News
Լրահոս
News
Կիրակի
Հուլիս 21
Տեսնել լրահոսը

Կրասնոդարի առևտրի և զվարճանքի կենտրոնի կայանատեղիից երրորդ հարկից դուրս թռած BMW-ի վարորդը, հավանաբար, փոխել է իր անունը։ Դրա մասին հայտնել է РИА Новости-ն՝ վկայակոչելով հաշվառման փաստաթղթերը։

Ըստ տվյալների՝ մահացած վարորդ Ռաֆայել Ռուբենի Առաքելյանին նախկինում Ռոման Զախարի Բուտենկո են անվանել։ Կրասնոդարում նրան էր պատկանում «Высота» անհատականության վերականգնման կենտրոնը, որտեղ բուժում են թմրակախվածությունը, ինչպես նաև կախվածությունը ալկոհոլից ու և մոլախաղերից: Բացի դրանից, 2016-2021 թվականը ձեռնարկատերը զբաղվել է տրանսպորտային միջոցների սպասարկմամբ և վերանորոգմամբ։

Շրջանային մայրաքաղաքի ՆԳՆ-ն երեքշաբթի հայտնել է, որ Վոլոդյա Գոլովատիի փողոցի առևտրի և զվարճանքի կենտրոնի բազմահարկ ավտոկայանատեղիի երրորդ հարկից ընկել է BMW մակնիշի ավտոմեքենա։ Մեքենայում գտնվող 37-ամյա վարորդը, ինչպես նաև նրա կինն ու որդին ստացած վնասվածքներից տեղում մահացել են։

Քննիչները սպանության դեպքի առթիվ քրեական գործ են հարուցել։ Գերատեսչությունից հայտնում են, որ ավտոմեքենայի վարորդը արագություն է հավաքել և դուրս է թռել կայանատեղի պարսպից։ Արտասահմանյան արտադրության մեքենան Ռաշպիլևսկայա փողոցում ընկել է ճանապարհի երթևեկելի հատված։

Կրասնոդարի քաղաքապետ Եվգենի Նաումովը նշել է, որ անցորդներից ոչ ոք չի տուժել։ Մարզի նահանգապետ Վենիամին Կոնդրատևը Պատկերասրահի սեփականատիրոջը խնդրել է անվտանգության լրացուցիչ միջոցներ մտցնել ավտոկայանատեղիում։ Քաղաքային ոստիկանությունից РИА Новости-ին հայտնել են, որ Կրասնոդարի Gallery առևտրի կենտրոնի կայանատեղիի գործունեությունը կասեցվել է։

!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ