News
Լրահոս
News
Չորեքշաբթի
Հուլիս 24
Տեսնել լրահոսը

Եվրամիության միջազգային գործերի եւ անվտանգության քաղաքականության գծով գերագույն ներկայացուցիչ Ժոզեպ Բորելը հայտնել է, որ հաջորդ շաբաթ Ուկրաինան կստանա 2,5 մլրդ եվրոյի մի մասը ՌԴ սառեցված ակտիվների եկամուտներից։

Ինչպես տեղեկացրել է «Европейская правда»-ն, այս մասին նա ասել է Լյուքսեմբուրգում ԵՄ երկրների ԱԳՆ ղեկավարների հանդիպումից առաջ։

Նրա խոսքով՝ ԵՄ-ը պետք է փնտրի ռուսական սառեցված ակտիվների օգտագործման միջոց՝ խուսափելով անդամ երկրների որեւէ արգելքից։

«Եվ մենք ունենք իրավաբանական ընթացակարգ, որը թույլ է տալիս խուսափել որեւէ արգելքից։ Առաջին տրանշը կստացվի հաջորդ շաբաթ, հուլիսին։ Երկրորդը՝ մի քանի շաբաթ անց»,- նշել է Բորելը՝ հայտնելով, որ հաջորդ շաբաթ Ուկրաինան կստանա 2,5 մլրդ եվրոյի մի մասը։

ԵՄ դիվանագետը նշել է, որ Շվեյցարիայում վերջերս տեղի ունեցած խաղաղության գագաթաժողովը պատերազմն ավարտելու «դիվանագիտական ճանապարհ է բացել», բայց Պուտինը պատասխանել է նրանով, որ «գնում է ամեն տեղ, որտեղից կարող է զենք ստանալ»։

«Մենք պետք է ավելացնենք մեր աջակցությունն Ուկրաինային։ Ուկրաինային անհրաժեշտ է աջակցություն հիմա»,- ամփոփել է Բորելը։

!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ