News
Լրահոս
News
Շաբաթ
Հուլիս 13
Տեսնել լրահոսը

Դաղստանում գրոհայինների հարձակումների զոհ է դարձել ավելի քան 15 ոստիկան։ Այս մասին հայտնել է շրջանի ղեկավար Սերգեյ Մելիքովը։

«Այսօրվա ահաբեկչության զոհ են դարձել ավելի քան 15 ոստիկան՝ զենքերը ձեռքներին պաշտպանելով Դաղստանի խաղաղությունն ու անդորրը», - ասել է նա Telegram ալիքում հրապարակված տեսանյութում։

Մելիքովը նշել է, որ ահաբեկչության հետեւանքով զոհվել են նաեւ մի քանի խաղաղ բնակիչներ։ Մահացած խաղաղ բնակիչների թվում Դաղստանի ղեկավարը նշել է հայր Նիկոլային, ով ավելի քան 40 տարի ծառայել է Դերբենտի ուղղափառ եկեղեցում։

Դաղստանում մի շարք ահաբեկչություններից հետո իրավիճակը գտնվում է իշխանությունների և իրավապահ մարմինների վերահսկողության տակ, նշել է Մելիքովը։ «Ես կխնդրեի ձեզ հանգստություն պահպանել: Իրավիճակը վերահսկում են պետական ​​մարմինները և իրավապահ մարմինները»,- նշել է մարզի ղեկավարը։

Նա նաև հայտնել է, որ զոհվածների և վիրավորների ընտանիքները կստանան դրամական օգնություն։ «Որոշում է կայացվել բոլոր զոհվածների և վիրավորների [ընտանիքներին] տրամադրել պարտադիր ֆինանսական օգնություն։ Ե՛վ ոստիկաններ, և՛ քաղաքացիական անձինք»,- ասել է Մելիքովը։

!
Այս նյութը հասանելի է նաև   English and Русский
Տպել
Ամենաշատ
Ֆոտոռեպորտաժներ