News
Լրահոս
News
Ուրբաթ
Հուլիս 19
Տեսնել լրահոսը

Սահմանագծում-սահմանազատում կարևորագույն գործընթացում ՔՊ վարչախումբը չունի ազգային-պետական շահերից բխող  համապարփակ և իրավական ծրագիր։  Այս մասին հայտարարություն է տարածել «Միասին» այընտրանքային հասարակական-քաղաքական  շարժման համակարգող խորհուրդը:

Հայտարարությունում նաեւ ասվում է. «Տավուշի մարզում Նիկոլ Փաշինյանի օրակարգով անցկացված ապօրինի գործընթացը ոչ մի առնչություն չունի սահմանագծում և սահմանազատում միջազգայնորեն ընդունված հասկացությունների և փորձի հետ։

Գործող վարչախմբի իրականացրած ծրագիրն իրականում Ադրբեջանի կողմից ուժի կիրառման սպառնալիքի ներքո  կատարված սահմանահանձնում է, Հայաստանի ինքնիշխան տարածքների ապօրինի բռնազավթում հակառակորդին անձնատուր իշխանության համաձայնությամբ։

Տավուշյան սահմանահանձնման գործընթացին նախորդել է իր բնույթով հակասահմանադրական նույնպիսի գործողություն Սյունիքում՝ Գորիս-Կապան-Ճակատեն միջպետական ճանապարհի հանձնումը, ինչպես նաև Շուռնուխի, Ներքին Հանդի տարածքների զիջումը Ադրբեջանին։ Այժմ հերթը «անկլավ» կոչված հայկական տարածքներինն է և Ադրբեջանի համար սկզբունքային՝ Սյունիքով Նախիջևանին միանալու ծրագրինը։ Չկարողացանք կասեցնել այս պետականակործան «սահմանագծումը»․ եթե շարունակենք լռել կամ անհամակարգ պայքարել, ապա Հայաստանի ինքնիշխանության և անկախության կորուստները կարող են անդառնալի լինել։

«Միասին»  այլընտրանքային հասարակական-քաղաքական շարժումը պահանջում է Ադրբեջանի հետ սահմանազատում-սահմանագծում գործընթացի հիմքում դնել 1984 թվականից սկսված և Ադրբեջանի ու Հայաստանի Խորհրդային Հանրապետությունների գործադիր իշխանությունների կողմից վավերացված վարչական սահմանների ճշգրտման արձանագրությունները։ 1984 թ․ հոկտեմբերի 24-ից, ԽՍՀՄ կենտրոնական իշխանության հետ համաձայնեցված, սկսվել է ՀԽՍՀ և ԱդրԽՍՀ վարչական սահմանների զատումը, որն ավարտին է հասցվել ՀԽՍՀ նախարարների խորհրդի նախագահի տեղակալ Վ․ Մովսիսյանի և ԱդրԽՍՀ նախարարների խորհրդի նախագահի տեղակալ Շ․Ռասիզադեի գլխավորած պատվիրակությունների կողմից։  Հայաստանի եւ Ադրբեջանի միջև կատարվել է վարչական սահմանների հստակեցում Նոյեմբերյանից մինչև Մեղրի: Ընդունվել է փաստաթուղթ, որը վերնագրված էր «Հայկական ԽՍՀ եւ Ադրբեջանական ԽՍՀ առանձին հողօգտագործողների միջեւ սահմանների վերականգնման (ճշգրտման) մասին»։ Այս փաստաթղթի արձանագրությունների ներքո դրված են երկու խորհրդային պետությունների ստորագրությունները։ Դրանցից հրաժարվելը հավասարազոր է պետական դավաճանության։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ալիևի ռեժիմի քարոզչությունը փորձում է գլխիվայր շուռ տալ իրականությունը. Տիգրան Բալայան
Հենց բրիտանական կողմն է առաջարկել հանդիպման անցկացումը, և Հայաստանի…
Հայաստանի սխալ «շրջադարձը» «դեպի Արևմուտք». The National Interest
Հայաստանի հեղափոխական իշխանությունը, ըստ երեւույթին, Ռուսաստանից «շրջվում» է դեպի Արևմուտք՝ գնալով...
Իրարամերժ հայտարարություններ՝ Լոնդոնից. ըստ երևույթին, խնդիրը հանդիպման օրակարգն է եղել. Ստեփան Դանիելյան
Լոնդոնից իրարամերժ հայտարարություններ ենք լսում: Ադրբեջանական կողմը...
Հայկական կողմն առաջարկել է Փաշինյան-Ալիեւ երկկողմ հանդիպում ունենալ. ադրբեջանական կողմը մերժել է առաջարկը. ԱԳՆ խոսնակ
Հայկական կողմը նաև վերահաստատում է իր առաջարկը` ինտենսիվացնել բարձր...
Հաջիեւը հավաստիացնում է. Նիկոլ Փաշինյանը հրաժարվել է հանդիպել Իլհամ Ալիեւի հետ Լոնդոնում
Փաշինյանը հրաժարվել է հանդիպել Ալիեւի հետ...
Նույնիսկ եթե Կիրանցի բնակիչները չունեն սեփականության իրավունքի վկայական, նրանք փոխհատուցում պետք է ստանան. ՄԻՊ
Կիրանցի բնակիչներից տների փոխհատուցման չափով բողոքներ չենք ստացել, բայց…
Ամենաշատ
Ֆոտոռեպորտաժներ