News
Լրահոս
News
Շաբաթ
Հուլիս 13
Տեսնել լրահոսը

«Օտարերկրյա գործակալների մասին» օրենքի ընդունումը սառեցրել է Վրաստանի ինտեգրումը Եվրամիությանը, Interpress-ին տված հարցազրույցում հայտարարել է Վրաստանում Եվրամիության դեսպան Պավել Գերչինսկին։

Ըստ դեսպանի՝ բազմիցս զգուշացվել է, որ «Օտարերկրյա ազդեցության թափանցիկության մասին» օրենքի ընդունումը Եվրամիությանն անդամակցելու Վրաստանի ձգտումների վրա բացասաբար կանդրադառնա։

«Իմ երկարամյա քաղաքականությունը կոնկրետ հայտարարություններ չմեկնաբանելն է, բայց քանի որ դուք ինձ հարց տվեցիք Եվրամիության և Վրաստանի միջև հարաբերությունների ներկա վիճակի մասին, մեծ ափսոսանքով պետք է նշեմ, որ այս պահին մեր հարաբերություններում բարդ շրջանում ենք: Բազմիցս հայտարարել ենք, որ «օտարերկրյա ազդեցության» օրենքի ընդունումը Վրաստանի՝ Եվրամիությանն անդամակցելու ձգտումների վրա բացասաբար կանդրադառնա, ինչը, ցավոք, տեղի ունեցավ։

ԵՄ-ն հաջորդ շաբաթ կքննարկի արդյունքները։

Այս քննարկումը տեղի կունենա նախ արտգործնախարարների, իսկ մի քանի օրից՝ առաջնորդների մակարդակով, որպեսզի նախագահներն ու վարչապետները քննարկեն, և մենք որոշենք՝ ինչ քայլեր ենք ձեռնարկելու Վրաստանի այս իրադարձությունների առնչությամբ։

Անշուշտ, դա բացասաբար է ազդել Վրաստանի առաջընթացի հեռանկարների վրա։ Սկզբունքորեն, այս օրենքի ընդունումն, ըստ իս, սառեցրեց Վրաստանի ինտեգրումը Եվրամիությանը։ Ինչպես գիտեք, Եվրամիությանն ինտեգրվելը միահամուռություն է պահանջում, և արդեն լսել ենք, որ մի քանի անդամ երկրներ հրապարակայնորեն հայտարարել են, որ այս օրենքն ընդունվելու դեպքում իրենք դեմ կլինեն Վրաստանի հետ անդամակցության բանակցությունների մեկնարկին»,- նշել է դեսպանը։

Վրաստանում ԵՄ դեսպանն ընդգծել է, որ Եվրահանձնաժողովն ու Արտաքին քաղաքական ծառայությունները պատասխան միջոցների տարբերակներ են մշակել և ուղարկել անդամ երկրներ։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
The Economist. ԵՄ-ն պատրաստվում է Չինաստանի հետ առևտրային պատերազմի
ԵՄ-ի հաջորդ քայլը կարող է լինել Չինաստանի դեմ նոր «զենքի»՝ այսպես կոչված, «միջազգային գնումների գործիքի» օգտագործումը
Հայաստանում ԵՄ առաքելությունը հյուրընկալել է Նիդերլանդների պատվիրակությանը
Մեծ պատիվ է Հայաստանում Եվրամիության քաղաքացիական առաքելությունում...
Կոբախիձե. ԱՄՆ եւ ԵՄ որոշումը չի համապատասխանում մեր ակնկալիքներին հարաբերությունների վերալիցքավորման առումով
ԵՄ եւ ԱՄՆ որոշումը չի համապատասխանում Վրաստանի ակնկալիքներին...
Եվրամիությունում Հայաստանին չեն սպասում. նախկին փոխարտգործնախարար
Եվրամիությունում չեն սպասում Հայաստանին, թեեւ ողջունում են նրա ձգտումը...
ԵՄ-ում Օրբանի այցը ՌԴ անվանել են Եվրամիության օրենքների խախտում. FT
Օրբանի այցը ՌԴ ԵՄ օրենքների խախտում է...
Գերմանիայի դեսպան. մենք վերանայում ենք հարաբերությունները Վրաստանի հետ
Կարեւոր թեմա Վրաստանի համար...
Ամենաշատ
Ֆոտոռեպորտաժներ