News
Լրահոս
News
Հինգշաբթի
Հուլիս 25
Տեսնել լրահոսը


Լալան գնաց՝ թողնելով շատ բան, որը ժամանակ առ ժամանակ իր մասին հիշեցնելու է. ամենակարեւորը՝ նա թողեց հրաշք նոր սերունդ, որը վաղ, թե ուշ, Լալայի դատարկ տեղը լցնելու է: Այս մասին այսօր՝ հունիսի 24-ին, Կոնդի Սուրբ Հովհաննես եկեղեցում ՀՀ վաստակավոր արտիստ Լալա Մնացականյանի վերջին հրաժեշտի արարողության ժամանակ լրագրողների հետ զրույցում ասաց դերասան եւ հաղորդավար Լեւոն Հարությունյանը:

«Կարծում եմ՝ Լալան չի գնացել: Ինձ բախտ վիճակվեց իր հետ բեմ բարձրանալ Մետրո թատրոնում: Ինքն ինձ համար ուսուցիչ էր: Մի քանի անգամ եղել է հնարավորություն, որ իրեն ասում էի՝ Լալ ջան, իմ խոսքը լավ չի, տեր եղիր: Ասում էր՝ ստեղ եմ, ստեղ եմ: Հիմա իմ խոսքն էլ ժամանակավոր անտեր մնաց»,-ասաց նա:

«Լալան չէր ստում, ասում էր ճշմարտությունը: Մի հարց տամ՝ կառավարությունից մարդ եկա՞վ: Լռենք, որովհետեւ սա է մեր կառավարության վերաբերմունքը մշակույթից: Իրենք չեն գնահատում մտավորականին, մշակույթը, որովհետեւ ով մի քիչ էն չի խոսում, իրենք նեղանում են»,- ընդգծեց դերասանը:

Հիշեցնենք, որ Լալա Մնացականյանը մահացել է հունիսի 22-ին։ Նա 66 տարեկան էր։

Լալա Մնացականյանը ծնվել է 1957 թվականի հոկտեմբերի 8-ին Երևանում։ Սովորել է Երևանի պետական գեղարվեստա-թատերական ինստիտուտի թատրոնի և կինոյի դերասանական բաժինը, որն ավարտել է 1978 թվականին կարմիր դիպլոմով։ Խաղացել է բազմաթիվ դերեր թատրոնում, կինոյում և հեռուստատեսությունում։ Հետաքրքիր դերակատարումներով հանդես է եկել տարբեր թատրոններում՝ Երևանի Երիտասարդական Էքսպերիմենտալ Թատրոն, Վանաձորի Հովհաննես Աբելյանի անվան պետական դրամատիկական թատրոն, Գաբրիել Սունդուկյանի անվան ակադեմիական թատրոն, «Մետրո» թատրոն, Մհեր Մկրտչյան արտիստական թատրոն։ 140 մանրապատումների սցենարիստ է և դերակատար»:

!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ