աշխարհի հետ (Իրանի- խմբ.)»,- ավելացրել է նա։

Նրա գնահատմամբ՝ առաջին անգամ Հայաստանի տարբեր մասերը կբախվեն միմյանց հետ ինտեգրվելու խնդրին, ինչը կարող է հանգեցնել բացասական ժողովրդագրական հետեւանքների։

«Տեղի կունենա ոչ թե Հայաստանի ապաշրջափակում, այլ Հայաստանի համատարած շրջափակում։

Հայաստանի ներսում կհայտնվեն փոքրիկ միջանցքներ, որոնք կոչված կլինեն ապահովելու Ադրբեջանի կապը այսպես կոչված անկլավների հետ, որոնք կարող են հանձնվել»,- նշել է փորձագետը։

Նա նշել է, որ այսպես կոչված սահմանազատման գործընթացը չի սահմանափակվում 8 բնակավայրերով։

«Այդ բոլոր գործընթացները կարագացնեն այսպես կոչված Զանգեզուրի միջանցքի նախագծի իրականացումը։ Այս տարվա վերջին Բաքուն նախատեսում է ավարտել ճանապարհաշինարարական աշխատանքներն օկուպացված Արցախում։ Դա վկայում է այն մասին, որ ճնշումն այս հարցում կուժեղանա այս տարվա վերջին-եկող տարվա սկզբին»,- եզրափակել է Գեղամյանը։

!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ