Իտալական ITA Airways ավիաընկերությունը դադարեցրել է թռիչքները դեպի Թել Ավիվ։ Այս մասին ՏԱՍՍ-ին հայտնել է ընկերության մամուլի ծառայությունը։
«Այո, այլ ընկերությունների նման, մենք օգոստոսի 1-ից դադարեցրել ենք թռիչքները դեպի Թել Ավիվ՝ ուղևորների և մեր անձնակազմի անվտանգությունը երաշխավորելու նպատակով», - ասել են ավիաընկերությունից: Առայժմ չվերթները չեղարկվել են մինչև օգոստոսի 6-ը ներառյալ։ Ավելի վաղ Իտալիայի ԱԳՆ-ն իր քաղաքացիներին խորհուրդ էր տվել հետաձգել Իսրայել, ինչպես նաև Լիբանան ուղևորությունները։ ITA Airways-ը Բեյրութ թռիչքներ չի իրականացնում։
