News
Լրահոս
News
Կիրակի
Հուլիս 21
Տեսնել լրահոսը

Ուկրաինան Ռուսաստանի հետ պատերազմում խաղաղության հասնելու եղանակի մասին երկարատև մտածելու ժամանակ չունի։ Հարկավոր է արագ գործել, Շվեյցարիայում խաղաղության գագաթնաժողովի արդյունքներով կայացած մամուլի ասուլիսում հայտարարել է Ուկրաինայի նախագահ Վլադիմիր Զելենսկին, հաղորդում է РБК-Украина-ն։

«Մենք երկարատև աշխատանքի ժամանակ չունենք. Մենք պետք է արագ գործենք. Աշխատանքը պետք է տևի ամիսներ, ոչ թե տարիներ։ Երբ խաղաղության գործողությունների ծրագիրը պատրաստ լինի և յուրաքանչյուր քայլ մշակվի, ճանապարհ կբացվի խաղաղության երկրորդ գագաթնաժողովի անցկացման, հետևաբար պատերազմի ավարտի և արդար և կայուն խաղաղության համար»,- ասել է Զելենսկին։

Ըստ նրա, արդեն կան մի շարք երկրներ, որոնք ցանկանում են հյուրընկալել խաղաղության երկրորդ գագաթնաժողովը, և Ուկրաինան արդեն սկսել է քննարկել այդ հարցը։

«Մենք բանակցություններ ենք սկսել նրանց հետ։ Վստահ եմ, որ ընտրությունն իսկապես համապարփակ նշանակություն կունենա»,- ասել է Ուկրաինայի նախագահը։

Հիշեցնենք, որ հունիսի 15-16-ը Շվեյցարիայում Ուկրաինայի հարցով խաղաղության գագաթնաժողով էր անցկացվում։ Գագաթնաժողովի արդյունքներով ստորագրվել է կոմյունիկե , որին միացել է 101 պատվիրակություններից 84-ը։

Հայաստանն այն երկրների թվում է եղել, որոնք չեն ստորագրել եզրափակիչ կոմյունիկեն։



!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ