Իսպանիայի Արդյունաբերական շուկաների և մրցակցության ազգային հանձնաժողովը (CNMC) իր պատմության մեջ ամենամեծ տուգանքն է սահմանել հյուրանոցների ամրագրման առցանց Booking համակարգի նկատմամբ: Դրա մասին ասված է կարգավորող մարմնի մամուլի հաղորդագրության մեջ։
Նշվում է, որ CNMC-ն տուգանել է Booking.com-ին 413 միլիոն 240 հազար եվրոյով՝ գերիշխող դիրքը չարաշահելու համար։ «Ընկերությունն առնվազն 2019 թվականի հունվարի 1-ից մինչ օրս իր գերիշխող դիրքի երկու չարաշահում է թույլ տվել` Իսպանիայում տեղակայված հյուրանոցների համար սահմանելով մի քանի անարդար առևտրային պայմաններ, որոնք կիրառում են իր ամրագրման միջնորդական ծառայությունները, և սահմանափակելով այլ առցանց տուրիստական գործակալությունների հետ մրցակցությունը, առաջարկել միևնույն ծառայությունները»,- նշել է կարգավորիչը։
2022 թվականի հոկտեմբերին հանձնաժողովը հետաքննություն էր սկսել Booking-ի նկատմամբ։ Ըստ CNMC-ի՝ կարգապահական վարույթը հարուցվել է հնարավոր հակամրցակցային գործողությունների պայմաններում, որոնք ի վիճակի են վնասելու հյուրանոցներին և առցանց տուրիստական գործակալություններին:
Կարգավորիչն այս որոշումն ընդունել է Իսպանիայի հյուրանոցների տնօրենների ասոցիացիայից և Մադրիդի հյուրանոցային բիզնեսի ասոցիացիայից ստացված երկու բողոքից հետո:
