News
Լրահոս
News
Կիրակի
Հուլիս 14
Տեսնել լրահոսը

Ռուսաստանը պատրաստ է բարեկամական հարաբերություններ կառուցել Հայաստանի հետ, Պրիմակովյան ընթերցումների շրջանակում ասել է ՌԴ Դաշնային խորհրդի փոխխոսնակ Կոնստանտին Կոսաչովը։

Նա ընդգծել է, որ «տանգոն երկուսով են պարում», ուստի «վերջնական արդյունքը կախված է Երևանից», հայտնում է NEWS.ru-ն։

«Ռուսաստանը ամբողջապես պատրաստ է բարեկամական և դաշնակցային հարաբերություններ կառուցել Հայաստանի հետ, մենք մինչև վերջ հավատարիմ ենք մնալու այս գծին, բայց տանգո պարելու համար անհրաժեշտ է երկու հոգի, վերջնական արդյունքը կախված չէ Ռուսաստանից, դա կախված է Հայաստանից, դա կախված է այն բանից, թե որքանով է Հայաստանի ներկայիս ղեկավարությունը գիտակցում Ռուսաստանի նկատմամբ անտագոնիզմի ռիսկերը»,- ասել է Կոսաչովը։

Միևնույն ժամանակ, նա հավելել է, որ Հայաստանի մերձեցումն Արևմուտքի հետ «անպատասխանատու» է։

Ըստ ռուս սենատորի՝ «հետխորհրդային տարածքի այլ երկրների օրինակով կարելի է տեսնել, թե ինչի է հանգեցնում Արևմուտքի հետ մերձեցումը, ուստի Ռուսաստանը Հայաստանի համար նման ճակատագիր չի ցանկանում»։

!
Այս նյութը հասանելի է նաև   English and Русский
Տպել
Ամենաշատ
Ֆոտոռեպորտաժներ